ಪಾಕಿಸ್ತಾನದಲ್ಲಿ ಹೆಚ್ಚುತ್ತಿದೆ ಮ್ಯಾರೇಜ್​ ಆ್ಯಪ್​ಗಳ ಜನಪ್ರಿಯತೆ! ರಿಶ್ತಾ ಆಂಟೀಸ್​ಗೆ ಶುರುವಾಯ್ತು ಭಯ | Marriage apps

Marriage apps​ : ಮದುವೆ ( Marriage ) ಎಂಬುದು ಒಂದು ಸುಂದರ ಅನುಭವ. ಎರಡು ಜೀವಗಳನ್ನು ಬೆಸೆಯುವ ಸುಮಧುರ ಭಾವ. ಆದರೆ, ಮೂಲಭೂತವಾದಿಗಳ ಹಿಡಿತದಲ್ಲಿರುವ ಪಾಕಿಸ್ತಾನದಲ್ಲಿ ಮದುವೆ ವಿಚಾರದಲ್ಲಿ ಸ್ವಂತ ಆಯ್ಕೆಗೆ ಪ್ರಾಮುಖ್ಯತೆಯೇ ಇಲ್ಲ. ಇಲ್ಲಿ ಸಾಂಪ್ರದಾಯಿಕ ಮದುವೆಗಷ್ಟೇ ಪ್ರಾಮುಖ್ಯತೆ. ಹೀಗಾಗಿ ಇಂಥಾ ಮದುವೆಗಳನ್ನು ಮಾಡಿಸುವಲ್ಲಿ 'ರಿಶ್ತಾ ಆಂಟೀಸ್' (Rishta Aunties) ಬಹು ಮುಖ್ಯ ಪಾತ್ರ ವಹಿಸುತ್ತದೆ. ಸರಿಯಾದ ಮ್ಯಾಚ್​ಮೇಕರ್​ಗಳನ್ನು ಹುಡುಕಲು ಇದು ಸಹಕಾರಿಯಾಗಿದೆ. ಆದರೆ, ಡೇಟಿಂಗ್​ ಆ್ಯಪ್​ಗಳ ನಿರ್ಬಂಧ ಹಾಗೂ ಹೊಸ ಮ್ಯಾರೇಜ್​ ಆ್ಯಪ್​ಗಳು ಜನಪ್ರಿಯತೆ ಸಾಂಪ್ರದಾಯಿಕ ರಿಶ್ತಾ ಆಂಟೀಸ್​ಗೆ ಇಂದು ದೊಡ್ಡ ಸವಾಲಾಗಿ ನಿಂತಿದೆ.

ಮುಖ್ಯವಾಗಿ ಮುಸ್ಲಿಮರಿಗಾಗಿ ಸೃಷ್ಟಿಸಲಾದ ಮದುವೆ ಆ್ಯಪ್​ಗಳು ಹುಡುಗಿಯರು ತಮ್ಮ ಭಾವಿ ಪತಿಯರನ್ನು ಹುಡುಕಲು ಸುಲಭವಾದ ಮಾರ್ಗವಾಗಿದೆ. ಈ ಬಗ್ಗೆ ಲಾಹೋರ್​ನ (Lahore) ಟೆಕ್ಸ್​ಟೈಲ್​ ಡಿಸೈನರ್ ಎಝಾ ನವಾಜ್ ಅವರು ಎಎಫ್​ಪಿ ಸುದ್ದಿ ಸಂಸ್ಥೆಯೊಂದಿಗೆ ಮಾತನಾಡಿದ್ದು, ನನ್ನ ಸಹೋದ್ಯೋಗಿಯೊಬ್ಬರು ಆನ್​ಲೈನ್​ನಲ್ಲಿ ಪರಿಚಯ ಮಾಡಿಕೊಂಡು, ಇಂದು ಮದುವೆ ಆಗಿ ಬಹಳ ಸಂತೋಷವಾಗಿದ್ದಾರೆ ಎಂದಿದ್ದಾರೆ. ಹೀಗಾಗಿ ಪಾಕ್​ನಲ್ಲಿ ಮ್ಯಾರೇಜ್​ ಆ್ಯಪ್​ಗಳು ಹೆಚ್ಚು ಪ್ರಚಲಿತಕ್ಕೆ ಬರುತ್ತಿವೆ.

ಸಾಂಪ್ರದಾಯಿಕ ಮ್ಯಾಚ್​ಮೇಕರ್ ರಿಶ್ತಾ ಆಂಟೀಸ್

ಇನ್ನು ರಿಶ್ತಾ ಆಂಟೀಸ್​ (Rishta Aunties) ಆ್ಯಪ್​ ಸಾಂಪ್ರದಾಯಿಕ ಮದುವೆ ಮಾಡಿಸುವಲ್ಲಿ ಮಧ್ಯವರ್ತಿಯಾಗಿ ಕೆಲಸ ಮಾಡುತ್ತದೆ. ಸೂಕ್ತವಾದ ವಧು ಅಥವಾ ವರವನ್ನು ಹುಡುಕೊಡುವಲ್ಲಿ ಪ್ರಮುಖ ಪಾತ್ರವಹಿಸುತ್ತದೆ. ಆದಾಗ್ಯೂ, ಇತ್ತೀಚಿನ ದಿನಗಳಲ್ಲಿ Muzz ನಂತಹ ಮ್ಯಾರೇಜ್​ ಆ್ಯಪ್​ಗಳು ಹೆಚ್ಚು ಮುನ್ನಲೆಗೆ ಬಂದಿದೆ. ಈ ಡಿಜಿಟಲ್ ಪ್ಲಾಟ್‌ಫಾರ್ಮ್​ ಹಲಾಲ್ ವೈಶಿಷ್ಟ್ಯಗಳನ್ನು ನೀಡುವ ಮೂಲಕ ಸಾಂಪ್ರದಾಯಿಕ ವಿವಾಹ ವ್ಯವಸ್ಥೆಗೆ ಸವಾಲು ಹಾಕಿದೆ. ಆದರೂ ವೈವಾಹಿಕ ಪ್ರಕ್ರಿಯೆಯಲ್ಲಿ ಕುಟುಂಬದ ಒಳಗೊಳ್ಳುವಿಕೆಯ ಪ್ರಾಮುಖ್ಯತೆಯನ್ನು ಈ Muzz ಉಳಿಸಿಕೊಂಡಿರುವುದು ಅದರ ಜನಪ್ರಿಯತೆಗೆ ಕಾರಣವಾಗಿದೆ.

Muzz ನೊಂದಿಗಿನ ತಮ್ಮ ಅನುಭವವು ಸಕಾರಾತ್ಮಕವಾಗಿತ್ತು ಮತ್ತು ಮೂರು ತಿಂಗಳೊಳಗೆ ವಸೀಮ್ ಅಖ್ತರ್ ಅವರನ್ನು ವಿವಾಹವಾಗಲು ಕಾರಣವಾಯಿತು ಎಂದು ಎಝಾ ನವಾಜ್ ಹೇಳಿಕೊಂಡಿದ್ದಾರೆ. ಹೆಚ್ಚುತ್ತಿರುವ Muzz ಖ್ಯಾತಿಯಿಂದ ರಿಶ್ತಾ ಆಂಟೀಸ್ ತೊಂದರೆಯಾಗಿದ್ದು, ಅದರ ಬಹುಪಾಲ ಕೆಲಸನ್ನು ಹೊಸ ಮ್ಯಾರೇಜ್​ ಆ್ಯಪ್​ಗಳು ಕಸಿದುಕೊಳ್ಳುತ್ತಿದೆ.

