ನಾಗ್ಪುರಕ್ಕೆ ಮರಳಿದ ಬಳಿಕ ಕ್ರಾಂತಿಕಾರಿಗಳ ಸಂಪರ್ಕ ಬೆಳೆಸಿದ ಡಾಕ್ಟರ್ಜೀ ರಾಷ್ಟ್ರಸೇವಾಮಂಡಳದ ಮೂಲಕ ಲೋಕಮಾನ್ಯ ತಿಲಕರ ರಾಷ್ಟ್ರಜಾಗೃತಿಯ ಸದುದ್ದೇಶದ ಶಿವಾಜಿ ಜಯಂತಿ, ಗಣೇಶೋತ್ಸವಗಳನ್ನು ಸಂಘಟಿಸಿದರು. ಅಸಹಕಾರ ಚಳವಳಿಯಲ್ಲಿ ಧುಮುಕಿ ಅಸಹಕಾರ ಸಪ್ತಾಹ ಆಯೋಜಿಸಿ, ಸಾರ್ವಜನಿಕ ಸಭೆ, ಭಾಷಣಗಳನ್ನು ನೀಡಿದ ಡಾಕ್ಟರ್ಜೀ ರಾಜದ್ರೋಹ ಆರೋಪಕ್ಕೊಳಗಾಗಿ ಒಂದು ವರ್ಷದ ಸೆರೆವಾಸವನ್ನು ಅನುಭವಿಸಿದರು. ಜೈಲಿನೊಳಗಡೆ ಅನೇಕ ಕ್ರಾಂತಿಕಾರರ, ದೇಶಪ್ರೇಮಿ ಯುವಕರ ಪರಿಚಯವಾಗಿ ಯುವಮನಗಳಿಗೆ ಹೋರಾಟದ ಕಾವಿನ ಜೊತೆಜೊತೆಗೆ ಇತಿಹಾಸದ ಜ್ಞಾನದ ಅರಿವೂ ಲಭಿಸಿದರೆ ಪ್ರಚಂಡ ರಾಷ್ಟ್ರನಿರ್ವಣಕಾರ್ಯ ಕಷ್ಟವಲ್ಲವೆಂದರಿತು ಮಹಾಸೌಧನಿರ್ವಿುತಿಯ ಕನಸು ಕಂಡರು. ವೀರ ಸಾವರ್ಕರ್, ಬಾಬಾ ಸಾವರ್ಕರ್, ಡಾ. ಮೂಂಜೆ, ಲಕ್ಷ್ಮಣ ಪರಾಂಜಪೆ ಮೊದಲಾದ ಹಿರಿಯರೊಡನೆ ರ್ಚಚಿಸಿ ಸಂಘಸ್ಥಾಪನೆಯ ನಿರ್ಧಾರ ಕೈಗೊಂಡ ಡಾಕ್ಟರ್ಜೀ ಓಲೈಕೆ, ದೈನ್ಯತೆಯ ಸ್ಥಿತಿಯಿಂದ ಭಾರತವನ್ನು ಮೇಲೆತ್ತಲು ಪಣತೊಟ್ಟರು.
