ಕೋವಿಡ್ ಪರಿಹಾರ ಹೆಸರಿನಲ್ಲಿ ವಂಚನೆ ಜಾಲ? | ಆರೋಗ್ಯ ಇಲಾಖೆ ಸಿಬ್ಬಂದಿ ಕೈವಾಡದ ಶಂಕೆ

ಕಾರವಾರ: ಕರೊನಾ ರೋಗಿಗಳ ಮೊಬೈಲ್ ಸಂಖ್ಯೆ ಪಡೆದು ಅವರಿಗೆ ವಿಶ್ವ ಆರೋಗ್ಯ ಸಂಸ್ಥೆ ಹೆಸರಿನಲ್ಲಿ ವಂಚನೆಗೆ ಯತ್ನಿಸುತ್ತಿರುವ ಅಂಶ ಬೆಳಕಿಗೆ ಬಂದಿದೆ. ಸೋಂಕಿತರ ಹೆಸರು, ಮೊಬೈಲ್ ಸಂಖ್ಯೆ, ಇ-ಮೇಲ್ ಐಡಿ ಮುಂತಾದ ವಿವರಗಳಿರುವ ಅಪ್ಪಟ ಸರ್ಕಾರಿ ದಾಖಲೆ ಜಿಲ್ಲಾಡಳಿತಕ್ಕೆ ಸಿಗುವುದಕ್ಕೂ ಮೊದಲೇ ನೆಟ್ಟಿಗರಿಗೆ ಲಭ್ಯವಾಗುತ್ತಿದೆ. ಹಲವರು ಇದನ್ನು ವಾಟ್ಸ್​ಆಪ್, ಫೇಸ್​ಬುಕ್ ಸ್ಟೇಟಸ್ ಇಟ್ಟುಕೊಳ್ಳುವುದು ಹಾಗೂ ಗ್ರ್ರೂಪ್​ಗಳಲ್ಲಿ ಹರಿಬಿಡುತ್ತಿದ್ದಾರೆ. ಇದರಿಂದ ಸೋಂಕಿತರಿಗೆ ಸಾಮಾಜಿಕವಾಗಿ ತೊಂದರೆ ಉಂಟಾಗುವ ಜತೆಗೆ, ವಂಚಕರಿಗೂ ಅನುಕೂಲ ಮಾಡಿಕೊಡಲಾಗುತ್ತಿದೆ.

‘ಕೋವಿಡ್-19 ಪರಿಹಾರ ನಿಧಿಗೆ ನೀವು ಆಯ್ಕೆಯಾಗಿದ್ದೀರಿ. ನಿಮ್ಮ ಖಾತೆಗೆ 1,80,000 ಪೌಂಡ್ ಪರಿಹಾರ ನೀಡಲಿದ್ದೇವೆ’ ಎಂದು ವಿಶ್ವ ಆರೋಗ್ಯ ಸಂಸ್ಥೆ ಹೆಸರಿನಲ್ಲಿ ಇ-ಮೇಲ್ ಕಳಿಸಲಾಗುತ್ತಿದೆ. ಐವಿಆರ್ ಸಂಖ್ಯೆಯಿಂದ ಎಸ್​ಎಂಎಸ್ ಮಾಡಲಾಗುತ್ತಿದೆ. ಪೊಲೀಸ್ ಇಂಟಲಿಜೆನ್ಸಿ ಹೆಸರಿನಲ್ಲೂ ಕರೆ ಬರುತ್ತದೆ. ಇದಕ್ಕೆ ಸ್ಪಂದಿಸಿದರೆ ಟ್ಯಾಕ್ಸ್ ಹೆಸರಿನಲ್ಲಿ ವಿವಿಧ ಬ್ಯಾಂಕ್ ಖಾತೆಗಳಿಗೆ ಹಣ ಹಾಕುವಂತೆ ನಂಬಿಸಿ ವಂಚಿಸಲಾಗುತ್ತದೆ.

ಇದನ್ನೂ ಓದಿ: ಸಪ್ತಪದಿ ತುಳಿದ ಐದೇ ದಿನಕ್ಕೆ ಮದುಮಗ ಸಾವು, 20 ಜನರಿಗೆ ಕೋವಿಡ್​ ಸೋಂಕು! ಸಿಬ್ಬಂದಿ ಕೈವಾಡ: ಸೋಂಕಿತರ ಹೆಸರು, ಮೊಬೈಲ್ ಸಂಖ್ಯೆ ಮುಂತಾದ ದಾಖಲೆಗಳು ಸಾರ್ವಜನಿಕರಿಗೆ ಹರಿದಾಡುತ್ತಿರುವುದರ ಹಿಂದೆ ಇಲ್ಲಿನ ಸರ್ಕಾರಿ ಪ್ರಯೋಗಾಲಯದ ಸಿಬ್ಬಂದಿ, ಆರೋಗ್ಯ ಇಲಾಖೆ ಸಿಬ್ಬಂದಿ, ಅಧಿಕಾರಿಗಳ ಕೈವಾಡ ಇರುವ ಅನುಮಾನವಿದೆ. ಈ ಕುರಿತು ಕ್ರಮ ವಹಿಸುವಂತೆ ಅಚ್ಯುತಕುಮಾರ ಎಂಬುವವರು ಎಸ್​ಪಿ ಕಚೇರಿಗೆ ದೂರು ನೀಡಿದ್ದಾರೆ.

https://www.vijayavani.net/kissing-off-the-menu-in-dutch-redlight-area/