ಇಂಡಿಯನ್​ ಕಲ್ಚರಲ್ ಸೆಂಟರ್​ನಿಂದ ಕತಾರ್​ನಲ್ಲಿ ನಡೆಯಿತು ನಾಟ್ಯಾಂಜಲಿ ನೃತ್ಯೋತ್ಸವ..

ಕತಾರ್​: ಇಂಡಿಯನ್​ ಕಲ್ಚರಲ್ ಸೆಂಟರ್​ (ಐಸಿಸಿ) ಆಯೋಜಿಸಿದ್ದ 23ನೇ ನಾಟ್ಯಾಂಜಲಿ ನೃತ್ಯೋತ್ಸವ ಸಮಾರಂಭವು ನ. 27ರಂದು ಕತಾರ್​ನ ಐಸಿಸಿ ಅಶೋಕ ಹಾಲ್​ನಲ್ಲಿ ನಡೆಯಿತು. ಪ್ರತಿವರ್ಷದಂತೆ ಈ ವರ್ಷವೂ ಹಮ್ಮಿಕೊಳ್ಳಲಾದ ಈ ಕಾರ್ಯಕ್ರಮದಲ್ಲಿ ಐಸಿಸಿಯ 42 ನೃತ್ಯಪಟುಗಳು ಭಾಗವಹಿಸಿದ್ದರು.

ಐಸಿಸಿಯ ಈ ನಾಟ್ಯಾಂಜಲಿ ಡ್ಯಾನ್ಸ್ ಫೆಸ್ಟಿವಲ್​ಗೆ ನೃತ್ಯಪಟುಗಳಷ್ಟೇ ಅಲ್ಲದೆ ಅವರ ಪಾಲಕರು ಹಾಗೂ ಇತರ ಭಾರತೀಯರು ಕೂಡ ಸಾಕ್ಷಿಯಾದರು. ಐಸಿಸಿ ಭಾರತೀಯ ನೃತ್ಯ ಪ್ರಕಾರಗಳಾದ ಮೋಹಿನಿಯಾಟ್ಟಂ, ಕೂಚಿಪುಡಿ, ಕಥಕ್, ಮಣಿಪುರಿ, ಭರತನಾಟ್ಯ ಹಾಗೂ ಒಡಿಸಿ ನೃತ್ಯಕ್ಕೆ ಸಂಬಂಧಿಸಿದಂತೆ ಕತಾರ್​ನಲ್ಲಿ ತರಗತಿ ನಡೆಸುತ್ತಿದೆ. ಐಸಿಸಿನ ನೃತ್ಯ ಶಿಕ್ಷಕಿ ಕಲಾಮಂಡಲಂ ಮಟಿಲ್ದ ಸೊಲೊಮನ್ ಅವರು ಇಲ್ಲಿನ ವಿದ್ಯಾರ್ಥಿಗಳಿಗೆ ನೃತ್ಯ ತರಬೇತಿ ನೀಡುತ್ತಿದ್ದಾರೆ.

ಇದನ್ನೂ ಓದಿ: ಅಂತರ್ಜಾಲದಲ್ಲಿ ಕನ್ನಡಿಗರನ್ನು ಬೆಸೆದ ನಾವಿಕೋತ್ಸವ; ಸಿಎಂ ಬಿಎಸ್​ವೈ ಉದ್ಘಾಟನೆ; 25 ದೇಶಗಳ ಕನ್ನಡಿಗರು ಭಾಗಿ

ಕತಾರ್​ನ ಭಾರತೀಯ ರಾಯಭಾರ ಕಚೇರಿಯ ಸೆಕೆಂಡ್ ಸೆಕ್ರೆಟರಿ ಫಾರ್ ಪೊಲಿಟಿಕಲ್ ಆ್ಯಂಡ್ ಎಕನಾಮಿಕ್ ಡಾ. ಸಾಹಿಲ್ ಕುಮಾರ್​ ಅವರು ಈ ನೃತ್ಯೋತ್ಸವಕ್ಕೆ ಮುಖ್ಯ ಅತಿಥಿಯಾಗಿ ಆಗಮಿಸಿ, ನೆರೆದವರನ್ನು ಉದ್ದೇಶಿಸಿ ಮಾತನಾಡಿದರು. ಅಲ್ಲದೆ ಐಸಿಸಿ ವತಿಯಿಂದ ನೃತ್ಯ ಶಿಕ್ಷಕಿ ಕಲಾಮಂಡಲಂ ಮಟಿಲ್ದ ಸೊಲೊಮನ್ ಅವರಿಗೆ ಸ್ಮರಣಿಕೆ ಹಾಗೂ ಭಾಗವಹಿಸಿದ ನೃತ್ಯಪಟುಗಳಿಗೆ ಪ್ರಮಾಣಪತ್ರ ವಿತರಿಸಿದರು. ಐಸಿಸಿ ಅಧ್ಯಕ್ಷ ಪಿ.ಎನ್. ಬಾಬುರಾಜನ್, ಪ್ರಧಾನ ಕಾರ್ಯದರ್ಶಿ ಕೃಷ್ಣ ಕುಮಾರ್​ ಹಾಗೂ ಐಸಿಸಿಯ ಇತರ ಪದಾಧಿಕಾರಿಗಳು ಉಪಸ್ಥಿತರಿದ್ದರು.

ಐಸಿಸಿ ಉಪಾಧ್ಯಕ್ಷ ಸುಬ್ರಹ್ಮಣ್ಯ ಹೆಬ್ಬಾಗಿಲು ಅಧ್ಯಕ್ಷೀಯ ಭಾಷಣ ಮಾಡಿದರು. ಇನ್​ಹೌಸ್ ಆ್ಯಕ್ಟಿವಿಟೀಸ್ ಮುಖ್ಯಸ್ಥ ಮೋಹನ್ ಕುಮಾರ್ ಸ್ವಾಗತ ಭಾಷಣ ಮಾಡಿದರು. ನೊರೀನ್ ತೊಟ್ಟನ್​, ನಿಖಿಗಾ ಫ್ಲೂಜೋ ಕಾರ್ಯಕ್ರಮವನ್ನು ನಿರೂಪಿಸಿದರು. ಎಚ್​ಆರ್​ ಮುಖ್ಯಸ್ಥ ಅನಿಶ್ ಜಾರ್ಜ್ ಮ್ಯಾಥ್ಯೂ ಧನ್ಯವಾದ ಸಮರ್ಪಣೆ ಮಾಡಿದರು.

https://www.vijayavani.net/kannada-rajyothsava-celebration-at-albany-america/

https://www.vijayavani.net/cm-bommai-inaugurated-navika-world-kannada-convention-through-online/