ದಿನದಿಂದ ದಿನಕ್ಕೆ ದರದಲ್ಲಿ ಕುಸಿತ; ಈ ತಿಂಗಳ ಅಂತ್ಯದೊಳಗೆ ಇನ್ನಷ್ಟು ಕುಸಿಯಲಿದೆ ಚಿನ್ನದ ಬೆಲೆ!? ಹೀಗಿದೆ ಕಾರಣ | Gold Price

Gold Price: ಅಮೆರಿಕ ಮತ್ತು ಚೀನಾ ನಡುವಿನ ಸುಂಕ ಸಮರ ಕೊನೆಗೊಂಡಿದ್ದು, ಎರಡೂ ದೇಶಗಳ ನಡುವಿನ ವ್ಯಾಪಾರ-ವಹಿವಾಟು ಯಥಾಸ್ಥಿತಿಗೆ ಮರಳುತ್ತಿದೆ. ಇದು ಪ್ರಸ್ತುತ ದಿನಗಳಲ್ಲಿ ಚಿನ್ನದ ದರ ಕುಸಿಯುವಿಕೆಗೆ ಬಲವಾದ ಕಾರಣವಾಗಿದೆ. ಕಳೆದ ಕೆಲವು ದಿನಗಳಿಂದ ಸತತವಾಗಿ ಕುಸಿದಿರುವ ಚಿನ್ನದ ಬೆಲೆ, ಗ್ರಾಹಕರಲ್ಲಿ ಹೊಸ ಹರ್ಷವನ್ನು ಉಂಟುಮಾಡಿದೆ. ಮದುವೆ ಸೀಸನ್​ ಆರಂಭದಲ್ಲೇ ಗೋಲ್ಡ್ ದರ ಇಳಿಕೆ ಗ್ರಾಹಕರನ್ನು ಖರೀದಿಯತ್ತ ಕೈಬೀಸಿ ಕರೆಯುತ್ತಿದೆ.

ಇದನ್ನೂ ಓದಿ: Operation Sindoor; ಸಂಸತ್ತಿನಲ್ಲಿ ನಕಲಿ ಸುದ್ದಿ ಓದಿ ನಗೆಪಾಟಲಿಗೀಡಾದ ಪಾಕ್​ ಉಪಪ್ರಧಾನಿ ಇಶಾಕ್ ದಾರ್!

ಒಂದೆಡೆ ಅಮೆರಿಕ ಮತ್ತು ಚೀನಾ ನಡುವಿನ ವ್ಯಾಪಾರ ಉದ್ವಿಗ್ನತೆ ಕಡಿಮೆಯಾದರೆ. ಮತ್ತೊಂದೆಡೆ, ಪಾಕ್​ ಮತ್ತು ಭಾರತ ನಡುವಿನ ಉದ್ವಿಗ್ನತೆಯೂ ಕಡಿಮೆಯಾಗಿದೆ. ಇದರೊಂದಿಗೆ, ಹೂಡಿಕೆದಾರರು ಆರಾಮದಾಯಕ ವಲಯದಿಂದ ಷೇರುಗಳಲ್ಲಿ ಹೂಡಿಕೆ ಮಾಡುವತ್ತ ಮುಖಮಾಡಿದ್ದಾರೆ. ಇದರಿಂದಾಗಿ, ಚಿನ್ನ ಮತ್ತು ಬೆಳ್ಳಿಯ ಬೆಲೆಗಳು ಸಹ ಕ್ರಮೇಣವಾಗಿ ಇಳಿಕೆ ಕಾಣುತ್ತಿವೆ. ಆದಾಗ್ಯೂ, ಈ ತಿಂಗಳ ಅಂತ್ಯದೊಳಗೆ ಚಿನ್ನದ ದರ ಮತ್ತಷ್ಟು ಕುಸಿಯುವ ಸಾಧ್ಯತೆಯಿದೆ ಎಂದು ತಜ್ಞರು ಭವಿಷ್ಯ ನುಡಿದಿದ್ದಾರೆ.

ಗುರುವಾರ (ಮೇ.16) ಚಿನ್ನದ ಬೆಲೆ ಮತ್ತಷ್ಟು ಕುಸಿದಿದೆ. ಬೆಳಗ್ಗೆ ದಾಖಲಾದ ವಿವರಗಳ ಪ್ರಕಾರ, 24 ಕ್ಯಾರೆಟ್ ಚಿನ್ನದ 10 ಗ್ರಾಂ 2,130 ರೂ.ನಷ್ಟು ಕುಸಿದರೆ, 22 ಕ್ಯಾರೆಟ್ ಚಿನ್ನ 1,950 ರೂ. ಕುಸಿದಿದೆ. ಮತ್ತೊಂದೆಡೆ, ಬೆಳ್ಳಿಯ ಬೆಲೆಯೂ ಕುಸಿತ ಕಂಡಿದೆ. ಒಂದು ಕೆಜಿ ಬೆಳ್ಳಿ 1,000 ರೂ.ನಷ್ಟು ಕುಸಿದಿದೆ. ಅಂತರರಾಷ್ಟ್ರೀಯ ಮಾರುಕಟ್ಟೆಗಳಲ್ಲಿಯೂ ಚಿನ್ನ-ಬೆಳ್ಳಿ ಬೆಲೆಗಳು ಕುಸಿದಿವೆ. ಚಿನ್ನ ಔನ್ಸ್‌ಗೆ (31.10 ಗ್ರಾಂ) 40 ಡಾಲರ್​ನಷ್ಟು ಕುಸಿದು 3,147 ಡಾಲರ್​ಗೆ ತಲುಪಿದೆ. ಬೆಳ್ಳಿ ಕೂಡ 31.91 ಡಾಲರ್​ನಲ್ಲಿ ವಹಿವಾಟು ನಡೆಸುತ್ತಿದೆ,(ಏಜೆನ್ಸೀಸ್).

https://www.vijayavani.net/mumbai-indians-make-a-master-plan-over-playoffs