ಇದನ್ನೂ ಓದಿ: 10 ಲಕ್ಷ ರೂ. ಕೊಡ್ತೀವಿ… ಬಾಬಾ ಸಿದ್ದಿಕ್ ಹತ್ಯೆ ಬೆನ್ನಲ್ಲೇ ಗ್ಯಾಂಗ್​ಸ್ಟರ್​ ಅಣ್ಣನಿಗಾಗಿ ಶುರುವಾಯ್ತು ಬಿರುಸಿನ ಶೋಧ! Reward

ಇನ್ನು ಪಾಕಿಸ್ತಾನದಲ್ಲಿ ಅರೇಂಜ್ ಮ್ಯಾರೇಜ್​ಗೆ ಹೆಚ್ಚು ಪ್ರಾಬಲ್ಯವಿದ್ದು, ಶೇ. 80% ರಷ್ಟು ಕುಟುಂಬಗಳ ಇಂತಹ ಆನ್​ಲೈನ್ ಅಪ್ಲಿಕೇಶನ್​ಗಳ ಮೇಲೆ ಅವಲಂಬಿಸಿದ್ದಾರೆ. ರಿಶ್ತಾ ಆಂಟೀಸ್​ ಸೂಕ್ತವಾದ ವಧು/ವರರನ್ನು ಹುಡುಕುವಲ್ಲಿ ಪ್ರಮುಖ ಪಾತ್ರ ವಹಿಸುತ್ತದೆ. ಆಗಾಗ್ಗೆ ದೈಹಿಕ ನೋಟ ಮತ್ತು ಇತರ ಸಾಂಪ್ರದಾಯಿಕ ಮಾನದಂಡಗಳನ್ನು ಇದು ಕೇಂದ್ರೀಕರಿಸುತ್ತದೆ. ಆದಾಗ್ಯೂ, Muzz ನಂತಹ ಮ್ಯಾರೇಜ್​ ಅಪ್ಲಿಕೇಶನ್‌ಗಳು ಜನಪ್ರಿಯತೆಯನ್ನು ಗಳಿಸುತ್ತಿವೆ. ಈ ಆ್ಯಪ್​ಗೆ ಪಾಕಿಸ್ತಾನದಲ್ಲಿ 1.2 ಮಿಲಿಯನ್ ಬಳಕೆದಾರರಿದ್ದಾರೆ. ಈಗಾಗಲೇ 15,000ಕ್ಕೂ ಹೆಚ್ಚು ಮದುವೆಗಳನ್ನು ಸುಗಮವಾಗಿ ಮಾಡಿಸಿದೆ. ಈ ಅಪ್ಲಿಕೇಶನ್‌ಗಳು ಇಸ್ಲಾಮಿಕ್ ತತ್ವಗಳಿಗೆ ಬದ್ಧವಾಗಿದ್ದು, ಮಸುಕಾದ ಪ್ರೊಫೈಲ್ ಚಿತ್ರಗಳು ಮತ್ತು ಮದುವೆಯ ಪ್ರಸ್ತಾಪಗಳ ಮೇಲೆ ಸ್ಪಷ್ಟವಾದ ಗಮನವನ್ನು ನೀಡುವಂತಹ ವೈಶಿಷ್ಟ್ಯಗಳನ್ನು ಹೊಂದಿರುವುದರಿಂದ ಈ ಆ್ಯಪ್​ ಪ್ರಾಮುಖ್ಯತೆ ಪಡೆದುಕೊಂಡಿದೆ. ಇನ್ನು ಭಾರಿ ಜನಪ್ರಿಯತೆಯ ಹೊರತಾಗಿಯೂ, ಡೇಟಿಂಗ್ ಅಪ್ಲಿಕೇಶನ್‌ಗಳ ಬ್ಯಾನ್​ನಿಂದ ಭವಿಷ್ಯದಲ್ಲಿ ತಮಗಾಗುವ ತೊಂದರೆಗಳ ಭಯವನ್ನು ಸಹ ಮ್ಯಾರೇಜ್​ ಆ್ಯಪ್​ಗಳು ಎದುರಿಸುತ್ತಿವೆ. ಈಗಾಗಲೇ ಪಾಕಿಸ್ತಾನವು ಅನೈತಿಕ ಮತ್ತು ಅಸಭ್ಯ ವಿಚಾರವನ್ನು ಉಲ್ಲೇಖಿಸಿ ಟಿಂಡರ್, ಗ್ರೈಂಡರ್, ಟ್ಯಾಗ್ಡ್, ಸ್ಕೌಟ್ ಮತ್ತು ಸೇಹಾಯ್​ ಡೇಟಿಂಗ್​ ಆ್ಯಪ್​ಗಳನ್ನು 2022ರ ಅಕ್ಟೋಬರ್​ನಲ್ಲಿ ನಿಷೇಧಿಸಿದೆ.

