ಚರ್ಮವನ್ನು ಹಾಳು ಮಾಡುವ ಕೆಮಿಕಲ್ ಯುಕ್ತ ಸಾಬೂನುಗಳ ಬದಲು ಅಂಟವಾಳಕಾಯಿ, ಅರಿಶಿಣ, ಕಡಲೆ ಹಿಟ್ಟುಗಳ ಮಿಶ್ರಣವನ್ನು ಸ್ನಾನಚೂರ್ಣ ವಾಗಿ ಬಳಸಬೇಕು. ಇದರಿಂದ ನಿಜವಾದ ಅರ್ಥದಲ್ಲಿ ಚರ್ಮದ ರೋಗನಿರೋಧಕ ಶಕ್ತಿ ಹೆಚ್ಚುತ್ತದೆ. ಇನ್ನೂ ಹಲವು ರೋಗಗಳಿಂದ ತುರಿಕೆ ಬರಬಹುದು. ಹಾಗಾಗಿ, ಮನೆಮದ್ದುಗಳಿಂದ ಸಮಸ್ಯೆ ಕಡಿಮೆಯಾಗದೇ ಇದ್ದಾಗ ವೈದ್ಯರ ಭೇಟಿ ಮಾಡಿ ಕಾರಣವನ್ನು ಪತ್ತೆ ಹಚ್ಚಿಕೊಂಡು ಔಷಧ ಮಾಡಬೇಕು. ಉಪವಾಸ, ಪಂಚಕರ್ಮ ಚಿಕಿತ್ಸೆಗಳು, ಹೆಸರುಬೇಳೆ, ತುಪ್ಪ, ಬೆಣ್ಣೆ, ನೆಲ್ಲಿಕಾಯಿ, ದಾಳಿಂಬೆ, ಹಾಗಲಕಾಯಿ ಯಂತಹ ಕಹಿ ಪದಾರ್ಥಗಳು, ಒಣದ್ರಾ, ಪಡುವಾಲಕಾಯಿ, ಬೂದುಗುಂಬಳಕಾಯಿ, ಅರಿಶಿಣ, ಕೊತ್ತಂಬರಿ, ಹರಳೆಣ್ಣೆ, ಎಳ್ಳೆಣ್ಣೆ, ಕೊಬ್ಬರಿ ಎಣ್ಣೆ, ಶ್ರೀಗಂಧ, ಸೊಗದೆ ಬೇರು ಮುಂತಾದ ಪದಾರ್ಥಗಳು ಬಹುತೇಕ ಎಲ್ಲ ರೀತಿಯ ತುರಿಕೆಗಳಲ್ಲಿಯೂ ಅನುಕೂಲಕಾರಿ.
