ಟೆಕ್ ಸಿಟಿ ಅಲ್ಲ, ಟ್ಯಾಂಕರ್ ಸಿಟಿ: ನಾಡಪ್ರಭು ಕೆಂಪೇಗೌಡರ ದೂರದೃಷ್ಟಿಯಿಂದ ಪ್ರೇರಣೆ ಪಡೆದು, ಬೆಂಗಳೂರು ಟೆಕ್ ಸಿಟಿ ಮಾಡಲು ನಾವು ಪ್ರಯತ್ನಿಸಿದರೆ, ಕಾಂಗ್ರೆಸ್ ಸರ್ಕಾರ 11 ತಿಂಗಳಲ್ಲಿ ಹಾಳುಗೆಡವಿದೆ. ಬೆಂಗಳೂರು ಟೆಕ್ ಸಿಟಿ ಹೋಗಿ, ಟ್ಯಾಂಕರ್ ಸಿಟಿಯಾಗಿದೆ. ವಾಟರ್ ಮಾಫಿಯಾ ತಲೆ ಎತ್ತಿದೆ ಎಂದು ಚಾಟಿ ಬೀಸಿದರು. ಅಭಿವೃದ್ಧಿ ಕಾರ್ಯಗಳು ಸ್ಥಗಿತವಾಗಿ ಭ್ರಷ್ಟಾಚಾರದೆಡೆ ಅಧಿಕಾರ ಕೇಂದ್ರಿತವಾಗಿದೆ. ಇಂತಹ ದುರವಸ್ಥೆ ಮಧ್ಯೆಯೂ ಕೇಂದ್ರ ಸರ್ಕಾರದ ಅಭಿವೃದ್ಧಿ ಯೋಜನೆಗಳು ನಿರಂತರವಾಗಿ ಸಾಗಿವೆ. ಬೆಂಗಳೂರಿಗೆ ಬುಲೆಟ್ ಟ್ರೖೆನ್ ಬರಲಿದೆ. ಮೆಟ್ರೋ ಹಳದಿ ಮಾರ್ಗದಲ್ಲಿ ಕಾರ್ಯಾಚರಣೆ ಶೀಘ್ರವೇ ಆರಂಭವಾಗಲಿದೆ. ಉಪನಗರ ಹೊರ ವರ್ತಲ ಹೆದ್ದಾರಿ ನಿರ್ಮಾಣ ಪ್ರಗತಿಯಲ್ಲಿದ್ದು, ಉಪನಗರ ರೈಲ್ವೆ ಮಾರ್ಗ ನಿರ್ಮಾಣ ಕಾಮಗಾರಿ ವೇಗ ಪಡೆದುಕೊಂಡಿದೆ. ಬೆಂಗಳೂರಿನ ಯುವಶಕ್ತಿ, ಪ್ರತಿಭಾ ಸಂಪತ್ತು ಬಳಸಿಕೊಂಡು ಉದ್ಯೋಗ ಸೃಷ್ಟಿಸಲಾಗುತ್ತಿದೆ. ಎಐ, ಡಿಜಟೀಕರಣಕ್ಕೆ ಒತ್ತು ನೀಡಲಾಗಿದೆ. ಎಚ್ಎಎಲ್ ಅತಿದೊಡ್ಡ ಹೆಲಿಕಾಪ್ಟರ್ ತಯಾರಿಸುವ ಘಟಕ ಹೊಂದಿದೆ. ವಿಮಾನಗಳು ದೇಶದಲ್ಲಿಯೇ ತಯಾರಾಗಬೇಕೆಂಬ ಕನಸು ಬೆಂಗಳೂರು ನನಸು ಮಾಡುವ ಸಾಮರ್ಥ್ಯ ಪಡೆಯಲಿದೆ ಎಂದು ಮೋದಿ ಭರವಸೆ ನೀಡಿದರು.