ಇನ್ನು ಪಾಕಿಸ್ತಾನದಲ್ಲಿ ಮದುವೆಯ ಪರಿಕಲ್ಪನೆಯು ಸಾಂಸ್ಕೃತಿಕ ರಚನೆಯಲ್ಲಿ ಆಳವಾಗಿ ಬೇರೂರಿದೆ, ಇದನ್ನು ಸಾಮಾನ್ಯವಾಗಿ ಎರಡು ಕುಟುಂಬಗಳ ಒಕ್ಕೂಟವಾಗಿ ನೋಡಲಾಗುತ್ತದೆ. ಒಬ್ಬರ ಸ್ವಂತ ಸಂಗಾತಿಯನ್ನು ಒಬ್ಬರೇ ಆಯ್ಕೆ ಮಾಡಿಕೊಳ್ಳುವುದು ಅಂದರೆ ಪ್ರೇಮ ವಿವಾಹಗಳು ಸಾಂಪ್ರದಾಯಿಕ ಕುಟುಂಬ ರಚನೆಗಳು ಮತ್ತು ಹಿರಿಯರ ಮೇಲಿನ ಗೌರವಕ್ಕೆ ಸವಾಲಾಗಬಹುದು ಎಂದು ನಂಬಿದ್ದಾರೆ. ರಿಶ್ತಾ ಆಂಟೀಸ್​ ಮದುವೆ ಮಾರುಕಟ್ಟೆಯ ಮೂಲಾಧಾರವಾಗಿಯೇ ಇಂದಿಗೂ ಉಳಿದಿದ್ದಾರೆ. ಏಕೆಂದರೆ, ಇವರು ಯುವತಿಯರಿಗೆ ಹೇಗೆ ನಡೆಯಬೇಕು, ಮಾತನಾಡಬೇಕು ಮತ್ತು ಡ್ರೆಸ್ ಮಾಡುವುದನ್ನು ಕಲಿಸುವ ಸೇವೆಗಳನ್ನು ಒದಗಿಸುತ್ತಿದೆ. ಪಾಕಿಸ್ತಾನದಲ್ಲಿ ಅನೇಕ ಮಂದಿ ಸಾಂಪ್ರದಾಯಿಕ ಮ್ಯಾಚ್‌ಮೇಕರ್‌ಗಳನ್ನು ಇಂದಿಗೂ ಫಾಲೋ ಮಾಡುತ್ತಿದ್ದು, ಮದುವೆಯ ಅಪ್ಲಿಕೇಶನ್‌ಗಳನ್ನು ತಿರಸ್ಕರಿಸುತ್ತಿದ್ದಾರೆ. ಆದರೂ, ಮ್ಯಾರೇಜ್​ ಆ್ಯಪ್​ಗಳ ಜನಪ್ರಿಯತೆ ಸವಾಗಿರುವುದಂತೂ ಸತ್ಯ. (ಏಜೆನ್ಸೀಸ್​)

https://www.vijayavani.net/friendship-marriage-marriage-without-love-and-sex-is-no-longer-in-india

https://www.vijayavani.net/if-women-wear-silver-rings-on-their-fingers-will-there-be-changes-in-life