ಅವರು ಹೇಳಿದ ಇತರ ಅಂಶಗಳು: ಹೊಸ ಶಿಕ್ಷಣ ನೀತಿಯು ಕಲಿಕೆಯ ವಿಭಜಕಗಳನ್ನು ದೂರ ಮಾಡಿ ಹಳ್ಳಿಗಾಡಿನ ಬದುಕು, ಒಕ್ಕಲುತನ, ಕಮ್ಮಾರಿಕೆ, ಕುಂಬಾರಿಕೆ, ತೋಟಗಾರಿಕೆ ಮೊದಲಾದ ವೃತ್ತಿಗಳಿಂದ ಕೂಡಿರುವ ಗ್ರಾಮಿಣ ಭಾರತವನ್ನು ಶಿಕ್ಷಣದ ಮುಖ್ಯವಾಹಿನಿಗೆ ತರಲಿದೆ. ಆಧುನಿಕ ಶಿಕ್ಷಣ ಪದಟಛಿತಿಯಲ್ಲಿ ಗ್ರಾಮೀಣ ಶಿಕ್ಷಣ ಮತ್ತು ಕೌಶಲಗಳನ್ನು ಅಲಕ್ಷಿಸಿದ ಪರಿಣಾಮ ದೈಹಿಕ ಶ್ರಮ ಆಧರಿಸಿದ ಕೌಶಲ ವಿದ್ಯೆಗಳನ್ನು ನಾವು ಶಿಕ್ಷಣವೆಂದು ಪರಿಗಣಿಸಿಯೇ ಇಲ್ಲ. ಬಿಳಿ ಕಾಲರಿನ ಉದ್ಯೋಗಿಗಳನ್ನು ಮಾತ್ರ ಸುಶಿಕ್ಷಿತರೆಂದು ಭಾವಿಸಿದ್ದೇವೆ. ಗ್ರಾಮೀಣ ಭಾರತವನ್ನು ಪಠ್ಯದ ಬಹುಮುಖ್ಯ ಭಾಗವಾಗಿಸಿ ಶಿಕ್ಷಣ ಮತ್ತು ಉದ್ಯೋಗದಲ್ಲಿ ಹೊಂದಾಣಿಕೆ ತರುವುದು ಶಿಕ್ಷಣದ ಹೊಸ ನೀತಿಯ ಆಶಯವಾಗಿದೆ. ಒಕ್ಕಲುತನದೊಂದಿಗೆ ಶಿಕ್ಷಣ ನೀಡುವಂತಾಗಬೇಕು. ಶಿಕ್ಷಣದಲ್ಲಿ ಕೌಶಲ ಇರಬೇಕು. ಆದರೆ ಈಗಿನ ಪಠ್ಯಪುಸ್ತಕಗಳಲ್ಲಿ ಈ ರೀತಿಯ ಯಾವುದೆ ವಿಷಯ ಕಾಣುವುದಿಲ್ಲ. ಪಠ್ಯದಲ್ಲಿ ಹಳ್ಳಿಯ ಸೊಬಗು ಕಾಣೆಯಾಗಿದೆ. ರೈತ ಅದೃಶ್ಯನಾಗಿದ್ದಾನೆ. ಪೂರ್ವ ಪ್ರಾಥಮಿಕ ಹಂತದಿಂದಲೇ ಸದೃಢ ಶಿಕ್ಷಣ ನೀಡುವಂತಾಗಬೇಕು.
