ಮನೆ ಬಾಗಿಲಿಗೆ ಉತಷ್ಟ ದರ್ಜೆಯ ಆರೋಗ್ಯ ಸೇವೆ

 ಕೆಜಿಎಫ್​: ಆರೋಗ್ಯವೇ ಮಹಾಭಾಗ್ಯವಾಗಿದ್ದು, ಆರೋಗ್ಯ ಸಮಸ್ಯೆಗಳಿಂದ ಬಳಲುವ ಬಡವರಿಗೆ ಸುಲಭವಾಗಿ ಉತಷ್ಟ ದರ್ಜೆಯ ಆರೋಗ್ಯ ಸೌಕರ್ಯಗಳನ್ನು ಅವರ ಮನೆಬಾಗಿಲಿನಲ್ಲಿಯೇ ದೊರಕುವಂತೆ ಮಾಡುವ ಉದ್ದೇಶದಿಂದ ನಮ್ಮ ಕ್ಲಿನಿಕ್​ಗಳನ್ನು ಪ್ರಾರಂಭಿಸಲಾಗುತ್ತಿದೆ ಎಂದು ಶಾಸಕಿ ಎಂ.ರೂಪಕಲಾ ಹೇಳಿದರು.

ನಗರದ ಗಣೇಶ್​ಪುರಂನಲ್ಲಿ ರಾಷ್ಟ್ರೀಯ ನಗರ ಆರೋಗ್ಯ ಅಭಿಯಾನ, ಜಿಲ್ಲಾಡಳಿತ, ಜಿಲ್ಲಾ ಪಂಚಾಯತ್​ ಮತ್ತು ಜಿಲ್ಲಾ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆ ಸಂಯುಕ್ತಾಶ್ರಯದಲ್ಲಿ ಬುಧವಾರ ಆಯೋಜಿಸಲಾಗಿದ್ದ ನಮ್ಮ ಕ್ಲಿನಿಕ್​ ಉದ್ಘಾಟನಾ ಸಮಾರಂಭದಲ್ಲಿ ಮಾತನಾಡಿದರು.

ನಮ್ಮ ಕ್ಲಿನಿಕ್​ನ ಮುಖ್ಯ ಉದ್ದೇಶ ಮಹಿಳೆಯರು ಪ್ರಸೂತಿಯಾದಾಗಿನಿಂದ ಯಾವ ಯಾವ ಸಮಯಕ್ಕೆ ಚುಚ್ಚುಮದ್ದುಗಳನ್ನು ಪಡೆದುಕೊಳ್ಳಬೇಕು, ಮಕ್ಕಳ ಮೆದುಳು ಸಕ್ರಿಯವಾಗಿ ಕೆಲಸ ಮಾಡುವಂತಾಗಬೇಕು ಮತ್ತು ಆರೋಗ್ಯವಂತರಾಗಿಬೇಕು, ತಾಯಿ ಮತ್ತು ಮಗುವಿಗೆ ಮಾತ್ರೆಗಳನ್ನು ಕೊಡುವುದು ಈ ಎಲ್ಲ ಅಂಶಗಳನ್ನಿಟ್ಟುಕೊಂಡು ಒಳ್ಳೆಯ ಉದ್ದೇಶದಿಂದ ಈ ಕ್ಲಿನಿಕ್​ನ್ನು ಸರ್ಕಾರ ರೂಪಿಸಿದೆ ಎಂದರು.

