VIDEO: ಕರೊನಾ ವಾರಿಯರ್ಸ್​ಗೆ ಗೌರವ ಸಲ್ಲಿಸಿದ ನೌಕಾಪಡೆ...

ವಿಶಾಖಪಟ್ಟಣಂ: ಇಂದು ಭಾರತೀಯ ಸಶಸ್ತ್ರಪಡೆಗಳು ಕರೊನಾ ವಾರಿಯರ್ಸ್​ಗೆ ಹೂಮಳೆಗರೆದು ಗೌರವ ಸಲ್ಲಿಸಿವೆ.

ದೇಶದ ಎಲ್ಲೆಡೆ ಕರೊನಾ ವಿರುದ್ಧ ಹೋರಾಡುತ್ತಿರುವ ವೈದ್ಯಕೀಯ ಸಿಬ್ಬಂದಿ, ಪೊಲೀಸ್​ ಸಿಬ್ಬಂದಿ ಸೇರಿ ಎಲ್ಲರಿಗೂ ಆಯಾ ಆಸ್ಪತ್ರೆಗಳ ಬಳಿ ತೆರಳಿದ ಮಿಲಿಟರಿ ಪಡೆಗಳು ಹೆಲಿಕಾಪ್ಟರ್​​ನಿಂದ ಹೂವುಗಳನ್ನು ಸುರಿದು, ಕೈಬೀಸಿ ವಿಶ್​ ಮಾಡಿದ್ದಾವೆ.

ಇದನ್ನೂ ಓದಿ: ಕರೊನಾ ಯೋಧರಿಗೆ ಸೇನೆಯಿಂದ ಹೂಮಳೆಯ ಗೌರವ

ವಿಶಾಖಪಟ್ಟಣದ ಎದೆ ಮತ್ತು ಸಾಂಕ್ರಾಮಿಕ ರೋಗದ ಆಸ್ಪತ್ರೆಯಾಗಿರುವ ಗಿಐಟಿಎಎಂ ಆಸ್ಪತ್ರೆಯಲ್ಲಿ ಕರೊನಾಕ್ಕೆ ಚಿಕಿತ್ಸೆ ನೀಡುತ್ತಿರುವ ವೈದ್ಯರು, ಪ್ಯಾರಾಮೆಡಿಕಲ್​ ಸಿಬ್ಬಂದಿ, ಸ್ವಚ್ಛತಾ ಸಿಬ್ಬಂದಿ, ಪೊಲೀಸರ ಮೇಲೆ ಭಾರತೀಯ ನೌಕಾ ಪಡೆ ಸೈನಿಕರು ಹೆಲಿಕಾಪ್ಟರ್​ನಿಂದ ಹೂವುಗಳನ್ನು ಚೆಲ್ಲುವ ಮೂಲಕ ಗೌರವ ಸಲ್ಲಿಸಿದ್ದಾರೆ.

ಆಂಧ್ರಪ್ರದೇಶದ ಪೂರ್ವ ನೌಕಾ ಕಮಾಂಡ್ ಮುಖ್ಯಸ್ಥ ಕಮಾಂಡರ್​ ಸಂಜಯ್​ ಇಸ್ಸಾರ್​ ನೇತೃತ್ವದಲ್ಲಿ ಎಲ್ಲ ಕರೊನಾ ವಾರಿಯರ್ಸ್​ಗೆ ಸನ್ಮಾನ ಮಾಡಲಾಯಿತು.(ಏಜೆನ್ಸೀಸ್​)