ಕಾನೂನು ಪ್ರಕಾರ ವಿವಾಹಿತ ಮಹಿಳೆಗೆ ಪತಿ ಅಥವಾ ಆತನ ಸಂಬಂಧಿಕರು ಕಿರುಕುಳ ನೀಡಿದರೆ, ಕ್ರೌರ್ಯದಿಂದ ವರ್ತನೆ ಮಾಡಿದರೆ ಅದು ಅಪರಾಧವಾಗುತ್ತದೆ. ಇದಕ್ಕೆ ಮೂರು ವರ್ಷಗಳವರೆಗೆ ಜೈಲು ಶಿಕ್ಷೆ ಮತ್ತು ದಂಡವನ್ನು ವಿಧಿಸಲು ಅವಕಾಶ ಇದೆ. ಆದರೆ ಕುಟುಂಬಕ್ಕೆ ಸೇರದ ವ್ಯಕ್ತಿಗಳು ಕಿರುಕುಳ ನೀಡಿದರೆ ಅದು ಈ ಕಾಯ್ದೆಯ ವ್ಯಾಪ್ತಿಗೆ ಬರುವುದಿಲ್ಲ ಎಂದು ನ್ಯಾಯಮೂರ್ತಿಗಳಾದ ವಿಭಾ ಕಂಕಣವಾಡಿ ಮತ್ತು ವೃಶಾಲಿ ಜೋಶಿ ನೇತೃತ್ವದ ವಿಭಾಗೀಯ ಪೀಠ ಸ್ಪಷ್ಟನೆ ನೀಡಿದೆ. ಅರ್ಜಿದಾರ ಮಹಿಳೆ ಪತಿಯ ಸಂಬಂಧಿ ಅಲ್ಲದ ಕಾರಣ ಆಕೆಯ ಮೇಲೆ ಸೆಕ್ಷನ್ 498 ಎ ಅನ್ವಯಿಸುವುದಿಲ್ಲ. ಚಾರ್ಜ್ ಶೀಟ್ ಕೂಡ ಕಾನೂನುಬಾಹಿರವಾಗಿದೆ. ಈ ಪ್ರಕರಣ ವಿವಾಹೇತರ ಸಂಬಂಧದ ಆರೋಪದ ಕುರಿತಾಗಿದೆ ಎಂದು ಕೋರ್ಟ್ ಹೇಳಿದೆ.
