ಕಬಡ್ಡಿಯಲ್ಲಿ ಚಿನ್ನದ ಪದಕ; ತಮಿಳುನಾಡಿನ ಕನ್ನಗಿನಗರ ಕಾರ್ತಿಕಾ, ಅಭಿನೇಶ್​ಗೆ ತಲಾ 25 ಲಕ್ಷ ರೂ. ಬಹುಮಾನ ನೀಡಿದ ಸಿಎಂ ಸ್ಟಾಲಿನ್| Gold medal in Kabaddi

ಚೆನ್ನೈ: ಏಷ್ಯನ್ ಯೂತ್ ಗೇಮ್ಸ್​ನಲ್ಲಿ ಚಿನ್ನದ ಪದಕ ಗೆದ್ದ(Gold medal in Kabaddi) ತಮಿಳುನಾಡಿನ ಕನ್ನಗಿ ನಗರದ ಕಾರ್ತಿಕ ಮತ್ತು ಅಭಿನೇಶ್​​ ಇಂದು(ಅ. 26) ಬಹ್ರೇನ್​ನಿಂದ ಚೆನ್ನೈಗೆ ಆಗಮಿಸಿದ್ದು, ಇಬ್ಬರನ್ನೂ ಸಿಎಂ ಎಂ.ಸ್ಟಾಲಿನ್ ಅಭಿನಂದಿಸಿದ್ದಾರೆ. ಹಾಗೆಯೇ ಇಬ್ಬರನ್ನು ಶ್ಲಾಘಿಸಿ ತಲಾ 25 ಲಕ್ಷ ರೂ. ಬಹುಮಾನ ನೀಡಿದ್ದಾರೆ.

2025ರಲ್ಲಿ ಬಹ್ರೇನ್‌ನಲ್ಲಿ ನಡೆದ ಏಷ್ಯನ್ ಯೂತ್ ಗೇಮ್ಸ್‌ನಲ್ಲಿ, ಭಾರತೀಯ ಪುರುಷ ಮತ್ತು ಮಹಿಳಾ ತಂಡಗಳು ಫೈನಲ್‌ನಲ್ಲಿ ಇರಾನ್ ಅನ್ನು ಸೋಲಿಸಿ ಚಿನ್ನ ಗೆಲ್ಲುವ ಮೂಲಕ ದಾಖಲೆಯನ್ನು ಸೃಷ್ಟಿಸಿವೆ. ಮಹಿಳಾ ತಂಡದಲ್ಲಿದ್ದ ಚೆನ್ನೈನ ಕನ್ನಗಿ ನಗರದ ಕಾರ್ತಿಕಾ ತಂಡವು ಚಿನ್ನ ಗೆಲ್ಲುವಲ್ಲಿ ಪ್ರಮುಖ ಪಾತ್ರ ವಹಿಸಿದ್ದರು. ಅದೇ ರೀತಿ ತಿರುವರೂರಿನ ಅಭಿನೇಶ್ ಮೋಹನ್ ದಾಸ್ ಕೂಡ ಪುರುಷರ ತಂಡದಲ್ಲಿ ಉತ್ತಮ ಪ್ರದರ್ಶನ ನೀಡಿದ್ದರು.

ಈ ಕುರಿತು ಎಕ್ಸ್​ನಲ್ಲಿ ಪೋಸ್ಟ್ ಹಾಕಿರುವ ಸಿಎಂ ಎಂ.ಕೆ.ಸ್ಟಾಲಿನ್, ಬಹ್ರೇನ್‌ನಲ್ಲಿ ನಡೆದ ಏಷ್ಯನ್ ಯೂತ್ ಗೇಮ್ಸ್‌ನಲ್ಲಿ ಚಿನ್ನ ಗೆದ್ದ ನಮ್ಮ ಕಬಡ್ಡಿ ಆಟಗಾರರಾದ ಕನ್ನಗಿನಗರದ ಕಾರ್ತಿಕಾ ಮತ್ತು ತಿರುವರೂರಿನ ಅಭಿನೇಶ್ ಮೋಹನ್‌ದಾಸ್ ಚೆನ್ನೈಗೆ ಹಿಂತಿರುಗಿದಾಗ, ಅವರನ್ನು ಅಭಿನಂದಿಸಲು ನೇರವಾಗಿ ನನ್ನ ಮನೆಗೆ ಆಹ್ವಾನಿಸಿದೆ.  ಮತ್ತು ತಲಾ 25 ಲಕ್ಷ ರೂ.ಗಳ ಭಾರಿ ಪ್ರೋತ್ಸಾಹಧನವನ್ನು ನೀಡಿದೆ.

