ಮಳೆಗಾಲದಲ್ಲಿ ನೊಣಗಳು ನಿಮಗೆ ಕಿರಿಕಿರಿ ಉಂಟುಮಾಡುತ್ತಿವೆಯೇ? ಮನೆಮದ್ದುಗಳು ಇಂತಿವೆ…

ಬೆಂಗಳೂರು: ಮಳೆಗಾಲ ಬಂತೆಂದರೆ ನೊಣಗಳ ಸಂತಾನಾಭಿವೃದ್ಧಿ ಶುರುವಾಗುತ್ತದೆ. ಅಡುಗೆ ಮನೆಯಿಂದ ಶುರು ಮಾಡಿ.. ಎಲ್ಲೆಂದರಲ್ಲಿ ಬಂದು ತೊಂದರೆ ಕೊಡುತ್ತವೆ. ರಾಸಾಯನಿಕ ಪದಾರ್ಥಗಳನ್ನು ಬಳಸದೆ ನೊಣಗಳನ್ನು ಓಡಿಸಬೇಕು ಎಂದು ಯೋಚಿಸುವ ನಿಮಗೆ ಸುಲಭವಾಗಿ ಮತ್ತು ನೈಸರ್ಗಿಕವಾಗಿ ತೊಡೆದುಹಾಕಲು ಕೆಲವು ಟೀಪ್ಸ್​​​ ನೀಡುತ್ತಿದ್ದೇವೆ.

ಇದನ್ನೂ ಓದಿ:  ಮಳೆಗಾಲದಲ್ಲಿ ಒದ್ದೆಯಾದ ಶೂ, ಚಪ್ಪಲಿ ಧರಿಸುವುದು ಸೋಂಕಿಗೆ ಕಾರಣವಾಗಬಹುದು; ಈ 3 ವಿಷಯಗಳ ಬಗ್ಗೆ ಕಾಳಜಿ ವಹಿಸಿ

ಮಳೆಗಾಲದಲ್ಲಿ ನೊಣದ ಕಾಟ ಹೆಚ್ಚು: ಮಳೆಗಾಲದಲ್ಲಿ ಮನೆಯಲ್ಲಿ ನೊಣಗಳ ಸಂಖ್ಯೆ ಹೆಚ್ಚಾಗುತ್ತದೆ. ಕಸ ವಿಲೇವಾರಿ ಬಗ್ಗೆ ಸೂಕ್ತ ಕಾಳಜಿ ವಹಿಸದಿದ್ದರೆ ನಿಮ್ಮ ಅಡುಗೆ ಮನೆಯಲ್ಲಿ ಸೂಕ್ಷ್ಮಜೀವಿಗಳನ್ನು ಸಾಗಿಸುವ ಮೂಲಕ ಸಂತಾನೋತ್ಪತ್ತಿ ಮಾಡುತ್ತವೆ. ಟೈಫಾಯಿಡ್, ಹೆಪಟೈಟಿಸ್ ಎ, ಅತಿಸಾರದಂತಹ ಇತರ ಕಾಯಿಲೆಗಳಿಗೆ ಕಾರಣವಾಗುತ್ತದೆ.

ಇದನ್ನೂ ಓದಿ: VIDEO | ನಟ ವಿಜಯ್ ದೇವರಕೊಂಡನನ್ನು ಬೆನ್ನಟ್ಟಿಕೊಂಡು ಹೋದ ಅಭಿಮಾನಿ ಮಾಡಿದ್ದೇನು? 

