ಉದ್ಯಮಿ ಆನಂದ್ ಮಹೀಂದ್ರಾ ಅವರು ತಮ್ಮ ಟ್ವಿಟರ್ನಲ್ಲಿ ವಿಡಿಯೋ ಪೋಸ್ಟ್ ಮಾಡಿಕೊಂಡಿದ್ದಾರೆ. ಮಹಿಳೆಯೋರ್ವರು ಬ್ಯಾಂಕ್ಗೆ ಬಂದು ಹೊರಗಿನಿಂದಲೇ ಕಿಟಕಿ ಮೂಲಕ ಬ್ಯಾಂಕ್ ಸಿಬ್ಬಂದಿಯೋರ್ವನ ಕೈಯಿಗೆ ಚೆಕ್ ನೀಡುತ್ತಾರೆ. ಹಾಗೇ ಕ್ಯಾಶ್ಗಾಗಿ ಕಾಯುತ್ತ ನಿಲ್ಲುತ್ತಾರೆ. ಆ ಚೆಕ್ನ್ನು ಕ್ಯಾಶಿಯರ್ಗೆ ಕೊಟ್ಟರೆ ಅವರು ಅದನ್ನು ಕೈಯಲ್ಲಿ ಮುಟ್ಟದೆ ಚಿಮ್ಮಟಿಗೆಯಲ್ಲಿ ತೆಗೆದುಕೊಳ್ಳುತ್ತಾರೆ. ಹಾಗೇ ಚೆಕ್ ಮೇಲೆ ಇಸ್ತ್ರಿಪೆಟ್ಟಿಗೆ ಇಟ್ಟು ಅದನ್ನು ಬಿಸಿ ಮಾಡುತ್ತಾರೆ. ಅವರು ಇಷ್ಟೆಲ್ಲ ಮಾಡುವುದು ಕರೊನಾ ವೈರಸ್ ಭಯದಿಂದ. ಒಂದೊಮ್ಮೆ ವೈರಸ್ಗಳು ಇದ್ದರೂ ಹಾಗೆ ಬಿಸಿ ಮಾಡಿದರೆ ಸಾಯುತ್ತವೆ ಎಂಬ ನಂಬಿಕೆಯಿಂದ. ಮಾಸ್ಕ್, ಗ್ಲೌಸ್ ಹಾಕಿಕೊಂಡು ಹೀಗೆ ಇಸ್ತ್ರಿ ಮಾಡುತ್ತಿರುವ ಕ್ಯಾಶಿಯರ್ ಅವರ ಕೆಲಸ ಅನೇಕರ ಗಮನ ಸೆಳೆದಿದೆ.
