ಕೋವಿಡ್​ ನನ್ನ ಯಾಮಾರಿಸಿಬಿಡ್ತು- ಡೆತ್​ ಬೆಡ್​ನಲ್ಲಿ ಮಲಗಿಕೊಂಡು ಯುವಕನ ಆಕ್ರಂದನ

ನವದೆಹಲಿ: ಮಾರಣಾಂತಿಕ ಎಂದು ಅರಿಯದೆ ಕೋವಿಡ್ ಪಾರ್ಟಿ ಅಟೆಂಡ್ ಮಾಡಿ ತಪ್ಪೆಸಗಿದೆ. ಕೋವಿಡ್ ವೈರಸ್ ಸೋಂಕು ಎಲ್ಲವೂ ಹುಸಿ ಬೆದರಿಕೆ ಎಂದು ನಾನು ಭಾವಿಸಿದ್ದೆ. ಆದರೆ, ಅದು ಹಾಗಿಲ್ಲ ಎಂದು 30ರ ಯುವಕನೊಬ್ಬ ಡೆತ್​ಬೆಡ್​ನಲ್ಲಿ ಮಲಗಿಕೊಂಡು ಕೊನೆಯದಾಗಿ ನರ್ಸ್​ ಎದುರು ತಪ್ಪೊಪ್ಪಿಕೊಂಡು ಮೃತಪಟ್ಟಿದ್ದಾನೆ!

ಸ್ಯಾನ್ ಅಂಟೋನಿಯೋದ ಮೆಥೋಡಿಸ್ಟ್​ ಹಾಸ್ಪಿಟಲ್​ನ ಚೀಫ್ ಮೆಡಿಕಲ್ ಆಫೀಸರ್​ ಡಾ. ಜಾನೆ ಅಪ್ಲೆಬಿ ಇದನ್ನು ಈ ವಿಷಯವನ್ನು ಖಚಿತಪಡಿಸಿದ್ದಾರೆ. ಈ ಸಂಬಂಧ ವಿಡಿಯೋವನ್ನೂ ಅವರು ಅಪ್ಲೋಡ್ ಮಾಡಿದ್ದು, ಕೋವಿಡ್ ಪಾರ್ಟಿಗೆ ತೆರಳುವವರಿಗೆ ತಣ್ಣನೆಯ ಎಚ್ಚರಿಕೆ ನೀಡಿದ್ದಾರೆ.

ಇದನ್ನೂ ಓದಿ: ಸಮುದಾಯಕ್ಕೆ ಹರಡಿತಾ ಸೋಂಕು?

ಜಗತ್ತಿನಲ್ಲೇ ಅತಿ ಹೆಚ್ಚು ಕೋವಿಡ್​ ಸಂಕಷ್ಟಕ್ಕೆ ಒಳಗಾಗಿರುವ ಅಮೆರಿಕದಲ್ಲಿ ಕೋವಿಡ್ ಪಾರ್ಟಿಯ ಪರಿಕಲ್ಪನೆ ಬಹಳ ಜನಪ್ರಿಯವಾಗಿದ್ದು, ಅನೇಕರು ಅದಕ್ಕೆ ಬಲಿಯಾಗತೊಡಗಿದ್ದಾರೆ. ಕರೊನಾ ವೈರಸ್ ಸೋಂಕು ಹುಸಿ ಬೆದರಿಕೆ ಎಂಬುದನ್ನು ಸಾಬೀತು ಮಾಡುವ ಸಲುವಾಗಿ ಹುಟ್ಟಿಕೊಂಡದ್ದಾಗಿದ್ದು, ಅವರ ಕಲ್ಪನೆ ಮೀರಿ ಅನೇಕರು ಸೋಂಕಿಗೆ ಒಳಗಾಗಿದ್ದಾರೆ.

ಇದನ್ನೂ ಓದಿ: ಡ್ರೋನ್ ಪ್ರತಾಪ ಕ್ವಾರಂಟೈನ್​ನಲ್ಲಿದ್ದಾರಂತೆ..

ಸದ್ಯದ ಪರಿಸ್ಥಿತಿಯಲ್ಲಿ ಅಮೆರಿಕದಲ್ಲಿ ಸೋಂಕು ತಗುಲುತ್ತಿರುವ ವಯೋಮಾನ ಗಮನಿಸಿದರೆ 20ರಿಂದ 30ರ ವಯೋಮಾನದವರಲ್ಲಿ ಹೆಚ್ಚುತ್ತಿದೆ. ಆರಂಭದಲ್ಲಿ ಈ ಸೋಂಕು ಮಕ್ಕಳು ಮತ್ತು ವಯೋವೃದ್ಧರಿಗಷ್ಟೇ ಹೆಚ್ಚು ಸಂಕಷ್ಟ ಉಂಟುಮಾಡುತ್ತದೆ ಎಂದು ಭಾವಿಸಲಾಗಿತ್ತು. ಆದರೆ ವಾಸ್ತವ ಹಾಗಿಲ್ಲ ಎಂದು ಡಾ.ಜಾನೆ ಎಚ್ಚರಿಸಿದ್ದಾರೆ. (ಏಜೆನ್ಸೀಸ್)

https://www.vijayavani.net/us-navy-assault-ship-catches-fire-17-sailors-4-civilians-injured/