ಆಪಲ್ ವಿನೆಗರ್ : ಒಂದು ಲೋಟ ಆಪಲ್ ವಿನೆಗರ್ ಅನ್ನು ತೆಗೆದುಕೊಂಡು ಅದಕ್ಕೆ ಕೆಲವು ಹನಿ ಡಿಶ್ ವಾಷಿಂಗ್ ಲಿಕ್ವಿಡ್ ಸೇರಿಸಿ. ನಂತರ ಈ ಗಾಜಿನ ಮೇಲೆ ರಬ್ಬರ್ ಹಾಕಿ ಚೆನ್ನಾಗಿ ಕವರ್ ಮಾಡಿ. ಅದರಲ್ಲಿ ಸಣ್ಣ ರಂಧ್ರಗಳನ್ನು ಮಾಡಿ. ನಂತರ ನೊಣಗಳು ಹೆಚ್ಚಾಗಿ ಬರುವ ಜಾಗದಲ್ಲಿ ಇಡಬೇಕು. ಹೀಗೆ ಮಾಡುವುದರಿಂದ ಗಾಜಿನೊಳಗೆ ನೊಣ ಬಂದು ಸಿಕ್ಕಿ ಹಾಕಿಕೊಳ್ಳುತ್ತವೆ.

ಇದನ್ನೂ ಓದಿ: ವಿಶ್ವದಾಖಲೆಗಾಗಿ 7 ದಿನಗಳ ಕಾಲ ಎಡೆಬಿಡದೆ ಕಣ್ಣೀರಿಟ್ಟ!

ಉಪ್ಪು ನೀರು : ಒಂದು ಲೋಟದಲ್ಲಿ ನೀರು ತೆಗೆದುಕೊಳ್ಳಿ, ಅದಕ್ಕೆ 2 ಚಮಚ ಉಪ್ಪನ್ನು ಸೇರಿಸಿ ಚೆನ್ನಾಗಿ ಮಿಶ್ರಣ ಮಾಡಿ. ಈ ಉಪ್ಪು ನೀರನ್ನು ಯಾವುದೇ ಸ್ಪ್ರೇ ಬಾಟಲಿಗೆ ಸುರಿಯಿರಿ ಮತ್ತು ನಂತರ ಅದನ್ನು ನೊಣಗಳ ಮೇಲೆ ಸಿಂಪಡಿಸಿ. ಇದರಿಂದ ನೊಣಗಳು ಮನೆಯಿಂದ ಓಡಿ ಹೋಗುತ್ತವೆ.

ಪುದೀನಾ, ತುಳಸಿ : ಮೊದಲು ಪುದೀನಾ, ತುಳಸಿ ನೀರನ್ನು ಸೇರಿಸಿ ಪೇಸ್ಟ್ ಮಾಡಿ. ಈ ಪೇಸ್ಟ್ ಅನ್ನು ಅವುಗಳ ಮೇಲೆ ಸಿಂಪಡಿಸುವ ಮೂಲಕ ನೊಣಗಳನ್ನು ಮನೆಯಿಂದ ಓಡಿಸಬಹುದು.

ಇದನ್ನೂ ಓದಿ: ಬ್ಯೂಟಿ ಸಲೂನ್‌ಗಳನ್ನು ಮುಚ್ಚುವಂತೆ ತಾಲಿಬಾನ್ ಆದೇಶ; ಬೀದಿಗಿಳಿದ ಮಹಿಳೆಯರು

ಹಾಲು, ಮೆಣಸು : ಒಂದು ಲೋಟ ಹಾಲಿಗೆ ಒಂದು ಚಮಚ ಕರಿಮೆಣಸಿನ ಪುಡಿಯನ್ನು ಮಿಶ್ರಣ ಮಾಡಿ. ಇದಕ್ಕೆ 3 ಚಮಚ ಸಕ್ಕರೆ ಸೇರಿಸಿ. ನೀವು ಬಹಳಷ್ಟು ನೊಣಗಳನ್ನು ಕಂಡಲ್ಲೆಲ್ಲಾ ಈ ಹಾಲನ್ನು ಇರಿಸಿ. ನೊಣಗಳು ಅದರ ಕಡೆಗೆ ಬಂದು ಅಂಟಿಕೊಂಡು ಮುಳುಗುತ್ತವೆ.

https://www.vijayavani.net/gold-idli-becomes-talk-of-the-town-in-hyderabad-check-price