'ಫ್ಯಾಮಿಲಿ ಮ್ಯಾನ್​ 3' ವೆಬ್​ ಸರಣಿಗೆ ಸಖತ್​ ರೆಸ್ಪಾನ್ಸ್​! ಸ್ಟಾರ್​ ಕಲಾವಿದರ ಸಂಭಾವನೆ ಕೇಳಿದ್ರೆ ಅಚ್ಚರಿ ಪಡ್ತೀರಿ | Family Man 3

ಮುಂಬೈ: ಒಟಿಟಿ ಪ್ಲಾಟ್​ಫಾರ್ಮ್​ನಲ್ಲಿ 'ಫ್ಯಾಮಿಲಿ ಮ್ಯಾನ್' ವೆಬ್ ಸರಣಿ ಮಾಡಿರುವ ಹಾಗೂ ಮಾಡುತ್ತಿರುವ ಸದ್ದು, ಚಿತ್ರಮಂದಿರಗಳಲ್ಲಿ ಪ್ರದರ್ಶನ ಕಾಣುತ್ತಿರುವ ಚಿತ್ರಗಳು ಮಾಡದಿರುವುದು ಆಶ್ಚರ್ಯವೇ ಸರಿ. ಒಟಿಟಿ ಪ್ರಿಯರಿಂದ ಭಾರೀ ಮನ್ನಣೆ ಮತ್ತು ಜನಪ್ರಿಯತೆಯನ್ನು ಪಡೆದುಕೊಂಡಿರುವ 'ಫ್ಯಾಮಿಲಿ ಮ್ಯಾನ್'​ ಸಿರೀಸ್​, ಇದೀಗ ಮೂರನೇ ಭಾಗದ ಮೂಲಕ ಮತ್ತೊಮ್ಮೆ ಚಿತ್ರರಸಿಕರ ಮುಂದೆ ಹಾಜರಾಗಿದೆ.

ರಾಜ್-ಡಿಕೆ ನಿರ್ದೇಶನದ ಈ ಸರಣಿಯ​ ಮೊದಲ ಭಾಗವು 2019ರಲ್ಲಿ ಬಿಡುಗಡೆಯಾಯಿತು ಮತ್ತು ಸೂಪರ್​ಹಿಟ್​ ಕೂಡ ಆಯಿತು. ಇದು ಭಾರತೀಯ ವೆಬ್ ಸರಣಿಯ ಇತಿಹಾಸದಲ್ಲಿ ಅತ್ಯಂತ ಜನಪ್ರಿಯ ಸರಣಿಯಾಗಿದೆ. 2021ರಲ್ಲಿ ಎರಡನೇ ಸರಣಿ ಬಂದಾಗ, ನಿರೀಕ್ಷೆಗೆ ತಕ್ಕಂತೆ ಇದು ಸಹ ಯಶಸ್ವಿಯಾಯಿತು. ಈಗ ಮೂರನೇ ಸೀಸನ್ ಲೈವ್​ ಸ್ಟ್ರೀಮಿಂಗ್​ ಆಗುತ್ತಿದ್ದು, ಮತ್ತೊಮ್ಮೆ ಪ್ರೇಕ್ಷಕರ ಗಮನ ಸೆಳೆಯುವಲ್ಲಿ ಮುಂಚೂಣಿಯಲ್ಲಿದೆ. 

ಪ್ರಸ್ತುತ, ಅಮೆಜಾನ್ ಪ್ರೈಮ್ ವಿಡಿಯೋದಲ್ಲಿ ಸ್ಟ್ರೀಮಿಂಗ್ ಆಗುತ್ತಿರುವ ಈ ಸರಣಿಯು ತನ್ನ ಕಥಾಹಂದರದಿಂದ ನೋಡುಗರಲ್ಲಿ ಕೌತುಕ ಹೆಚ್ಚಿಸಿದೆ. ಒಟಿಟಿ ಪ್ಲಾಟ್​ಫಾರ್ಮ್​ನಲ್ಲಿ ದಾಖಲೆ ಬರೆಯಲು ಸಜ್ಜಾಗಿರುವ ಈ ಸರಣಿಯ ರಿಲೀಸ್​ ನಂತರ, ಸಿರೀಸ್​ನ ಪ್ರಮುಖ ಪಾತ್ರಗಳಲ್ಲಿ ಮಿಂಚಿರುವ ನಟರಾದ ಮನೋಜ್ ಬಾಜ್ಪೇಯಿ, ಪ್ರಿಯಾಮಣಿ ಸೇರಿ ಮುಂತಾದವರ ಸಂಭಾವನೆ ವಿಚಾರ ಸದ್ಯ ಚರ್ಚೆಗೆ ಗ್ರಾಸವಾಗಿದೆ.

ಈ ಸರಣಿಯಲ್ಲಿ ಖಳನಾಯಕನ ಪಾತ್ರದಲ್ಲಿ ನಟಿಸಿರುವ ಜೈದೀಪ್ ಅಹ್ಲಾವತ್ 9 ಕೋಟಿ ರೂ. ಪಡೆದಿದ್ದಾರೆ. ಇನ್ನು ಮನೋಜ್ ಬಾಜ್‌ಪೇಯಿ ಅವರ ಸಂಗಾತಿಯ ಪಾತ್ರದಲ್ಲಿ ಕಾಣಿಸಿಕೊಂಡಿರುವ ಪ್ರಿಯಾಮಣಿ ಅವರು 7 ಕೋಟಿ ರೂ., ಮೀರಾ ಪಾತ್ರಧಾರಿ ನಿಮ್ರತ್ ಕೌರ್ 8ರಿಂದ 9 ಕೋಟಿ ರೂ., ದರ್ಶನ್ ಕುಮಾರ್ ಸುಮಾರು 8 ಕೋಟಿ ರೂ. ಹಣವನ್ನು ಸಂಭಾವನೆಯಾಗಿ ಪಡೆದಿದ್ದಾರೆ ಎಂದು ಸಿನಿ ಮೂಲಗಳು ತಿಳಿಸಿವೆ,(ಏಜೆನ್ಸೀಸ್).