ವಿವಿಧ ಕಾರಣಗಳಿಂದ ಅನ್ಯ ಧರ್ಮಕ್ಕೆ ಮತಾಂತರವಾಗಿದ್ದ ವಾಲ್ಮೀಕಿ ಸಮಾಜದ 20 ಕುಟುಂಬಗಳ 100ಕ್ಕೂ ಅಧಿಕ ಮಂದಿ ಇದೀಗ ಹಿಂದು ಧರ್ಮವನ್ನು ಸ್ವೀಕಾರ ಮಾಡಿದ್ದಾರೆ. ಸ್ಥಳೀಯ ಶಾಸಕಿ ಮಿನಾಕ್ಷಿ ಸಿಂಗ್ ಸಹಕಾರದೊಂದಿಗೆ ವಿಶ್ವ ಹಿಂದು ಪರಿಷತ್ ಆಯೋಜಿಸಿದ್ದ ‘ಘರ್ ವಾಪ್ಸಿ’ ಕಾರ್ಯಕ್ರಮದ ಮೂಲಕ ಮೂಲ ಧರ್ಮವನ್ನು ಸ್ವೀಕರಿಸುವಂತಾಗಿದೆ.
ಇನ್ನು ಮುಂದೆ ಶ್ರೀರಾಮ, ಶ್ರೀಕೃಷ್ಣ ಮತ್ತು ಸನಾತನ ದೇವರು, ದೇವತೆಗಳಿಗೆ ಪ್ರಾರ್ಥಿಸುವುದಾಗಿ ಪ್ರತಿಜ್ಞೆ ಮಾಡಿದ್ದಾರೆ ಎಲ್ಲರೂ ಮತ್ತೆ ಹಿಂದು ಧರ್ಮಕ್ಕೆ ಮತಾಂತರವಾಗಿದ್ದಾರೆ. ಹಿಂದು ಧರ್ಮಕ್ಕೆ ಮರಳಿದ ಜನರನ್ನು ನಾವು ಸ್ವಾಗತಿಸುತ್ತಿದ್ದೇವೆ ಎಂದು ರಾಷ್ಟ್ರೀಯ ಚೇತನಾ ಮಿಷನ್ ಅಧ್ಯಕ್ಷ ಹೇಮಂತ್ ಸಿಂಗ್ ಹೇಳಿದ್ದಾರೆ.
