ಮಂಗಳೂರು ವಿಶ್ವವಿದ್ಯಾನಿಲಯದ ಉಪಕುಲಪತಿಗಳಿಗೆ ಮನವಿ ಸಲ್ಲಿಸಿರುವ ಅವರು, ಕೊಡಗಿನ ನಿವಾಸಿಯಾದ ಬಾಚರಣಿಯಂಡ ಪಿ.ಅಪ್ಪಣ್ಣ ಅವರು, ಕೊಡವ, ಕನ್ನಡ ಹಾಗೂ ಇಂಗ್ಲಿಷ್ ಭಾಷಾ ಪಂಡಿತರು, ಭಾಷೆಯ ಉಗಮ, ಬೆಳವಣಿಗೆ, ಅದರ ಪ್ರಬೇಧಗಳು, ಕೊಡವ ಭಾಷೆ ವ್ಯಾಕರಣ, ಉಚ್ಛಾರಣೆ ಇತ್ಯಾದಿಗಳಲ್ಲಿ ಅಪಾರ ಪಾಂಡಿತ್ಯ ಹೊಂದಿದ್ದಾರೆ. ಕೊಡವರ ಜನಪದ ಕಲೆಗಳು, ಸಾಮಾಜಿಕ, ಸಾಂಸ್ಕೃತಿಕ, ಧಾರ್ಮಿಕ ಪದ್ಧತಿ-ನಂಬಿಕೆಗಳು, ಕೊಡಗಿನ ಇತಿಹಾಸ ಅಂತೆಯೇ ಅದರ ಪೌರಾಣಿಕ ಹಿನ್ನೆಲೆ ಕೊಡವರ ಜೀವನದಲ್ಲಿ ಹುಟ್ಟಿನಿಂದ ಸಾವಿನವರೆಗೆ ಅನುಸರಿಸಲಾಗುವ ಪದ್ಧತಿ, ಆಚಾರ-ವಿಚಾರಗಳ ಕುರಿತು, ಅಪಾರ ಮಾಹಿತಿ, ಜ್ಞಾನ ಹಾಗೂ ಉಪಯುಕ್ತ ಒಳನೋಟಗಳನ್ನು ಹೊಂದಿರುವ ಅಪ್ಪಣ್ಣರವರು ಒಂದು ಜ್ಞಾನಕೋಶವಿದ್ದಂತೆ ಎಂದು ವಿವರಿಸಿದ್ದಾರೆ.
