ಟ್ರಂಪ್ ಅವರು ಶೇಕಡಾ 50 ರಷ್ಟು ಸುಂಕ ವಿಧಿಸಿದ್ದನ್ನು ಟೀಕಿಸಿದ ರೇವಂತ್ ರೆಡ್ಡಿ, ಈ ನಿರ್ಧಾರ ಅಮೆರಿಕದ ಆರ್ಥಿಕತೆಯ ಮೇಲೆ ಪರಿಣಾಮ ಬೀರುತ್ತದೆ ಹೊರತು ಭಾರತಕ್ಕಲ್ಲ ಎಂದರು. ಒಮ್ಮೆ ಮೋದಿಜಿ ನನ್ನ ಸ್ನೇಹಿತ ಎಂದು ಹೇಳುವ ಟ್ರಂಪ್, ಮತ್ತೊಂದು ದಿನ ಭಾರತದ ಮೇಲೆ ಶೇಕಡಾ 50 ರಷ್ಟು ತೆರಿಗೆ ವಿಧಿಸುತ್ತೇನೆ ಎಂದು ಹೇಳುತ್ತಾರೆ. ಇಂತಹ ಅನಿಯಂತ್ರಿತ ನಿರ್ಧಾರಗಳು ತುಂಬಾ ದಿನ ಕೆಲಸ ಮಾಡುವುದಿಲ್ಲ ಎಂದರು. ಕೆಲವರು ರಾತ್ರಿ ಕನಸು ಕಂಡು, ಮರುದಿನ ಅದನ್ನು ಕಾರ್ಯಗತಗೊಳಿಸಲು ಪ್ರಯತ್ನಿಸುತ್ತಾರೆ. ಇದು ಕೆಲಸ ಮಾಡುವುದಿಲ್ಲ, ಯಾವುದೇ ಸರ್ಕಾರ ಹಠಾತ್ ನಿರ್ಧಾರಗಳನ್ನು ತೆಗೆದುಕೊಂಡು ಯಶಸ್ಸು ಗಳಿಸಲು ಸಾಧ್ಯವಿಲ್ಲ, ಅದಕ್ಕೆ ದೂರದೃಷ್ಟಿ, ಯೋಜನೆ ಮತ್ತು ನಿರಂತರ ಪ್ರಯತ್ನದ ಅಗತ್ಯವಿದೆ, ಪರಿಣಾಮಕಾರಿ ಆಡಳಿತಕ್ಕೆ ರಾಜಕೀಯ ಇಚ್ಛಾಶಕ್ತಿ ಅತ್ಯಗತ್ಯ, ಮುಂದಿನ ಪೀಳಿಗೆಗೆ ಅವಕಾಶಗಳನ್ನು ಸೃಷ್ಟಿಸುವತ್ತ ಜವಾಬ್ದಾರಿಯುತ ಸ್ಥಾನದಲ್ಲಿರುವವರು ಚಿಂತನೆ ನಡೆಸಬೇಕು ಎಂದರು.