ಶ್ರೀವೇ ಸಿಬ್ಬಂದಿ ನೇಮಕ: ಸಾರ್ವಜನಿಕ ಆಸ್ಪತ್ರೆಯಲ್ಲಿ 24 ಹಾಸಿಗೆಗಳ ಐಸಿಯು ಕೇಂದ್ರದ ಕಾಮಗಾರಿ ಪೂರ್ಣಗೊಂಡಿದ್ದು, ಅಗತ್ಯವಾದ ಯಂತ್ರೋಪಕರಣಗಳೆಲ್ಲವೂ ಈಗಾಗಲೇ ಬಂದಿವೆ. ಐಸಿಯು ಕೇಂದ್ರದಲ್ಲಿ 5 ಬೆಡ್​ಗಳಿಗೆ ಒಬ್ಬ ವೈದ್ಯರು, ಇಬ್ಬರು ಶುಶ್ರೂಷಕಿಯರು ಮತ್ತು ಸ್ಟ್​ಾ ನರ್ಸ್​ಗಳ ಅಗತ್ಯವಿದ್ದು, ದಿನದ 24 ಗಂಟೆ 3 ಶಿಫ್ಟ್​ಗಳಲ್ಲಿ ಕೇಂದ್ರ ಕೆಲಸ ನಿರ್ವಹಿಸುತ್ತದೆ. ಇಲ್ಲಿನ ಪ್ರಾರಂಭವಾಗಲಿರುವ ಐಸಿಯು ಕೇಂದ್ರಕ್ಕೆ 15 ಮಂದಿ ತ ವೈದ್ಯರು, 45 ಮಂದಿ ನರ್ಸ್​ಗಳು ಮತ್ತು 15&20 ಗ್ರೂಪ್​ ಡಿ ನೌಕರರ ಅಗತ್ಯವಿದ್ದು, ಸಿಬ್ಬಂದಿ ನೇಮಕಾತಿಗೆ ಕೂಡಲೇ ಐಸಿಯುವನ್ನು ಪ್ರಾರಂಭಿಸಲಾಗುವುದು ಎಂದು ಶಾಸಕಿ ಹೇಳಿದರು.

ಇದಲ್ಲದೇ ಇಡೀ ಜಿಲ್ಲೆಯಲ್ಲಿಯೇ ಜನರ ಆರೋಗ್ಯದ ದೃಷ್ಟಿಯಿಂದ 50 ಲಕ್ಷ ರೂ ವೆಚ್ಚದಲ್ಲಿ ಬ್ಲಾಕ್​ ಪಬ್ಲಿಕ್​ ಹೆಲ್ತ್​ ಯೂನಿಟ್​ನ್ನು ಮೊದಲ ಬಾರಿಗೆ ಕೆಜಿಎಫ್​ ನಗರದಲ್ಲಿ ಪ್ರಾರಂಭಿಸಲಾಗುತ್ತಿದ್ದು, ಸೈಲೆಂಟ್​ ಕಿಲ್ಲರ್ಸ್​ ಎಂದು ಕರೆಯಲಾಗುವ ಬಿಪಿ ಮತ್ತು ಶುಗರ್​ಗಳಿಗೆ ಜನರು ಇದ್ದಕ್ಕಿದ್ದಂತೆ ತುತ್ತಾಗುವುದರಿಂದ ಈ ಬ್ಲಾಕ್​ ಪಬ್ಲಿಕ್​ ಹೆಲ್ತ್​ ಯೂನಿಟ್​ನಲ್ಲಿ ಈ ಖಾಯಿಲೆಗಳಿಗೆ ಚಿಕಿತ್ಸೆಯ ಜತೆಗೆ ಕೌನ್ಸಿಲಿಂಗ್​ನ್ನೂ ಸಹ ಮಾಡಲಾಗುವುದು ಎಂದರು.

ಕೋಲಾರ ಜಿಲ್ಲಾ ಲೆಪ್ರೆಸಿ ಅಧಿಕಾರಿ ಹಾಗೂ ಕೆಜಿಎಫ್​ ನೋಡಲ್​ ಅಧಿಕಾರಿ ಡಾ.ನಾರಾಯಣಸ್ವಾಮಿ, ತಾಲ್ಲೂಕು ಆರೋಗ್ಯಾಧಿಕಾರಿ ಡಾ.ಪದ್ಮಾವತಿ, ವೈದ್ಯರಾದ ಡಾ.ದೀಪಾ, ಡಾ.ಆಶಾಲತಾ, ಡಾ.ಶುಕ್ಲಾ, ಆರೋಗ್ಯ ನಿರೀಕ್ಷಕ ಪ್ರಸನ್ನ ಮೊದಲಾದವರು ಇದ್ದರು.