ಕರೊನಾ ಚಿಕಿತ್ಸೆಗೆ ಬಂತು ಹೊಸ ಔಷಧ; ಆದರೆ ಇದು ಚುಚ್ಚುಮದ್ದು ಅಲ್ಲ!

ಬೆಂಗಳೂರು: ಅಲ್ಪದಿಂದ ಮಧ್ಯಮ ಹಂತದವರೆಗಿನ ಕೋವಿಡ್​-19 ಚಿಕಿತ್ಸೆಗಾಗಿ ಬಾಯಿ ಮೂಲಕ ಕೊಡಬಹುದಾದ ಫವಿಪಿರಾವಿರ್​ ಔಷಧವನ್ನು ತಯಾರಿಸಿ ಮಾರಾಟ ಮಾಡಲು ಔಷಧ ನಿಯಂತ್ರಕರು ಅನುಮತಿ ನೀಡಿರುವುದಾಗಿ ಗ್ಲೆನ್​ಮಾರ್ಕ್​ ಫಾರ್ಮಸ್ಯುಟಿಕಲ್ಸ್​ ಲಿಮಿಟೆಡ್​ ಹೇಳಿಕೊಂಡಿದೆ.

ಶುಕ್ರವಾರ ಈ ಬಗ್ಗೆ ಹೇಳಿಕೆ ಬಿಡುಗಡೆ ಮಾಡಿರುವ ಮುಂಬೈ ಮೂಲದ ಔಷಧ ತಯಾರಿಕಾ ಕಂಪನಿ ಗ್ಲೆನ್​ಮಾರ್ಕ್​ ಫಾರ್ಮಸ್ಯುಟಿಕಲ್ಸ್​, ತುರ್ತು ಪರಿಸ್ಥಿತಿಯಲ್ಲಿ ಮಾತ್ರವೇ ಈ ಔಷಧವನ್ನು ಬಳಕೆ ಮಾಡಲು ಔಷಧ ನಿಯಂತ್ರಕರು ಅನುಮತಿ ನೀಡಿರುವುದಾಗಿ ತಿಳಿಸಿದೆ. ಇದೇ ವರ್ಗದಲ್ಲಿ ಈ ಔಷಧವನ್ನು ದೇಶಾದ್ಯಂತ ಮಾರಾಟ ಮಾಡಲಾಗುವುದು ಎಂದು ಹೇಳಿದೆ.

ಜಪಾನ್​ನ ಫ್ಯೂಜಿಫಿಲಂ ಹೋಲ್ಡಿಂಗ್ಸ್​ಕಾರ್ಪೋರೇಷನ್​ನ ಬ್ರ್ಯಾಂಡ್​ನೇಮ್​ ಅವಿಗಾನ್​ ಹೆಸರಿನಲ್ಲಿ ಫವಿಪಿರಾವಿರ್​ ಔಷಧವನ್ನು ಮಾರುಕಟ್ಟೆ ಬಿಡುಗಡೆ ಮಾಡುತ್ತಿರುವುದಾಗಿಯೂ ಕಂಪನಿ ಹೇಳಿಕೊಂಡಿದೆ. ಅವಿಗಾನ್​ ಅನ್ನು ಫ್ಲ್ಯೂ ಚಿಕಿತ್ಸೆಯಲ್ಲಿ ಬಳಸುವುದಕ್ಕಾಗಿ 2014ರಲ್ಲಿ ಅನುಮತಿ ದೊರೆತಿತ್ತು.

https://www.vijayavani.net/congrats-to-our-corona-warriors-team-karnataka-applauded-cm-bsy/