ಮಾಸ್ಕ್​ ಯಾಕೆ ಧರಿಸಲಿಲ್ಲ ಎಂದು ಪ್ರಶ್ನೆ ಮಾಡಿದ ಪೊಲೀಸ್​ ತಲೆಯನ್ನು ಸಿಮೆಂಟ್​​ ನೆಲಕ್ಕೆ ಜಜ್ಜಿದ ಮಹಿಳೆ

ಜಗತ್ತಿನಾದ್ಯಂತ ಕರೊನಾ ವೈರಸ್ ಪ್ರಸರಣವಾಗುತ್ತಿದೆ. ಎಲ್ಲ ರಾಷ್ಟ್ರಗಳಲ್ಲೂ ಸರ್ಕಾರಗಳೂ ಸೋಂಕು ನಿಯಂತ್ರಣಾ ಕ್ರಮಗಳನ್ನು ಕಟ್ಟುನಿಟ್ಟಾಗಿ ಜಾರಿ ಮಾಡುತ್ತಿವೆ. ಜನರಲ್ಲಿ ಅರಿವು ಮೂಡಿಸಲು ಮಾರ್ಗಸೂಚಿಗಳನ್ನು ಹೊರಡಿಸಿದೆ.

ಆದರೆ ಇವೆಲ್ಲವುಗಳ ಮಧ್ಯೆಯೂ ಒಂದಷ್ಟು ಜನರು ತಮ್ಮ ಬೇಜವಾಬ್ದಾರಿ ಮುಂದುವರಿಸಿದ್ದಾರೆ. ಕೊವಿಡ್​-19 ನಿಯಂತ್ರಣದ ಎಲ್ಲ ನಿಯಮಗಳನ್ನೂ ಉಲ್ಲಂಘಿಸುತ್ತಿದ್ದಾರೆ.

ಹಾಗೇ ಆಸ್ಟ್ರೇಲಿಯಾದಲ್ಲಿ ಓರ್ವ ಮಹಿಳೆ ಕೂಡ ಸರ್ಕಾರದ ಮಾರ್ಗಸೂಚಿಯನ್ನು ಉಲ್ಲಂಘಿಸಿದ್ದಲ್ಲದೆ, ಪ್ರಶ್ನೆ ಮಾಡಿದ ಪೊಲೀಸರನ್ನೇ ನಿಂದಿಸಿದ್ದಾರೆ. ಮತ್ತೂ ಒಂದು ಹೆಜ್ಜೆ ಮುಂದೆ ಹೋಗಿ ಪೊಲೀಸ್​ ಅಧಿಕಾರಿಯೋರ್ವನ ತಲೆಯನ್ನು ಕಾಂಕ್ರೀಟ್​ ಸ್ಲ್ಯಾಬ್​ಗೆ ಜಜ್ಜಿದ್ದಾರೆ.

ಈ ಮಹಿಳೆ ಮಾಸ್ಕ್​ ಧರಿಸದೆ ಸಾರ್ವಜನಿಕ ಸ್ಥಳದಲ್ಲಿ ಕಾಣಿಸಿಕೊಂಡಿದ್ದಾರೆ. ಅದನ್ನು ಪ್ರಶ್ನಿಸಿದ ಪೊಲೀಸ್​​ ಮೇಲೆಯೇ ಹಲ್ಲೆ ನಡೆಸಿದ್ದಾರೆ. ಇದನ್ನೂ ಓದಿ: ಸುಶಾಂತ್​-ರಿಯಾ ಪ್ರಕರಣದ ಪರಿಣಾಮ; ಹೆಚ್ಚಾಯಿತು ಬಂಗಾಳಿ ಮಹಿಳೆಯರ ನಿಂದನೆ

ಆರೋಪಿ ಮಹಿಳಿಗೆ 38 ವರ್ಷ. ಫ್ರಾಂಕ್​ಸ್ಟನ್​​​ ಬಳಿಯಶಾಪಿಂಗ್​ ಸೆಂಟರ್​ಗೆ ಫೇಸ್​ ಮಾಸ್ಕ್​ ಧರಿಸದೆ ಬಂದಿದ್ದಳು. ಅದನ್ನು ನೋಡಿದ ಇಬ್ಬರು ಮಹಿಳಾ ಪೊಲೀಸ್​ ಅಧಿಕಾರಿಗಳು ಪ್ರಶ್ನೆ ಮಾಡಿದ್ದಾರೆ. ಅಷ್ಟಕ್ಕೇ ಸಿಟ್ಟಾದ ಮಹಿಳೆ, ಓರ್ವ ಅಧಿಕಾರಿಯನ್ನು ತಳ್ಳಿದ್ದಾರೆ. ಇನ್ನೋರ್ವ ಅಧಿಕಾರಿಯ ತಲೆಯನ್ನು ಸಿಮೆಂಟ್​ ನೆಲಕ್ಕೆ ಚಚ್ಚಿದ್ದಾಳೆ. ಕೂದಲು ಹಿಡಿದು ಎಳೆದಾಡಿದ್ದಾಳೆ.

ಮಹಿಳೆಯ ವರ್ತನೆ ತೀರ ಅನಿರೀಕ್ಷಿತವಾಗಿತ್ತು. ಅವರು ತಾವೆಲ್ಲ ಕಾನೂನಿಗಿಂತ ದೊಡ್ಡವರು ಎಂದುಕೊಂಡುಬಿಟ್ಟಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಇದೀಗ 26 ವರ್ಷದ ಮಹಿಳಾ ಪೊಲೀಸ್​ ಅಧಿಕಾರಿಯ ತಲೆಗೆ ತೀವ್ರ ಗಾಯವಾಗಿದ್ದು, ಫ್ರಾಂಕ್​ಸ್ಟನ್​ ಆಸ್ಪತ್ರೆಲ್ಲಿ ಚಿಕಿತ್ಸೆ ಪಡೆದಿದ್ದಾರೆ. ಮಹಿಳೆ ವಿರುದ್ಧ ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ. (ಏಜೆನ್ಸೀಸ್​)

https://www.vijayavani.net/three-brothers-drowned-to-death-in-farm-pits-incident-happens-in-bidar/