ಜಿಲ್ಲಾಧಿಕಾರಿಗಳಿಗೆ ಸರ್ಕಾರದ ಸಪ್ತ ಸೂತ್ರ

ಬೆಂಗಳೂರು: ಲಾಕ್​ಡೌನ್ ಸಡಿಲಿಸಿ ಆರ್ಥಿಕ ಚಟುವಟಿಕೆಗೆ ಅವಕಾಶ ನೀಡುತ್ತಿದ್ದಂತೆ ಸೋಂಕು ನಿಯಂತ್ರಣದಲ್ಲಿ ಇಟ್ಟುಕೊಳ್ಳುವ ಜಿಲ್ಲಾಡಳಿತಗಳ ಜವಾಬ್ದಾರಿ ಹೆಚ್ಚಾಗಿದೆ. ಜತೆಗೆ ಸರ್ಕಾರ ಎಚ್ಚರಿಕೆ ಸಹಿತ 7 ಸೂತ್ರ ಪಾಲಿಸುವಂತೆ ಜಿಲ್ಲಾಧಿಕಾರಿಗಳಿಗೆ ಸೂಚಸಿದೆ. 2 ದಿನಗಳ ಹಿಂದಷ್ಟೇ ಎಲ್ಲ ಡಿಸಿಗಳ ಜತೆ ವಿಡಿಯೋ ಸಂವಾದ ನಡೆಸಿದ್ದ ಅವರು, ಇದೀಗ ವೈಯಕ್ತಿಕವಾಗಿ ಯಾವುದಕ್ಕೆ ಆದ್ಯತೆ ಕೊಡಬೇಕೆಂದು ಸ್ಪಷ್ಟ ಸೂಚನೆ ಕಳಿಸಿದ್ದಾರೆ.

ಕರೊನಾ ಹರಡುವಿಕೆ ನಿಯಂತ್ರಿಸುವ ವಿಚಾರದಲ್ಲಿ ನಾವು ಮುಂದಿನ ಹಂತಕ್ಕೆ ಹೋಗುತ್ತಿರುವಾಗ ಆರ್ಥಿಕ ಚಟುವಟಿಕೆ ಗಮನಾರ್ಹವಾಗಿ ದೊಡ್ಡ ಪ್ರಮಾಣದಲ್ಲಿ ಪುನರಾರಂಭಿಸಲು ಪ್ರಯತ್ನಿಸಲಾಗಿದೆ. ಜತೆಗೆ ರೋಗ ಹರಡುವಿಕೆಯೂ ಹೆಚ್ಚಾಗುವ ನಿರೀಕ್ಷೆ ಇದೆ. ಇದನ್ನು ನಿಯಂತ್ರಿಸಲು ಬಲವಾದ ಸರ್ವೆಕ್ಷಣಾ ಕ್ರಮಗಳು ಅಗತ್ಯ’ ಎಂದು ಮುಖ್ಯಕಾರ್ಯದರ್ಶಿ ಟಿ.ಎಂ.ವಿಜಯಭಾಸ್ಕರ್ ಜಿಲ್ಲಾಧಿಕಾರಿಗಳಿಗೆ ತಿಳಿಸಿದ್ದಾರೆ.

