ಬಾರ್​ ಸೋಪ್​ ಸಹಾಯದಿಂದ 220 ಟನ್​ ತೂಕದ ಬೃಹತ್​ ಹೋಟೆಲ್ ಬೇರೆ ಸ್ಥಳಕ್ಕೆ ಶಿಫ್ಟ್​! ವಿಡಿಯೋ ವೈರಲ್​

ಒಟವಾ: ಸೋಪುಗಳ ಸಹಾಯದಿಂದ ಒಂದು ದೊಡ್ಡ ಕಟ್ಟಡವನ್ನೇ ಸ್ಥಳಾಂತರ ಮಾಡಲಾಯಿತು ಎಂದರೆ ನೀವು ನಂಬುತ್ತೀರಾ? ಈ ಮಾತನ್ನ ಯಾರೂ ಕೂಡ ನಂಬುವುದಿಲ್ಲ. ಕೇಳಲು ಇದು ತುಂಬಾ ವಿಚಿತ್ರ ಎನಿಸಿದರೂ ಇದು ನಡೆದಿರುವುದಂತೂ ಸತ್ಯ.

ಹೌದು, ಕೆನಡಾದ ನೋವಾ ಸ್ಕಾಟಿಯಾ ಪ್ರಾಂತ್ಯದ ಹಲಿಫಾಕ್ಸ್​ನಲ್ಲಿರುವ 220 ಟನ್​ ತೂಕದ ಬೃಹತ್​ ಹೋಟೆಲ್​ ಅನ್ನು 700 ಬಾರ್​ ಸೋಪ್​ಗಳ ಸಹಾಯದಿಂದ ಯಶಸ್ವಿಯಾಗಿ ಸ್ಥಳಾಂತರ ಮಾಡಲಾಗಿದೆ.

ಎಲ್ಮ್​ವುಡ್ ಹೋಟೆಲ್​​ ಕಟ್ಟಡನ್ನು 1826ರಲ್ಲಿ ನಿರ್ಮಿಸಲಾದ ಐತಿಹಾಸಿಕ ವಿಕ್ಟೋರಿಯನ್ ರತ್ನವೆಂದು ಪರಿಗಣಿಸಲಾಗಿದೆ. 2018ರಲ್ಲಿ ಈ ಹೋಟೆಲ್ ಅನ್ನು ಕೆಡವಲು ನಿರ್ಧರಿಸಲಾಗಿತ್ತು. ಆದರೆ, ಗ್ಯಾಲಕ್ಸಿ ಪ್ರಾಪರ್ಟೀಸ್ ಹೆಸರಿನ ರಿಯಲ್​ ಎಸ್ಟೇಟ್​ ಕಂಪನಿ​ ಈ ಕಟ್ಟಡವನ್ನು ಖರೀದಿಸಿ, ಅದನ್ನು ಕೆಡುವುದರ ಬದಲು ಬೇರೆ ಸ್ಥಳಕ್ಕೆ ಸ್ಥಳಾಂತರ ಮಾಡಿದೆ. ಆದರೆ, ಇದರ ಹಿಂದೆ ಬಹುದೊಡ್ಡ ಸವಾಲಿತ್ತು. ಎಸ್​ ರಸ್ಥನ್​ ಕನ್​ಸ್ಟ್ರಕ್ಸನ್​ ತಂಡ ಸ್ಥಳಾಂತರ ಮಾಡುವ ಜವಾಬ್ದಾರಿ ಹೊತ್ತು, ಅದರಲ್ಲಿ ಯಶಸ್ಸು ಕೂಡ ಸಾಧಿಸಿದೆ.

ಕನ್​ಸ್ಟ್ರಕ್ಸನ್​ ತಂಡವು ಸುಮಾರು 700 ಬಾರ್​ ಸೋಪ್​ಗಳನ್ನು ಬಳಸಿ ಸ್ಥಳಾಂತರ ಮಾಡಿದೆ. ಮೃಧುವಾದ ಬಾರ್​ ಸೋಪ್​ಗಳು ವಿನೂತನ ಪರಿಹಾರವಾಗಿ ಕಾರ್ಯ ನಿರ್ವಹಿಸಿದ್ದು, ಬೃಹತ್​ ಗಾತ್ರದ ಎಲ್ಮ್​ವುಡ್​ ಹೋಟೆಲ್​ ಕಟ್ಟಡ ಹೊಸ ಜಾಗಕ್ಕೆ ಸರಾಗವಾಗಿ ಜಾರಿದೆ. ಇದೀಗ ಈ ವಿಕ್ಟೋರಿಯನ್ ನಿಧಿಯನ್ನು ಸಂರಕ್ಷಣೆ ಮಾಡಲಾಗಿದ್ದು, ರಸ್ಥನ್​ ಕನ್​ಸ್ಟ್ರಕ್ಸನ್​ ತಂಡದ ಸಾಧನೆಗೆ ಭಾರಿ ಮೆಚ್ಚುಗೆ ವ್ಯಕ್ತವಾಗಿದೆ.

ಕಟ್ಟಡವನ್ನು ಸ್ಥಳಾಂತರ ಮಾಡುವ ಸಂಪೂರ್ಣ ಪ್ರಕ್ರಿಯೆ ಕ್ಯಾಮೆರಾದಲ್ಲಿ ಸೆರೆಯಾಗಿದ್ದು, ಅದರ ವಿಡಿಯೋವನ್ನು ಈ ಕೆಳಗಿನ ಫೇಸ್​ಬುಕ್​ ಪೇಜ್​ನಲ್ಲಿ ಕಾಣಬಹುದಾಗಿದೆ. (ಏಜೆನ್ಸೀಸ್​)

https://www.vijayavani.net/date-fixed-for-yuvanidhi-programee-launch

https://www.vijayavani.net/seamers-harshal-patel-and-shardul-thakur-along-with-veteran-pacer-umesh-yadav-are-the-three-indian-capped-players-who-are-in-the-highest-base-price-bracket-of-rs-2-crore-with-333-players-vying-for-77