ಇದನ್ನೂ ಓದಿ: ದೇಶಾದ್ಯಂತ ಮತದಾರ ಪಟ್ಟಿ ವಿಶೇಷ ಪರಿಷ್ಕರಣೆ: ನಾಳೆ ಸಂಜೆ ಸುದ್ದಿಗೋಷ್ಠಿ ಚುನಾವಣಾ ಆಯೋಗ ಘೋಷಣೆ| Election Commission

ನಾನು ಕಣ್ಣಗಿ ನಗರಕ್ಕೆ ಹೋದಾಗಲೆಲ್ಲಾ, ಅಲ್ಲಿ ವಾಸಿಸುವ ಜನರಿಗೆ ಅವರ ಎಲ್ಲಾ ಬೇಡಿಕೆಗಳನ್ನು ಈಡೇರಿಸುವಂತೆ ಆದೇಶಿಸಿದ್ದೆ ಎಂದು ನೆನಪಿಸಿಕೊಳ್ಳುತ್ತಾ, ಕಾರ್ತಿಕಾಳನ್ನು ಕೇಳಿದೆ, ನಿಮ್ಮ ಪ್ರದೇಶದ ಸಮಸ್ಯೆಗಳು ಈಗ ಬಗೆಹರಿದಿವೆಯೇ? ಎಂದು ಕಳೆದ 4 ವರ್ಷಗಳಲ್ಲಿ ಕಣ್ಣಗಿ ನಗರವು ಹೆಚ್ಚಿನ ಪ್ರಗತಿ ಸಾಧಿಸಿದೆ ಎಂದು ಅವಳು ನಗುತ್ತಾ ಹೇಳಿದಳು.

ಕಾರ್ತಿಕಾ ಮತ್ತು ಅಭಿನೇಶ್ ನನ್ನಿಂದ ಇನ್ನೂ ಸ್ವಲ್ಪ ಸಹಾಯ ಕೇಳಿದ್ದಾರೆ. ನಾವು ಅದನ್ನೂ ಪೂರೈಸುತ್ತೇವೆ. ನಿನ್ನೆ #ಬೈಸನ್ ಕಾಲಮಾದನ್ ಸಿನಿಮಾದಲ್ಲಿ ನಾನು ನೋಡಿದ ಮನತಿ ಗಣೇಶನ್ ಅವರಿಂದ ಹಿಡಿದು ಇಂದು ಅಭಿನೇಶ್ ಮತ್ತು ಕಾರ್ತಿಕಾವರೆಗೂ ಸಾಮಾಜಿಕ ನ್ಯಾಯದ ನಾಡು ತಮಿಳುನಾಡು, ವಿನಮ್ರ ಹಿನ್ನೆಲೆಯಿಂದ ಬಂದ ಪ್ರತಿಯೊಬ್ಬ ನಾಯಕನ ಯಶಸ್ಸಿನ ಬಗ್ಗೆ ಹೆಮ್ಮೆಪಡುತ್ತದೆ ಎಂದು ಹೇಳಿದ್ದಾರೆ. (ಏಜೆನ್ಸೀಸ್)

https://www.vijayavani.net/if-india-alliance-comes-to-power-we-will-throw-the-waqf-act-in-the-dustbin-tejashwi-yadav