ಇದನ್ನೂ ಓದಿ: ಗಿಟಾರ್​ ನುಡಿಸಿ ರೈಲು ಪ್ರಯಾಣಿಕರನ್ನು ರಂಜಿಸಿದ ಕರೊನಾ ಸೇನಾನಿ

1. ಸಕಾರಾತ್ಮಕ ಕೋವಿಡ್ ವರದಿಯಾದ 24 ಗಂಟೆಯೊಳಗೆ ಎಲ್ಲ ಸಂರ್ಪತರನ್ನು ಪತ್ತೆ ಹಚ್ಚಿ ಆಪ್​ನಲ್ಲಿ ದಾಖಲಿಸಬೇಕು.
2. ಕ್ವಾರಂಟೈನ್ ವಾಚ್ ಆಪ್ ಸಂಪೂರ್ಣವಾಗಿ ಕಾರ್ಯನಿರ್ವಹಿಸುವುದು. ಪ್ರತಿ ನಿರ್ಬಂಧಿತ ವ್ಯಕ್ತಿ ಬಗ್ಗೆ, ನಾಮ ನಿರ್ದೇಶಿತ ಅಧಿಕಾರಿ ದೈನಂದಿನ ವರದಿ ಮನೆಯ ಸ್ಥಳದಿಂದ ಬರುವಂತೆ ಮಾಡುವುದು, ಉಲ್ಲಂಘನೆ ಪ್ರಕರಣಗಳನ್ನು ಕಟ್ಟುನಿಟ್ಟಾಗಿ ನಿರ್ವಹಿಸುವುದು.
3. ಈ ಕ್ಷಣದಿಂದಲೇ ಪ್ರಾರಂಭ ಆಗುವಂತೆ ಪ್ರತಿ ನಿರ್ಬಂಧಿತ ವಲಯದ ಪ್ರಾರಂಭಿಕ ಮಾಹಿತಿ ಸಂಗ್ರಹಣೆ ಮತ್ತು ದೈನಂದಿನ ಆರೋಗ್ಯ ತಪಾಸಣೆಗೆ ಕಂಟೈನ್​ವೆುಂಟ್ ಜೋನ್ ಆಪ್ ಬಳಸಿರಬೇಕು
4. ‘ಆರೋಗ್ಯ ಅಪಾಯ ಮತ್ತು ಸಂಪೂರ್ಣ ಸಮೀಕ್ಷೆ ಮತ್ತು ಅಂಕಿ-ಅಂಶಗಳ ಮಾಹಿತಿ ದಾಖಲಿಸುವುದನ್ನು ಮೇ 24ರೊಳಗೆ ಪೂರ್ಣಗೊಳಿಸಬೇಕು.
5. ಎಲ್ಲ ಅಂತರ್ ರಾಜ್ಯದಿಂದ ಹಿಂದಿರುಗುವವರ (ರೈಲುಗಳಲ್ಲಿ ಬರುವವರು ಸೇರಿ) ದಾಖಲೆಯು ಸಂಪರ್ಕ ಪತ್ತೆ ಹಚ್ಚುವ ಆಪ್​ನಲ್ಲಿ ಆಗಬೇಕು. ಇತರೆ ರಾಜ್ಯ ಅಥವಾ ವಿದೇಶದಿಂದ ಹಿಂದಿರುಗಿದವರು ಕರ್ನಾಟಕಕ್ಕೆ ಪ್ರವೇಶಿಸುವಾಗ ವ್ಯವಸ್ಥೆಯಲ್ಲಿ ದಾಖಲಾಗದೇ ಉಳಿಯಬಾರದು. ಜತೆಗೆ ಕೈಮುದ್ರೆ ಇಲ್ಲದೇ ಚಲಿಸಲು ಅವಕಾಶ ನೀಡಬಾರದು, ಕ್ವಾರಂಟೈನ್ ಖಚಿತಪಡಿಸಿಕೊಳ್ಳಬೇಕು.
6. ತೀವ್ರ ಉಸಿರಾಟದ ತೊಂದರೆ ಪ್ರಕರಣಗಳನ್ನು ವರದಿ ಮಾಡುವ ಖಾಸಗಿ ಆಸ್ಪತ್ರೆಗಳ ಸಂಖ್ಯೆ ಇನ್ನೊಂದು ವಾರದಲ್ಲಿ ಶೇ.75ರಷ್ಟು ಪ್ರಮಾಣ ತಲುಪಬೇಕು.
7. ಸಾಮಾಜಿಕ ಅಂತರವನ್ನು ಜಾರಿಗೊಳಿಸಲು ವಿಡಿಯೋಗ್ರಫಿ ಮೂಲಕ ಸಾರ್ವಜನಿಕ ಸ್ಥಳ ಸರ್ವೆಕ್ಷಣೆಯನ್ನು ಪ್ರತಿ ದಿನ ಮಾಡುವುದು. ಹಾಗೆಯೇ ಏಳು ಆದ್ಯತೆ ಚಟುವಟಿಕೆಗಳ ಕುರಿತು ಸಂಕ್ಷಿಪ್ತ ವರದಿಯನ್ನು ಸೋಮವಾರ ಮತ್ತು ಗುರುವಾರ ತಲುಪಿಸಬೇಕೆಂದು ಸೂಚಿಸಿದ್ದಾರೆ.

https://www.vijayavani.net/cm-yediyurappas-reaction-to-atma-nirbhar-bharats-5th-day-announcement/