ಆರ್ಥಿಕ, ಆರೋಗ್ಯ ಸಮಸ್ಯೆ, ಮನಸ್ತಾಪ, ಅನುಮಾನ, ಅನೈತಿಕ ಸಂಬಂಧ ಹೀಗೆ ನಾನಾ ವಿಷಯಗಳಿಗೆ ಗಂಡ-ಹೆಂಡತಿ ಮಧ್ಯೆ ವಿರಸ ಉಂಟಾಗಿ, ದೊಡ್ಡ ಜಟಾಪಟಿಗೆ ಕಾರಣವಾಗುತ್ತದೆ. ಇಂತಹ ಪ್ರಕರಣಗಳು ಆಗಾಗ್ಗೆ ಪೊಲೀಸ್ ಠಾಣೆಯಲ್ಲಿ ದಾಖಲಾಗುವುದು, ಸುದ್ದಿಪತ್ರಿಕೆಗಳಲ್ಲಿ ವರದಿಯಾಗಿರುವುದನ್ನು ನಾವೆಲ್ಲ ನೋಡಿದ್ದೇವೆ. ಕೆಲವೊಂದು ಜಗಳಗಳು ಮನೆಯ ಹಿರಿಯರ ಮಧ್ಯಸ್ಥಿಕೆ, ಉಪಸ್ಥಿತಿಯಿಂದ ಬಗೆಹರಿದ ನಿದರ್ಶನಗಳು ಸಾಕಷ್ಟಿವೆ. ಆದ್ರೆ, ಇನ್ನೂ ಕೆಲವು ಘಟನೆಗಳಲ್ಲಿ ಯಾರೇ ಬಂದರೂ, ಎಷ್ಟೇ ಬುದ್ಧಿವಾದ ಹೇಳಿದ್ರೂ ಸಹ ಅದಕ್ಕೆ ಕಿಂಚಿತ್ತು ಆಸ್ಪದ, ಗೌರವ ಕೊಡದ ದಂಪತಿಗಳು, ಅಂತಿಮವಾಗಿ ಸಾವಿನಲ್ಲಿ ತಮ್ಮ ಕಲಹಕ್ಕೆ ತೆರೆ ಎಳೆಯುತ್ತಾರೆ. ಸದ್ಯ ಈ ದುರ್ಘಟನೆ ಕೂಡ ಇದೇ ಸಾಲಿಗೆ ಸೇರಿದೆ ಎಂಬುದೇ ವಿಷಾದ.
