ಕ್ಷಿಪಣಿ ದಾಳಿಯಿಂದ ಎರಡು ದೇಶಗಳ ನಾಯಕರು ಸ್ವಲ್ಪದರಲ್ಲೇ ಪಾರು..!

ಕೀವ್‌: ಉಕ್ರೇನ್-ರಷ್ಯಾ ನಡುವೆ ಯುದ್ಧ ಪ್ರಾರಂಭವಾಗಿ ತಿಂಗಳುಗಳೇ ಕಳೆದಿವೆ. ಆದರೆ, ಹಲವು ದೇಶಗಳ ನಾಯಕರು ಪ್ರಯತ್ನಪಟ್ಟರೂ ಈ ದೇಶಗಳ ನಡುವೆ ಶಾಂತಿ ನೆಲೆಸಿಲ್ಲ. ಯುದ್ಧ ಇನ್ನೂ ನಡೆಯುತ್ತಿದೆ. ಇದೇ ನಿಟ್ಟಿನಲ್ಲಿ ಉಕ್ರೇನ್ ಅಧ್ಯಕ್ಷ ಝೆಲೆನ್​ಸ್ಕಿ ಮತ್ತು ಗ್ರೀಕ್ ಪ್ರಧಾನಿ ಕಿರಿಯಾಕೋಸ್ ಮಿಟ್ಸೊಟಾಕಿಸ್ ಅವರನ್ನು ಭೇಟಿ ಮಾಡಲು ಹೋದಾಗ ಮತ್ತೊಂದು ದಾಳಿ ನಡೆದಿದೆ. ಆದರೆ, ಅವರ ಬೆಂಗಾವಲು ಪಡೆಯ ಸಮೀಪವೇ ರಷ್ಯಾದ ಕ್ಷಿಪಣಿ ದಾಳಿ ನಡೆದಿದ್ದು, ಉಭಯ ದೇಶಗಳ ನಾಯಕರು ಸ್ವಲ್ಪದರಲ್ಲೇ ಪಾರಾಗಿದ್ದಾರೆ.

ಇದನ್ನೂ ಓದಿ: ಕೇಜ್ರಿವಾಲ್‌ಗೆ ಮತ್ತೊಂದು ಸಮನ್ಸ್‌: ಕೋರ್ಟ್‌ ಹೇಳಿದ್ದೇನು?

ಉಕ್ರೇನ್ ಅಧ್ಯಕ್ಷ ಝೆಲೆನ್​ಸ್ಕಿ ಗ್ರೀಕ್ ರಾಯಭಾರ ಕಚೇರಿಯನ್ನು ತಲುಪಿದಾಗ 100 ಮೀಟರ್ ದೂರದಲ್ಲಿ ರಷ್ಯಾದ ಕ್ಷಿಪಣಿ ದಾಳಿ ನಡೆದಿದೆ. ಆಗ ಅವರು ಸ್ವಲ್ಪದರಲ್ಲೇ ಪಾರಾಗಿದ್ದಾರೆ ಎಂದು ಹೇಳಲಾಗುತ್ತದೆ. ರಷ್ಯಾ-ಉಕ್ರೇನ್ ಯುದ್ಧದ ಆರಂಭದ ನಂತರ ಝೆಲೆನ್​ಸ್ಕಿ ಅವರ ಹತ್ತಿರ ಬಿದ್ದ ಮೊದಲ ಕ್ಷಿಪಣಿ ದಾಳಿ ಇದಾಗಿದೆ.

ಘಟನೆಯ ನಂತರ ಝೆಲೆನ್​ಸ್ಕಿ ಮಾತನಾಡಿ, ಯುದ್ಧ ಬಹಳಷ್ಟು ಹಾನಿಯನ್ನುಂಟುಮಾಡಿದೆ. ಅನೇಕ ಜನರು ಸಾವನ್ನಪ್ಪಿದ್ದಾರೆ ಮೊದಲು ನಮ್ಮನ್ನು ನಾವು ರಕ್ಷಿಸಿಕೊಳ್ಳಬೇಕು. ಇದಕ್ಕೆ ಸದೃಢವಾದ ವಾಯು ರಕ್ಷಣಾ ವ್ಯವಸ್ಥೆಯನ್ನು ಹೊಂದುವುದು ಉತ್ತಮ ಮಾರ್ಗವಾಗಿದೆ ಎಂದು ಅವರು ಹೇಳಿದರು.

https://www.vijayavani.net/russia-china-plan-for-nuclear-power-plant-on-moon