ಇಲ್ಲಿನ ಜಂಬುನಾಥ ರಸ್ತೆ ಅಂಬೇಡ್ಕರ್ ನಗರದ ನಾಲ್ಕನೇ ಕ್ರಾಸ್ನಲ್ಲಿ ಬುಧವಾರ ರಾತ್ರಿ ಹಳೆಯ ವೈಷಮ್ಯದ ಹಿನ್ನೆಲೆಯಲ್ಲಿ ತಲೆ ಮೇಲೆ ಕಲ್ಲನ್ನು ಎತ್ತಿಹಾಕಿ ಹೊನ್ನೂರ (28) ಎಂಬಾತನನ್ನು ಅದೇ ಬಡಾವಣೆಯ ಕಾಳಿ (30) ಕೊಲೆ ಮಾಡಿದ್ದಾನೆ. ಕೊಲೆ ಆರೋಪಿಯನ್ನು ಬುಧವಾರ ಮಧ್ಯರಾತ್ರಿ ಬಂಧಿಸಿ, ಬೆಳಗಿನ ಜಾವ ಪಂಚನಾಮೆ ನಡೆಸುತ್ತಿದ್ದಾಗ ಕಾಳಿ ತಪ್ಪಿಸಿಕೊಳ್ಳಲು ಪೊಲೀಸರ ಮೇಲೆ ಹಲ್ಲೆ ನಡೆಸಿದ್ದರಿಂದ ಸಿಬ್ಬಂದಿ ಎಚ್ಸಿ ಲಿಂಗರಾಜ ಹಾಗೂ ಪಿಸಿ ಕೊಟ್ರೇಶ್ಗೆ ಗಾಯಗಳಾಗಿವೆ. ರಕ್ಷಣೆಗಾಗಿ ತನಿಖಾಧಿಕಾರಿ ಹುಲುಗಪ್ಪ ಆರೋಪಿಯ ಬಲಗಾಲಿಗೆ ಫೈರಿಂಗ್ ಮಾಡಿ ಬಂಧಿಸಿದ್ದಾರೆ. ಕೊಲೆ ಆರೋಪಿ ಹಾಗೂ ಹಲ್ಲೆಗೊಳಗಾದ ಪೊಲೀಸರು ಸರ್ಕಾರಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.
