ಆದರೆ ಹೆಚ್ಚಿನ ಕುಟುಂಬಗಳಲ್ಲಿ ಮರಬೆಳೆದಂತೆ ಕೊಂಬೆಗಳು ಕಾಂಡದಿಂದ ದೂರವಾಗುವಂತೆ ನಾನಾ ಕಾರಣಗಳಿಂದ ಮಕ್ಕಳು ಹೆತ್ತವರಿಂದ ದೂರವಾಗಿ, ದೂರದ ಊರಿನಲ್ಲಿ ಇಲ್ಲವೇ ವಿದೇಶಗಳಲ್ಲಿ ವಾಸಿಸುತ್ತಿರುತ್ತಾರೆ. ಆಗೊಮ್ಮೆ, ಈಗೊಮ್ಮೆ ಈ ಮುದುಕರನ್ನ ಭೇಟಿಯಾಗಲು ಬಂದರೂ ಈ ನಿನ್ನ ತಾತ-ಅಜ್ಜಿ ಕೊಳಕು ಮನುಷ್ಯರು, ಅವರ ಬಾಯಿ ವಾಸನೆ ಬರುತ್ತದೆ, ನೀವು ಅವರ ಬಳಿ ಹೋಗಬೇಡಿ. ಅವರ ಜೊತೆ ಮಲಗಬೇಡಿ,ಇನ್ಪೆಕ್ಷನ್ ಆದೀತು ಎಂದು ಹೇಳುತ್ತಾ ಸೊಸೆ ಮೊಮ್ಮಕ್ಕಳನ್ನು ಅಜ್ಜ-ಅಜ್ಜಿಯರಿಂದ ದೂರ ಮಾಡುತ್ತಾಳೆ. ಹೀಗಾದಾಗ, ಈ ಮುದಿ ಹೃದಯಗಳಲ್ಲಿ ಆಗುವ ವೇದನೆೆ, ಆಕೆಗೆ ಅರ್ಥವಾಗಬೇಕಿದ್ದರೆ, ಅವರೂ ಒಂದು ದಿನ ಅಜ್ಜಿಯಾಗಿ ಮೊಮ್ಮಕ್ಕಳಿಂದ ದೂರವಾಗಬೇಕು. ಇಂದಿನ ದಿನಗಳಲ್ಲಂತೂ ಮೊಮ್ಮಕ್ಕಳ ಜೊತೆ ಕಾಲ ಕಳೆಯುವ ಆನಂದದ ಕ್ಷಣ ಹೆಚ್ಚಿನ ಅಜ್ಜ ಅಜ್ಜಿಯವರಿಗೆ ಲಭ್ಯವಿಲ್ಲ.
