ಜಿಎಸ್​ಟಿ ಸ್ಲ್ಯಾಬ್ 2ಕ್ಕೆ ಇಳಿಕೆ ಸಾಧ್ಯತೆ

ನವದೆಹಲಿ: ಪ್ರಧಾನ ಮಂತ್ರಿ ನರೇಂದ್ರ ಮೋದಿ ಜಿಎಸ್​ಟಿ ದರ ಕಡಿತ ಘೋಷಣೆ ಹಿನ್ನೆಲೆಯಲ್ಲಿ ಜಿಎಸ್​ಟಿ ತೆರಿಗೆ ಇಳಿಕೆ ಪ್ರಮಾಣದ ಕುರಿತು ಚರ್ಚೆ ಆರಂಭವಾಗಿದೆ. ಈ ಹಿನ್ನೆಲೆಯಲ್ಲಿ ಜಿಎಸ್​ಟಿ ತೆರಿಗೆಯಲ್ಲಿ ಇಳಿಕೆಯಾಗುವ ಪ್ರಮಾಣದ ಕುರಿತು ಮೂಲಗಳ ಪ್ರಕಾರ ಜಿಎಸ್​ಟಿ ಸ್ಲ್ಯಾಬ್​ಗಳ ಸಂಖ್ಯೆ 4ರಿಂದ 2ಕ್ಕೆ ಇಳಿಯಲಿದೆ. ಸೆಪ್ಟೆಂಬರ್​ನಲ್ಲಿ ನಡೆಯಲಿರುವ ಜಿಎಸ್​ಟಿ ಮಂಡಳಿಯ ಸಭೆಯಲ್ಲಿ ಜಿಎಸ್​ಟಿ ದರದ ಪ್ರಮಾಣ ನಿರ್ಧಾರವಾಗಲಿದೆ.

ಬೊಮ್ಮಾಯಿ ನೇತೃತ್ವದ ತಂಡ

2021ರ ಸೆಪ್ಟೆಂಬರ್​ನಲ್ಲಿ ರಾಜ್ಯದ ಅಂದಿನ ಸಿಎಂ ಬಸವರಾಜ ಬೊಮ್ಮಾಯಿ ಅಧ್ಯಕ್ಷತೆಯಲ್ಲಿ ಸಚಿವರ ತಂಡ ರಚಿಸಲಾಗಿತ್ತು. ಈ ಸಮಿತಿ 2022ರ ಜೂನ್​ನಲ್ಲಿ ಜಿಎಸ್​ಟಿ ಮಂಡಳಿಗೆ ತನ್ನ ಮಧ್ಯಂತರ ವರದಿ ಸಲ್ಲಿಸಿತ್ತು. ಇದರಲ್ಲಿ ತೆರಿಗೆಯನ್ನು ತರ್ಕಬದ್ಧಗೊಳಿಸಲು ಕೆಲವು ಸರಕುಗಳು ಮತ್ತು ಸೇವೆಗಳ ತೆರಿಗೆ ದರಗಳಲ್ಲಿ ಬದಲಾವಣೆ ತರಲು ಪ್ರಸ್ತಾಪಿಸಿತ್ತು.

ಸಾಧ್ಯಾಸಾಧ್ಯತೆ

ಶೇ.28ರ ಸ್ಲ್ಯಾಬ್​ನಲ್ಲಿರುವ ಶೇ.90ರಷ್ಟು ವಸ್ತುಗಳು ಶೇ.18ರ ಸ್ಲ್ಯಾಬ್​ಗೆ ವರ್ಗಾವಣೆ

ಶೇ.12ರ ಸ್ಲ್ಯಾಬ್​ನಲ್ಲಿರುವ 99 ಪ್ರತಿಶತ ವಸ್ತುಗಳು ಶೇ.5ರ ಸ್ಲ್ಯಾಬ್​ಗೆ ವರ್ಗಾವಣೆ

ಐಷಾರಾಮಿ ಮತ್ತು ತಂಬಾಕು ಉತ್ಪನ್ನಗಳ ವೇಳೆ ಶೇ.40ರ ವಿಶೇಷ ತೆರಿಗೆ ಹೇರಿಕೆ

ಶೇ.40ರ ತೆರಿಗೆ ಸ್ಲ್ಯಾಬ್ ವ್ಯಾಪ್ತಿಯಲ್ಲಿ 5-7 ವಸ್ತುಗಳು

ರೆಫ್ರಿಜರೇಟರ್ ಮತ್ತು ಏರ್ ಕಂಡಿಷನರ್, ವಾಷಿಂಗ್ ಮಷಿನ್ ಐಷಾರಾಮಿ ವಸ್ತುಗಳ ಪಟ್ಟಿಯಿಂದ ಹೊರಗೆ

ಪೆಟ್ರೋಲಿಯಂ ಉತ್ಪನ್ನಗಳು ಜಿಎಸ್​ಟಿ ವ್ಯಾಪ್ತಿಯಿಂದ ಹೊರಗೆ

ಹೆಚ್ಚು ಕಾರ್ವಿುಕರನ್ನು ಕೇಳುವ ವಜ್ರಗಳು ಮತ್ತು ಅಮೂಲ್ಯ ಕಲ್ಲುಗಳ ತೆರಿಗೆ ಪ್ರಸ್ತುತ ದರದಲ್ಲಿಯೇ ಮುಂದುವರಿಕೆ

ತೆರಿಗೆಯ ಒಟ್ಟು ಪ್ರಮಾಣ ಪ್ರಸ್ತುತ ಶೇ.88ರ ಮಟ್ಟದಲ್ಲಿಯೇ ಉಳಿಯಲಿದೆ.