ಹುಣ್ಣಿಮೆ ದಿನ ಮಧ್ಯರಾತ್ರಿ ಕಾಣುವ ಹುಬ್ಬಾ ನಕ್ಷತ್ರದ ದರ್ಶನದ ತರುವಾಯ ಬಾಬುದಾರರು ಹೊನ್ಯಾಳ ಸಾಹುಕಾರರ ವಾಡೆಯಿಂದ ನಿಶಾನೆಗಳನ್ನು ಹಿಡಿದು ಒಂದು ತಟ್ಟೆಯಲ್ಲಿ ತಾಂಬೂಲ ಸಮೇತ ಖಾತೆದಾರರಿಗೆ ನೀಡುತ್ತಾರೆ. ಅವರಿಂದ ಅಗ್ನಿಯನ್ನು ಪಡೆದು ನಸುಕಿನಜಾವ ಮೊದಲು ಕಿಲ್ಲಾದಲ್ಲಿ ಕಾಮದಹನ ಮಾಡಲಾಗುತ್ತದೆ. ತದನಂತರ ಹಲಗೆ ಮತ್ತು ಹಿಮ್ಮೇಳಗಳ ಸಮೇತ ನಗರದ ಇತರ ಓಣಿಗಳಲ್ಲಿ ಕಾಮದಹನ ನಡೆಯುತ್ತದೆ. ಮುಂದುವರಿದು ಸೋಗಿನ ಕಾರ್ಯಕ್ರಮ ಆರಂಭವಾಗುತ್ತದೆ. ‘ಸೋಗು’ ಎಂಬುದು ವಿಶಿಷ್ಟ ರೀತಿಯ ಮೆರವಣಿಗೆ. ಈ ಮೆರವಣಿಗೆಯಲ್ಲಿ ಯುವಕ, ಯುವತಿಯರು, ಮಕ್ಕಳು ಪೌರಾಣಿಕ ವೇಶಭೂಶಣ ಧರಿಸಿ ಎತ್ತಿನಬಂಡೆಗಳ ಮುಲಕ ಎಲ್ಲ ಓಣಿಗಳಲ್ಲಿ ಸಂಚರಿಸುತ್ತ ಭಾತೃತ್ವ, ಸೌಹಾರ್ದ, ವೀರಪರಂಪರೆಗಳನ್ನು ಪ್ರಚುರಪಡಿಸುತ್ತಾರೆ. ಮಾರನೇ ದಿವಸದಿಂದ ಮೂರು ದಿನ ಬಣ್ಣದ ಆಟದ ಸಂಭ್ರಮ, ಬೆಳಗ್ಗೆಯಿಂದ ಸಂಜೆಯವರೆಗೆ ಗರಿಗೆದರುತ್ತದೆ.
