ಮುಂಬೈ: ಡಬ್ಲ್ಯೂಡಬ್ಲ್ಯೂಇ ವೇದಿಕೆಯ ಹೆಸರಾಂತ ಕುಸ್ತಿಪಟು 'ದಿ ಗ್ರೇಟ್ ಖಲಿ' ಭಾರತದ ಪಂಜಾಬ್ ಮೂಲದವರು ಎಂಬ ವಿಷಯ ಅನೇಕರಿಗೆ ತಿಳಿದಿದೆ. ಇವರ ಅಳತೆ ಮೀರಿದ ಎತ್ತರಕ್ಕೆ ಅನೇಕರು ಫಿದಾ ಆಗಿದ್ದು, ಖಲಿ ಕುಸ್ತಿಗಿಂತಲು ಅಖಾಡಕ್ಕೆ ಕೊಡುತ್ತಿದ್ದ ಎಂಟ್ರಿಯೇ ಮಸ್ತ್ ಎನ್ನುತ್ತಾರೆ. ಭಾರತದಿಂದ ನ್ಯೂಯಾರ್ಕ್ನತ್ತ ಪಯಣ ಬೆಳಸಿ, ಡಬ್ಲ್ಯೂಡಬ್ಲ್ಯೂಇ ಕುಸ್ತಿಯಲ್ಲಿ ಭಾಗವಹಿಸಿದ ಇವರಿಗೆ ಅಪಾರ ಫ್ಯಾನ್ಸ್ ಬಳಗವಿದೆ. ಖಲಿ ಧರಿಸುವ ಬಟ್ಟೆ, ಶೂ ಜೀವನಶೈಲಿ ಹೇಗಿದೆ ಎಂದು ತಿಳಿದುಕೊಳ್ಳುವ ಕುತೂಹಲ ಅನೇಕರಿಗಿದೆ. ಆದರೆ, ಇಲ್ಲೊಂದು ಬೃಹತ್ ಗಾತ್ರದ ಚಪ್ಪಲಿ ದಿ ಗ್ರೇಟ್ ಖಲಿಗೆ ತಯಾರಿಸಿರುವುದು ಎಂಬ ವಿಡಿಯೋವೊಂದು ಸದ್ಯ ಸೋಷಿಯಲ್ ಮೀಡಿಯಾದಲ್ಲಿ ಹರಿದಾಡಿದ್ದು, ನೋಡುಗರಿಗೆ ಭಾರೀ ಶಾಕ್ ನೀಡಿದೆ.
