ಈ ಐಪಿಒ ಬಿಡುಗಡೆ ಮುನ್ನವೇ ಗ್ರೇ ಮಾರುಕಟ್ಟೆಯಲ್ಲಿ ಭಾರೀ ಬೇಡಿಕೆ: ಹೂಡಿಕೆದಾರರಿಗೆ ಮೊದಲ ದಿನವೇ 150% ಲಾಭ ಸಾಧ್ಯತೆ

ಮುಂಬೈ: ನೀವು ಆರಂಭಿಕ ಸಾರ್ವಜನಿಕ ಕೊಡುಗೆ ಅಂದರೆ ಐಪಿಒದಲ್ಲಿ ಬಾಜಿ ಕಟ್ಟಲು ಯೋಚಿಸುತ್ತಿದ್ದರೆ, ನಿಮಗೆ ಒಳ್ಳೆಯ ಸುದ್ದಿ ಇದೆ. ಮುಂದಿನ ವಾರ, ಮತ್ತೊಂದು ಕಂಪನಿಯ ಐಪಿಒ ಹೂಡಿಕೆಗೆ ತೆರೆಯುತ್ತದೆ. ಈ ಐಪಿಒ ಶಿವಾಲಿಕ್ ಪವರ್ ಕಂಟ್ರೋಲ್ ಲಿಮಿಟೆಡ್‌ನದ್ದಾಗಿದೆ. ಶಿವಾಲಿಕ್ ಪವರ್ ಕಂಟ್ರೋಲ್ ಐಪಿಒ ಸೋಮವಾರ, ಜೂನ್ 24 ರಂದು ಚಂದಾದಾರಿಕೆಗಾಗಿ ತೆರೆಯುತ್ತದೆ ಮತ್ತು ಜೂನ್ 26 ರಂದು ಬುಧವಾರ ಮುಚ್ಚಲಿದೆ. ಶಿವಾಲಿಕ್ ಪವರ್ ಕಂಟ್ರೋಲ್ ಲಿಮಿಟೆಡ್ ಐಪಿಒ ಬೆಲೆ ಪಟ್ಟಿಯನ್ನು ಪ್ರತಿ ಈಕ್ವಿಟಿ ಷೇರಿಗೆ ರೂ. 95 ಮತ್ತು ರೂ. 100 ನಡುವೆ ನಿಗದಿಪಡಿಸಲಾಗಿದೆ. ಇದರ ಮುಖಬೆಲೆ ರೂ 10.

ಈ ಐಪಿಒದ ಒಂದು ಲಾಟ್​ನಲ್ಲಿ 1,200 ಷೇರುಗಳಿರುತ್ತವೆ. ಹೂಡಿಕೆದಾರರು ಕನಿಷ್ಠ ಒಂದು ಲಾಟ್​ ಖರೀದಿಸಬೇಕು. ಈ ಐಪಿಒದ 3,36,000 ಈಕ್ವಿಟಿ ಷೇರುಗಳನ್ನು ಮಾರುಕಟ್ಟೆ ತಯಾರಕ ಭಾಗಕ್ಕೆ, 18,28,800 ಈಕ್ವಿಟಿ ಷೇರುಗಳನ್ನು ಆಂಕರ್ ಭಾಗಕ್ಕೆ, 12,19,200 ಇಕ್ವಿಟಿ ಷೇರುಗಳನ್ನು ಅರ್ಹ ಸಾಂಸ್ಥಿಕ ಖರೀದಿದಾರರಿಗೆ, 21,33,600 ಚಿಲ್ಲರೆ ಇಕ್ವಿಟಿ ಷೇರುಗಳು, 40 ಚಿಲ್ಲರೆ-40 ಸಾಂಸ್ಥಿಕ ವಿಭಾಗಕ್ಕೆ ಷೇರುಗಳನ್ನು ಹಂಚಲಾಗುತ್ತಿದೆ.

InvestorGain.com ಪ್ರಕಾರ, ಶಿವಾಲಿಕ್ ಪವರ್ ಕಂಟ್ರೋಲ್ ಷೇರುಗಳ ಬೆಲೆ ಗ್ರೇ ಮಾರ್ಕೆಟ್‌ನಲ್ಲಿ ರೂ. 150 ಪ್ರೀಮಿಯಂನಲ್ಲಿ ವಹಿವಾಟು ನಡೆಸುತ್ತಿವೆ. ಅಂದರೆ, 95-100 ರೂಪಾಯಿ ಈ ಐಪಿಒ ಷೇರಿಗೆ ಈಗಾಗಲೆ ಗ್ರೇ ಮಾರುಕಟ್ಟೆಯಲ್ಲಿ 250 ರೂಪಾಯಿ ಬೆಲೆ ಇದೆ.

ಇದೇ ಪರಿಸ್ಥಿತಿ ಮುಂದುವರಿದರೆ, ಪಟ್ಟಿಯಾದ ಮೊದಲ ದಿನವೇ ಪ್ರತಿ ಷೇರಿನ ಬೆಲೆ ರೂ. 250 ಆಗಿರಬಹುದು. ಅಂದರೆ ಹೂಡಿಕೆದಾರರು ಪಟ್ಟಿ ಮಾಡಿದ ದಿನದಂದು 150% ಲಾಭವನ್ನು ಪಡೆಯಬಹುದು.

ಶಿವಾಲಿಕ್ ಪವರ್ ಕಂಟ್ರೋಲ್ ಲಿಮಿಟೆಡ್ 20 ವರ್ಷಗಳಿಂದ ಎಟಿ ಮತ್ತು ಎಚ್​ಟಿ ಎಲೆಕ್ಟ್ರಿಕ್ ಪ್ಯಾನಲ್‌ಗಳನ್ನು ತಯಾರಿಸುತ್ತಿದೆ. ಐಎಸ್​ಒದಿಂದ ಪ್ರಮಾಣೀಕರಿಸಲ್ಪಟ್ಟಿದೆ. ಕಂಪನಿಯು ತಂತ್ರಜ್ಞಾನ ಚಾಲಿತ ಕಾರ್ಪೊರೇಟ್ ಆಗಿದ್ದು, ಇದು ಗುಣಮಟ್ಟ, ವಿನ್ಯಾಸ ಮತ್ತು ಉತ್ಪನ್ನ ಅಭಿವೃದ್ಧಿಗೆ ಹೆಚ್ಚಿನ ಪ್ರಾಮುಖ್ಯ ನೀಡುತ್ತದೆ.

https://www.vijayavani.net/travel-booking-company-shares-rise-78-on-first-day-of-listing-bumper-profit-for-investors

https://www.vijayavani.net/bulls-rumble-for-fourth-day-in-a-row-bse-nifty-hit-all-time-highs

https://www.vijayavani.net/virat-kohli-returns-to-the-top-as-the-most-valuable-celebrity