ಕರೊನಾ ವೈರಸ್ ಹಾವಳಿಯಿಂದ ಉದ್ಯೋಗ ನಷ್ಟವಾಗಿ ರುವುದರಿಂದ ವಿದೇಶಿ ನೌಕರರ ಸಂಖ್ಯೆಯನ್ನು ಮಿತಿಗೊಳಿಸುವುದು ಅಗತ್ಯ ಎಂದು ಹೋಮ್್ಯಾಂಡ್ ಸೆಕ್ಯುರಿಟಿ ಇಲಾಖೆಯ ಅಧಿಕಾರಿಗಳು ಹೇಳಿದ್ದರು. ಇತ್ತೀಚಿನ ವರ್ಷಗಳಲ್ಲಿ ಎಚ್1ಬಿ ವೀಸಾಕ್ಕೆ ಸಲ್ಲಿಸಲಾದ ಅರ್ಜಿಗಳ ಪೈಕಿ ಕನಿಷ್ಠ ಮೂರನೇ ಒಂದರಷ್ಟು ಅರ್ಜಿಗಳನ್ನು ಹೊಸ ನಿಯಮದನ್ವಯ ತಿರಸ್ಕರಿಸುವ ಸಂಭವವಿದೆ. ನಿಯಮಗಳನ್ನು ಬದಲಾಯಿಸುವಾಗ ಸರ್ಕಾರ ಪಾರದರ್ಶಕತೆ ಪಾಲಿಸಿಲ್ಲ. ಕರೊನಾ ಮಹಾಮಾರಿಯಿಂದ ಸೃಷ್ಟಿಯಾದ ನಿರುದ್ಯೋಗ ಸಮಸ್ಯೆ ಎದುರಿಸುವ ತುರ್ತು ಕ್ರಮವಿದು ಎಂಬ ವಾದದಲ್ಲಿ ಹುರುಳಿಲ್ಲ. ಯಾಕೆಂದರೆ, ಟ್ರಂಪ್ ಆಡಳಿತ ಮೊದಲೇ ಇಂಥ ಚಿಂತನೆ ಹೊಂದಿದ್ದು, ಅಕ್ಟೋಬರ್ನಲ್ಲಿ ಅದನ್ನು ಪ್ರಕಟಿಸಿದೆ ಎಂದು ಜಿಲ್ಲಾ ನ್ಯಾಯಾಧೀಶ ಜೆಫ್ರಿ ವೈಟ್ ತೀರ್ಪಿನಲ್ಲಿ ಅಭಿಪ್ರಾಯಪಟ್ಟಿದ್ದಾರೆ.
