RRR ನನ್ನ ನೆಚ್ಚಿನ ಚಿತ್ರ; ಪ್ರತಿ ಮೂರು ತಿಂಗಳಿಗೊಮ್ಮೆ ನೋಡುತ್ತೇನೆ ಎಂದ ಹಾಲಿವುಡ್​ ನಟಿ

ಮುಂಬೈ: ನಿರ್ದೇಶಕ ರಾಜಮೌಳಿ ಅವರ ಸಿನಿಮಾ ಆರ್​ಆರ್​ಆರ್​​ ಸಿನಿಮಾ ರಿಲೀಸ್​ ಆಗಿ ಎರಡೂವರೆ ವರ್ಷಗಳೇ ಕಳೆದಿವೆ. ಆದರೆ ಈ ಚಿತ್ರದ ಬಗ್ಗೆ ಇನ್ನೂ ಕೆಲವು ಚರ್ಚೆಗಳು ನಡೆಯುತ್ತಲೆ ಇವೆ. 2022 ಮಾರ್ಚ್​​ 25ರಂದು ಸಿನಿಮಾ ರಿಲೀಸ್​ ಆಗಿದ್ದು, 2023ರಲ್ಲಿ ಚಿತ್ರದ ನಾಟು ನಾಟು ಹಾಡಿಗೆ ಆಸ್ಕರ್​ ಪ್ರಶಸ್ತಿ ಲಭಿಸಿದ್ದು ಗೊತ್ತೆ ಇದೆ. ಈ ಸಿನಿಮಾ ಕುರಿತು ಇತ್ತೀಚೆಗೆ ಬ್ರಿಟಿಷ್​ ನಟಿ ಮಿನ್ನಿ ಡ್ರೈವರ್​ ಹೇಳಿಕೆ ಸದ್ಯ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದೆ.

ಇದನ್ನು ಓದಿ: ಶರ್ಟ್​​​ ಧರಿಸುವುದನ್ನು ಮರೆತಿದ್ದೀರಾ ಎಂದು ಪ್ರಶ್ನಿಸಿದ ತಂದೆ; ಮಗಳು ಕೊಟ್ಟ ಉತ್ತರ ವೈರಲ್​​ | Alanna Panday

ಇತ್ತೀಚೆಗೆ ಎಎನ್​​ಐಗೆ ನೀಡಿದ ಸಂದರ್ಶನದಲ್ಲಿ ನಟಿ ಮಿನ್ನಿ ಡ್ರೈವರ್​ RRR ಸಿನಿಮಾದ ಬಗ್ಗೆ ಹಾಗೂ ಭಾರತೀಯ ಸಂಸ್ಕೃತಿಯ ಕುರಿತು ಮಾತನಾಡಿದ್ದಾರೆ. ಆರ್​ಆರ್​ಆರ್​ ನನ್ನ ಮೆಚ್ಚಿನ ಸಿನಿಮಾ. ನನ್ನ ಮಗನೊಂದಿಗೆ ಅದನ್ನು ಈ ಸಿನಿಮಾ ವೀಕ್ಷಿಸಲು ಇಷ್ಟಪಡುತ್ತೇನೆ. ಇದು ಸಾರ್ವಕಾಲಿಕ ನಮ್ಮ ನೆಚ್ಚಿನ ಚಲನಚಿತ್ರವಾಗಿದೆ. ಮೂರು ಗಂಟೆಗಳಿರುವ ಈ ಆರ್​​ಆರ್​ಆರ್​​ ಸಿನಿಮಾವನ್ನು ಬಹುಶಃ ಪ್ರತಿ ಮೂರು ತಿಂಗಳಿಗೊಮ್ಮೆ ನೋಡುತ್ತೇವೆ. ಇದುವರೆಗೆ ಮಾಡಿದ ಅತ್ಯಂತ ಸುಂದರವಾದ ಚಿತ್ರಗಳಲ್ಲಿ ಇದು ಒಂದು ಎಂದು ನಾನು ಭಾವಿಸುತ್ತೇನೆ ಎಂದಿದ್ದಾರೆ.

ಭಾರತೀಯ ಸಂಸ್ಕೃತಿಯ ಬಗ್ಗೆ ಮಾತನಾಡಿದ ಅವರು, ನಾನು ಶೆಫ್ ​​ರೋಮಿ ಗಿಲ್ ಅವರ ಉತ್ತಮ ಸ್ನೇಹಿತೆ. ಅವರು ಬೆಂಗಾಲಿ, ಪಂಜಾಬಿ ಕುಟುಂಬದಿಂದ ಬಂದವರು. ಭಾರತಕ್ಕೆ ಭೇಟಿ ನೀಡುವ ಹಾಗೂ ಭಾರತೀಯ ಸಂಸ್ಕೃತಿಯನ್ನು ಅರಿತುಕೊಳ್ಳುವ ನನ್ನ ಆಸೆಯ ಕುರಿತು ಅವರೊಂದಿಗೆ ಆಗಾಗ್ಗೆ ಮಾತನಾಡುತ್ತೇನೆ ಎಂದು ಹೇಳಿದರು.

<p>" class="alignnone size-full wp-image-2397764" height="400" src="https://www.vijayavani.net/wp-content/uploads/2024/10/Untitled-design-2024-10-09T150440.585.webp" width="600"/>

ಮಿನ್ನಿ ಡ್ರೈವರ್ ಇತ್ತೀಚೆಗೆ ದಿ ಸರ್ಪೆಂಟ್ ಕ್ವೀನ್ ಸೀಸನ್ 2ರಲ್ಲಿ ನಟಿಸಿದ್ದಾರೆ. ಇದರಲ್ಲಿ ಅವರು ಕ್ವೀನ್ ಎಲಿಜಬೆತ್ I ಪಾತ್ರವನ್ನು ನಿರ್ವಹಿಸಿದ್ದಾರೆ. ಆ ಬಗ್ಗೆಯೂ ಅವರು ತಮ್ಮ ಅಭಿಪ್ರಾಯವನ್ನು ವ್ಯಕ್ತಪಡಿಸಿದ್ದಾರೆ. (ಏಜೆನ್ಸೀಸ್​​)

https://www.vijayavani.net/taylor-swift-become-the-riches-female-musician-in-world