Video: ಜಿಹಾದ್ ವಿರುದ್ಧ ಮಾತನಾಡುವುದ ಬಿಡದಿದ್ದರೇ ನಾಲಿಗೆ ಕತ್ತರಿಸುವುದಾಗಿ ಜಮ್ಮು ಮತ್ತು ಕಾಶ್ಮೀರ ಬಿಜೆಪಿ ಅಧ್ಯಕ್ಷನಿಗೆ ಬೆದರಿಕೆ ಹಾಕಿದ ಉಗ್ರ

ಶ್ರೀನಗರ: ಜಿಹಾದ್ ವಿರುದ್ಧ ಮಾತನಾಡುವುದನ್ನು ಬಿಡದಿದ್ದರೇ ನಾಲಿಗೆಯನ್ನು ಕತ್ತರಿಸುವುದಾಗಿ ಜಮ್ಮ ಮತ್ತು ಕಾಶ್ಮೀರದ ಬಿಜೆಪಿ ಅಧ್ಯಕ್ಷ ರವಿಂದರ್ ರೈನಾ ಅವರಿಗೆ ಉಗ್ರನೊಬ್ಬ ಬೆದರಿಕೆ ಹಾಕಿದ್ದಾನೆ.

ಈ ಕುರಿತು ಅನಾಮಧೇಯ ಉಗ್ರನೊಬ್ಬ ಕೈಯಲ್ಲಿ ಬಂದೂಕು ಹಿಡಿದು ಮಾಡಿರುವ ವಿಡಿಯೋ ಜಾಲತಾಣದಲ್ಲಿ ಹರಿಬಿಡಲಾಗಿದೆ.

ಜಮ್ಮು ಮತ್ತು ಕಾಶ್ಮೀರದಲ್ಲಿ ಮುಸ್ಲಿಂರ ಮೇಲೆ ನಡೆದ ದೌರ್ಜನ್ಯಕ್ಕೆ ಪ್ರತಿಕಾರ ತೀರಿಸಲಾಗುವುದು. ಪಾಕಿಸ್ತಾನ್ ಆಕ್ರಮಿತ ಕಾಶ್ಮೀರದ ಬಗ್ಗೆ ಮಾತನಾಡುವುದನ್ನು ರವಿಂದರ್ ರೈನಾ ಮೊದಲು ಬಿಡಬೇಕು. ನಾವು ಭಾರತದ ಆಡಳಿತದಿಂದ ಕಾಶ್ಮೀರವನ್ನು ಮುಕ್ತಗೊಳಿಸುತ್ತೇವೆ. ನೀನು ಹೀಗೆ ಪಾಕಿಸ್ತಾನ್ ಮತ್ತು ಜಿಹಾದ್ ಬಗ್ಗೆ ಮಾತನಾಡುವುದನ್ನು ಮುಂದುವರೆಸಿದರೆ ನಿನ್ನ ನಾಲಿಗೆಯನ್ನು ಕತ್ತರಿಸುತ್ತೇವೆ ಎಂದು ಉಗ್ರ ರವೀಂದರ್ ಸಿಂಗ್​​ಗೆ ಎಚ್ಚರಿಕೆ ನೀಡಿದ್ದಾನೆ.

ಬೆದರಿಕೆ ನೀಡಿರುವ ಉಗ್ರನ ವಿಡಿಯೋವನ್ನು ಪತ್ರಕರ್ತ ಆಶೀಸ್ ಕೋಹ್ಲಿ ಎನ್ನುವರು ಟ್ವಿಟ್ಟರ್​​ನಲ್ಲಿ ಹಂಚಿಕೊಂಡಿದ್ದಾರೆ.

https://www.vijayavani.net/jaggesh-angry/