ಅಮೂಲ್ಯಾಳನ್ನು ಜೈಲಿನಿಂದ ಬಿಟ್ಟರೆ ಎನ್​ಕೌಂಟರ್​ ಮಾಡುತ್ತೇವೆ...ಮತ್ಯಾರಾದರೂ ಮಾಡಿದರೆ ಅವರಿಗೆ 10 ಲಕ್ಷ ರೂ. ನೀಡುತ್ತೇವೆ: ಶ್ರೀರಾಮಸೇನೆ ಮುಖಂಡ

ಬಳ್ಳಾರಿ: ಪಾಕ್​ ಪರ ಘೋಷಣೆ ಕೂಗಿದ ಅಮೂಲ್ಯಾರನ್ನು ಯಾವ ಕಾರಣಕ್ಕೂ ಬಿಡಬೇಡಿ. ಹಾಗೊಮ್ಮೆ ಅವರನ್ನು ಜೈಲಿನಿಂದ ಬಿಟ್ಟರೆ ನಾವೇ ಎನ್​ಕೌಂಟರ್ ಮಾಡುತ್ತೇವೆ ಎಂದು ಶ್ರೀರಾಮಸೇನೆ ಮುಖಂಡ ಸಂಜೀವ್​ ಮರಡಿ ಹೇಳಿದ್ದಾರೆ.

ಇಂದು ಮಾಧ್ಯಮಗಳೊಂದಿಗೆ ಮಾತನಾಡಿದ ಅವರು, ದೇಶದ್ರೋಹಿ ಹೇಳಿಕೆ ನೀಡುವುದು, ಪಾಕಿಸ್ತಾನಕ್ಕೆ ಜೈಕಾರ ಕೂಗುವುದು ಕೆಟ್ಟ ವೈರಸ್​ ಆಗಿದೆ. ಕ್ಯಾನ್ಸರ್​ನಂತೆ ಹಬ್ಬುತ್ತಿದೆ. ಮೊನ್ನೆಯಷ್ಟೇ ಹುಬ್ಬಳ್ಳಿಯಲ್ಲಿ ಮೂರು ಮಂದಿ ಕೂಗಿದರು. ಈಗ ಅಮೂಲ್ಯಾ ಎಂಬುವಳು ಕೂಗಿದ್ದಾಳೆ.

ಈಗ ಜೈಲುಪಾಲಾಗಿರುವ ಅಮೂಲ್ಯಾಳನ್ನು ಯಾವ ಕಾರಣಕ್ಕೂ ಜಾಮೀನಿನ ಆಧಾರದಲ್ಲಿ ಹೊರಗೆ ಬಿಡಬೇಡಿ ಎಂದು ರಾಜ್ಯ ಸರ್ಕಾರ, ಕೇಂದ್ರ ಸರ್ಕಾರವನ್ನು ಕೇಳಿಕೊಳ್ಳುತ್ತೇನೆ. ಹಾಗೊಮ್ಮೆ ಬಿಟ್ಟರೆ ನಾವೇ ಎನ್​ಕೌಂಟರ್​ ಮಾಡುತ್ತೇವೆ. ಬೇರೆ ಯಾರಾದರೂ ಮಾಡಿದರೆ ಅವರಿಗೆ 10 ಲಕ್ಷ ರೂಪಾಯಿಯನ್ನು ಶ್ರೀರಾಮಸೇನೆಯಿಂದ ನೀಡುತ್ತೇವೆ ಎಂದು ಘೋಷಿಸುವ ಮೂಲಕ ವಿವಾದ ಸೃಷ್ಟಿಸಿದ್ದಾರೆ. (ದಿಗ್ವಿಜಯ ನ್ಯೂಸ್​)