ಆದರೇನು ಮಾಡುವುದು? ಆತ ಇಲ್ಲಿ ಬರುವಂತಿಲ್ಲ, ಈಕೆ ಅಲ್ಲಿಗೆ ಹೋಗುವಂತಿಲ್ಲ! ಅಷ್ಟೇ ಅಲ್ಲ... ಇವರ ಬಹುತೇಕ ಸಂಬಂಧಿಕರು ಇದ್ದುದು ದುಬೈ, ಕೆನಡಾ, ಆಸ್ಟ್ರೇಲಿಯಾದಲ್ಲಿ! ಅವರಂತೂ ಈಗ ಬರುವುದು ಅಸಾಧ್ಯವೇ ಸರಿ. ಆದ್ದರಿಂದ ಕೊನೆಗೆ ಎರಡೂ ಮನೆಯವರು ಫೋನ್ ಮೂಲಕವೇ ಚರ್ಚಿಸಿ ಒಂದು ನಿರ್ಧಾರಕ್ಕೆ ಬಂದೇ ಬಿಟ್ಟರು. ಅದೇ ವೀಡಿಯೋ ಮದುವೆ. ವೀಡಿಯೋ ಕಾಲಿಂಗ್ ಆ್ಯಪ್ ಇನ್ಸ್ಟಾಲ್ ಮಾಡಿಕೊಂಡ ವಧು-ವರರು ಮದುವೆಯಾದರು. ಕುತೂಹಲದ ಸಂಗತಿಯೆಂದರೆ ಇದೇ ಆ್ಯಪ್ ಮೂಲಕವೇ ವಿದೇಶಿ ಬಂಧುಗಳೂ ಮದುವೆಗೆ ಸಾಕ್ಷಿಯಾಗಿ ಶುಭ ಹಾರೈಸಿದರು. ಮದುವೆಯ ನಂತರ ಬಂಧುಗಳೆಲ್ಲಾ ತಮ್ತಮ್ಮ ಜಾಗದಿಂದಲೇ ನೃತ್ಯವನ್ನೂ ಮಾಡಿದರು. ಒಟ್ಟಿನಲ್ಲಿ ಮದುವೆಯು ಶಾಸ್ತ್ರೋಕ್ತವಾಗಿ ನಡೆಯಿತು!
