ವೆಂಕಟನಾರಾಯಣ
ಹಿಂದಿನ ಕಾಲದ ಯೋಗಿಗಳು ಅಲೌಕಿಕ ಸಾಧನೆ ಮತ್ತು ಪವಾಡಗಳನ್ನು ಮಾಡುತ್ತಿದ್ದರು ಎಂಬುದು ತಿಳಿದ ವಿಷಯವೇ. ಅತೀಂದ್ರೀಯ ದೃಷ್ಟಿ, ಅತೀಂದ್ರೀಯ ಶ್ರವಣತೆ, ವಾಕ್-ಶಕ್ತಿ ಮತ್ತು ಸಿದ್ಧಿಗಳ ಬಗ್ಗೆ ನೀವು ಕೇಳಿರಬಹುದು. ಅವುಗಳನ್ನು ನಿಜವೆಂದು ನೀವು ನಂಬುತ್ತೀರಾ? ಮಾನವ ತನ್ನ ಇಡೀ ಜೀವಿತಾವಧಿಯಲ್ಲಿ 7-8% ಮಿದುಳನ್ನು ಮಾತ್ರ ಬಳಸುತ್ತಾನೆ ಎಂದಿದೆ ಆಧುನಿಕ ವಿಜ್ಞಾನ. ಅಂದರೆ ಮಾನವ ಸಾಮರ್ಥ್ಯದ ಶೇಕಡ 90ರಷ್ಟು ನಿಷ್ಕ್ರಿಯವಾಗುತ್ತಿದೆ. ಆದರೆ, ಯೋಗವಿಜ್ಞಾನದ ಮೂಲಕ ಮಾನವನ ಸುಪ್ತಶಕ್ತಿ ಜಾಗೃತಗೊಳಿಸಲು ಸಾಧ್ಯವಿದೆಯೇ? ವೈದಿಕ ಋಷಿಗಳು ಸೃಷ್ಟಿಯ ಆಳವಾದ ರಹಸ್ಯಗಳನ್ನು ಸತ್ಯಯುಗದಲ್ಲಿ ಶ್ರೋತೃಗಳ ರೂಪದಲ್ಲಿ, ತ್ರೇತಾಯುಗದಲ್ಲಿ ಸ್ಮ ೃಗಳ ರೂಪದಲ್ಲಿ (ನೆನಪುಗಳು), ದ್ವಾಪರಯುಗದಲ್ಲಿ ಪುರಾಣಗಳ ರೂಪದಲ್ಲಿ ಮತ್ತು ಅಂತಿಮವಾಗಿ ಕಲಿಯುಗದಲ್ಲಿ ತಂತ್ರ ಮತ್ತು ಯೋಗವಾಗಿ ಹಸ್ತಾಂತರಿಸಿದರು. ಉಪನಿಷತ್ತುಗಳು ಮತ್ತು ಪುರಾತನ ವೈದಿಕ ಪಠ್ಯಗಳಲ್ಲಿ ಸೂಕ್ಷ್ಮಶರೀರ ಅಥವಾ ಸೂಕ್ಷ್ಮದೇಹದ ಬಗ್ಗೆ ಉಲ್ಲೇಖವಿದೆ. ಮಾನವದೇಹವು ವಾಸ್ತವವಾಗಿ 5 ಕವಚಗಳ ಸಂಯೋಜನೆಯಾಗಿದೆ. ನಾವು ಕನ್ನಡಿಯಲ್ಲಿ ನೋಡುವ ದೇಹ ಮೊದಲನೆಯದು. ಯೋಗಿಗಳು ದೇಹದ ಸೂಕ್ಷ್ಮ ಪದರಗಳನ್ನು ಸಂರ್ಪಸುವ ಮತ್ತು ಪರೀಕ್ಷಿಸುವ ಸಾಮರ್ಥ್ಯ ಹೊಂದಿದ್ದಾರೆ. ಆಧ್ಯಾತ್ಮಿಕ ಚಿಕಿತ್ಸೆ ವಿಜ್ಞಾನವು ಸೂಕ್ಷ್ಮದೇಹ ಅಥವಾ ಪ್ರಾಣಿಕ್ ಪದರವನ್ನು ಬದಲಾಯಿಸುವುದರ ಮೇಲೆ ಆಧಾರಿತವಾಗಿದೆ. ಇದನ್ನು ಅಥರ್ವ ವೇದದಲ್ಲಿ ‘ಯತುವಿದ್ಯಾ’ ಎಂಬ ವಿಷಯದಲ್ಲಿ ವಿವರಿಸಲಾಗಿದೆ. ಯೋಗಸೂತ್ರಗಳೂ ಇದರ ಬಗ್ಗೆ ಹೇಳುತ್ತವೆ. ಸೃಷ್ಟಿಯಲ್ಲಿ ಎಲ್ಲವೂ ಒಂದು ಆವರ್ತನ, ಕಂಪನ. ಪ್ರತಿ ವ್ಯಕ್ತಿಯೂ ನಿರ್ದಿಷ್ಟ ಆವರ್ತನದಲ್ಲಿ ಕಂಪಿಸುತ್ತಾನೆ. ಆವರ್ತನಗಳ ಒಂದೇ ಸ್ಪೆಕ್ಟ್ರಮ್ಲ್ಲಿ ಬರುವ ಜನರು ಪರಸ್ಪರ ಒಂದೇ ರೀತಿಯ ವಿಚಾರಧಾರೆ ಹೊಂದಲು ಸಾಧ್ಯವಾಗುತ್ತದೆ, ಆವರ್ತನಗಳ ಹೊಂದಾಣಿಕೆಯಿಲ್ಲದ ಜನರ ವಿಚಾರಗಳು ಬೇರೆಯಾಗುತ್ತವೆ. ಜಾತಕ ಹೊಂದಾಣಿಕೆಯ ವಿಜ್ಞಾನವೂ ಇದನ್ನೇ ಆಧರಿಸಿದೆ. ಸನಾತನ ಕ್ರಿಯೆಯಂಥ ಯೋಗದ ಅಭ್ಯಾಸಗಳು ನಿಮ್ಮ ಆವರ್ತನವನ್ನು ಸ್ಥೂಲದಿಂದ ಸೂಕ್ಷ್ಮಕ್ಕೆ ಕೊಂಡೊಯ್ಯಲು ಅನುವು ಮಾಡಿಕೊಡುತ್ತವೆ, ನಿಮ್ಮ ಗುರುವಿನ ದೃಷ್ಟಿ ಮತ್ತು ಧ್ವನಿ ಪ್ರಕ್ರಿಯೆಯಲ್ಲಿ ಪ್ರಮುಖ ಪಾತ್ರವಹಿಸುತ್ತವೆ. ಅದಕ್ಕಾಗಿಯೇ ಪ್ರಾಚೀನ ಕಾಲದಲ್ಲಿ ಸಾಧಕರು ಗುರುಗಳ ಸಾನಿಧ್ಯ ಬಯಸುತ್ತಿದ್ದರು. ಸನಾತನ ಕ್ರಿಯೆಯಂಥ ಯೋಗದ ಅಭ್ಯಾಸಗಳು ನಿಮ್ಮ ಆವರ್ತನವನ್ನು ಸ್ಥೂಲದಿಂದ ಸೂಕ್ಷ್ಮಕ್ಕೆ ಕೊಂಡೊಯ್ಯಲು ಅನುವು ಮಾಡಿಕೊಡುತ್ತವೆ. ಈ ಸುಂದರ ಪ್ರಯಾಣವನ್ನು ಪ್ರಾರಂಭಿಸಿ ಮತ್ತು ನಿಮ್ಮೊಳಗೆ ಅಡಗಿರುವ ಅಸಾಧಾರಣ ಸಾಮರ್ಥ್ಯವನ್ನು ಅನಾವರಣಗೊಳಿಸಿ.
