ಬಲವಂತದ ಲೈಂಗಿಕ ಕ್ರಿಯೆ, ಅನೈತಿಕ ಚಟುವಟಿಕೆ, ಒತ್ತಾಯಪೂರ್ವಕವಾಗಿ ದುಡಿಮೆಗೆ ಇರಿಸಿಕೊಳ್ಳುವುದು, ಭಿಕ್ಷಾಟನೆಗೆ ತಳ್ಳುವುದು ಹೀಗೆ ವಿವಿಧ ಕಾರಣಗಳಿಗೆ ಈ ಪಿಡುಗು ವ್ಯಾಪಿಸುತ್ತಿದ್ದು, ಅನೇಕ ಜಾಲಗಳು ಸಕ್ರಿಯವಾಗಿವೆ. ಆಗಾಗ ಇಂಥ ಜಾಲಗಳನ್ನು ಪತ್ತೆ ಮಾಡಲಾಗುತ್ತಿದೆಯಾದರೂ, ಈ ಸಮಸ್ಯೆಯನ್ನು ಬೇರುಸಮೇತ ಕಿತ್ತೊಗೆಯಲು ಸಾಧ್ಯವಾಗುತ್ತಿಲ್ಲ. ಜನರ ತೀವ್ರ ಬಡತನ, ಕಡಿಮೆ ಶಿಕ್ಷಣದಂಥ ಪರಿಸ್ಥಿತಿಯ ದುರ್ಲಾಭ ಪಡೆದು ಸಮಾಜಘಾತಕ ಶಕ್ತಿಗಳು ಇಂಥ ಕೃತ್ಯಗಳಲ್ಲಿ ತೊಡಗುತ್ತವೆ. ಭಾರತದಲ್ಲಿ ಮಕ್ಕಳು, ಯುವತಿಯರು, ಮಹಿಳೆಯರು, ಪುರುಷರು ಸೇರಿದಂತೆ ಪ್ರತಿವರ್ಷ 20 ರಿಂದ 40 ದಶಲಕ್ಷ ಜನರ ಕಳ್ಳಸಾಗಾಣಿಕೆ ನಡೆಯುತ್ತಿದೆ ಎನ್ನುತ್ತದೆ ಅಧ್ಯಯನವೊಂದರ ವರದಿ. ಇಂಥ ಪ್ರಕರಣಗಳಲ್ಲಿ ಮಕ್ಕಳನ್ನು ದೊಡ್ಡ ಕಾರ್ಖಾನೆಗಳಲ್ಲಿ ಇಲ್ಲವೆ ಕೃಷಿ
