ಮೈಸೂರಿನಲ್ಲಿರುವ ಅಬ್ದುಲ್ ನಜೀರ್ಬಾಬ್ ರಾಜ್ಯ ಗ್ರಾಮೀಣಾಭಿವೃದ್ಧಿ ಮತ್ತು ಪಂಚಾಯತ್ರಾಜ್ ತರಬೇತಿ ಸಂಸ್ಥೆ (ಎಸ್ಐಆರ್ಡಿ) ಪ್ರತಿ ಬಾರಿಯಂತೆ ಈಗಲೂ ಹೊಸದಾಗಿ ಆಯ್ಕೆಯಾಗಿರುವ ಗ್ರಾಪಂ ಸದಸ್ಯರಿಗೆ ಸಾಮರ್ಥ್ಯಾಭಿವೃದ್ಧಿ ತರಬೇತಿ ನೀಡಲು ಕಾರ್ಯಕ್ರಮ ರೂಪಿಸಿದೆ. ಜ.18ರಿಂದ ಮಾ.26ರವರೆಗೆ ತರಬೇತಿ ನಡೆಸಲು ತಯಾರಿ ಮಾಡಿಕೊಳ್ಳಲಾಗಿದ್ದು, ರಾಜ್ಯದ 176 ತಾಲೂಕು ಕೇಂದ್ರಗಳಲ್ಲಿ 5,762 ಗ್ರಾಪಂಗಳ 92,121 ಸದಸ್ಯರು ಈ ತರಬೇತಿಯಲ್ಲಿ ಭಾಗಿಯಾಗಬೇಕಾಗಿದೆ. ಸದಸ್ಯರ ಸಂಖ್ಯೆಗೆ ಅನುಗುಣವಾಗಿ ಸರಾಸರಿ ತಲಾ 40ರ ಗುಂಪಿಗೆ ತರಬೇತಿ ನಡೆಸಲಾಗುತ್ತದೆ. ಈ ಹಿನ್ನೆಲೆಯಲ್ಲಿ ಎಸ್ಐಆರ್ಡಿಯ 248 ಹಾಗೂ ಹೊರಗಿನ 850 ಸಂಪನ್ಮೂಲ ವ್ಯಕ್ತಿಗಳಿಗೆ ಈಗಾಗಲೇ ಎರಡು ಸುತ್ತಿನ ತರಬೇತಿ ನೀಡಲಾಗಿದೆ. ಇದಕ್ಕೆ ಕೇಂದ್ರ ಸರ್ಕಾರ 30 ಕೋಟಿ ರೂ. ಅನುದಾನನೀಡಲಿದೆ. ತರಬೇತಿ ನೀಡುವ ಉದ್ದೇಶ ಸರಿಯಾಗಿದೆಯಾದರೂ ಅದನ್ನು ಜಾರಿಗೊಳಿಸಲು ಮುಂದಾಗಿರುವ ಸಮಯ ಸೂಕ್ತವಾಗಿಲ್ಲ, 3 ದಿನಗಳ ಶಿಬಿರವನ್ನು 5 ದಿನಗಳಿಗೆ ವಿಸ್ತರಣೆ ಮಾಡಿರುವುದು ಅಪ್ರಾಯೋಗಿಕ ಕ್ರಮ ಎಂಬುದು ಎಲ್ಲ ಕಡೆಗಳಲ್ಲೂ ಎದ್ದಿರುವ ಕೂಗು.
