ನಾನೇ ಹೀರೋಯಿನ್ ಆಗ್ತೀನಿ! ದೇವರಕೊಂಡ ಚಿತ್ರಕ್ಕೆ ನಾಯಕಿ ಆಗ್ತರಂತೆ ಗಂಗವ್ವ

ಆಂಧ್ರಪ್ರದೇಶ: 'ಅರ್ಜುನ್ ರೆಡ್ಡಿ' ಸಿನಿಮಾದ ಮೂಲಕ ಟಾಲಿವುಡ್​ನ ಸೆನ್ಸೇಷನ್​ ನಟ ಎಂಬ ಪಟ್ಟ ಪಡೆದ ಸ್ಟಾರ್​ ಹೀರೋ ವಿಜಯ್ ದೇವರಕೊಂಡ ಸದ್ಯ ಹೊಸ ಹೊಸ ಪ್ರಾಜೆಕ್ಟ್​ಗಳಲ್ಲಿ ತಮ್ಮನ್ನು ತಾವು ತೊಡಗಿಸಿಕೊಳ್ಳುವಲ್ಲಿ ನಿರತರಾಗಿದ್ದಾರೆ. ಇನ್ನು ಈ ಮಧ್ಯೆ ತಮ್ಮ ಮುಂಬರುವ ಫ್ಯಾಮಿಲಿ ಸ್ಟಾರ್​ ಸಿನಿಮಾದ ರಿಲೀಸ್ ಕೆಲಸದಲ್ಲಿ ಸಕ್ರಿಯರಾಗಿರುವ ವಿಜಯ್​ ಇತ್ತೀಚೆಗೆ ನಡೆದ ಖಾಸಗಿ ಕಾರ್ಯಕ್ರಮವೊಂದರಲ್ಲಿ ಭಾಗಿಯಾಗಿದ್ದರು.

ಇದನ್ನೂ ಓದಿ: ಐಪಿಎಲ್​ ಟೂರ್ನಿ ನಡುವೆಯೇ ಫ್ರಾಂಚೈಸಿ ಮಾಲೀಕರ ಸಭೆ ಕರೆದ ಬಿಸಿಸಿಐ

ಸೀತಾರಾಮಂ ನಟಿ ಮೃಣಾಲ್ ಠಾಕೂರ್​ ಮತ್ತು ವಿಜಯ್ ದೇವರಕೊಂಡ ಮುಖ್ಯಭೂಮಿಕೆಯಲ್ಲಿರುವ 'ಫ್ಯಾಮಿಲಿ ಸ್ಟಾರ್' ಚಿತ್ರವನ್ನು ಪರಶುರಾಮ್ ನಿರ್ದೇಶಿಸಿದ್ದು, ದಿಲ್ ರಾಜು ನಿರ್ಮಾಣ ಮಾಡಿದ್ದಾರೆ. ಇದೊಂದು ಕಂಪ್ಲೀಟ್​ ಫ್ಯಾಮಿಲಿ ಎಂಟರ್‌ಟೈನರ್, ಮಾಸ್, ಕುಟುಂಬ ಹಾಗೂ ಮಕ್ಕಳ ಸಮೇತ ನೋಡುವಂತ ಒಂದೊಳ್ಳೆ ಚಿತ್ರ. ಪ್ರತಿಯೊಬ್ಬರೂ ಈ ಚಿತ್ರವನ್ನು ಎಂಜಾಯ್ ಮಾಡ್ತಾರೆ ಎಂದು ಹೇಳಿದ್ದಾರೆ. ಇದೇ ಏಪ್ರಿಲ್​ 05ರಂದು ಸಿನಿಮಾ ಬಹುತೇಕ ಚಿತ್ರಮಂದಿರಗಳಲ್ಲಿ ತೆರೆಕಾಣಲಿದೆ.

ಇನ್ನು ಚಿತ್ರದ ಪ್ರಚಾರ ಕೆಲಸಗಳಲ್ಲಿ ಬ್ಯುಸಿಯಾಗಿರುವ ವಿಜಯ್ ದೇವರಕೊಂಡ, ಇತ್ತೀಚೆಗೆ ನಡೆದ ಒಂದು ಖಾಸಗಿ ಕಾರ್ಯಕ್ರಮಕ್ಕೆ ಅತಿಥಿಯಾಗಿ ಹೋಗಿದ್ದರು. ಈ ವೇಳೆ ನಿರೂಪಕಿ ಸುಮಾ ವೇದಿಕೆಯ ಮೇಲೆ ಉಪಸ್ಥಿತರಿದ್ದವರೊಂದಿಗೆ ತಮಾಷೆ ಮಾಡುತ್ತಿದ್ದರು. ಹೀಗೆ ಮಾತನಾಡಿಸುವಾಗ ಮೆಗಾಸ್ಟಾರ್​ ಚಿರಂಜೀವಿ ಮತ್ತು ರಾಮ್​ಚರಣ್​ ಅಭಿನಯಿಸುತ್ತಿರುವ ಚಿತ್ರದಲ್ಲಿ ಪುಟ್ಟ ಪಾತ್ರವನ್ನು ನಿರ್ವಹಿಸುತ್ತಿರುವ ಗಂಗವ್ವ ಎಂಬ ವೃದ್ಧೆಗೆ ಒಂದು ಪ್ರಶ್ನೆಯನ್ನು ಕೇಳಲಾಯಿತು.

ಇದನ್ನೂ ಓದಿ: ಶೃಂಗೇರಿ ಮಠಕ್ಕೆ ಭೇಟಿ ನೀಡಿ ಶ್ರೀಗಳ ಆಶೀರ್ವಾದ ಪಡೆದ ಶೋಭಾ ಕರಂದ್ಲಾಜೆ

ನಾಯಕಿಯಾಗಿ ನಿಮಗೆ ಅವಕಾಶ ಸಿಕ್ಕರೆ ಯಾರೊಂದಿಗೆ ನಟಿಸಲು ಇಚ್ಛಿಸುತ್ತೀರಾ ಎಂದು ಕೇಳಲಾಯಿತು. ಇದಕ್ಕೆ ಉತ್ತರಿಸಿದ ಗಂಗವ್ವ, ನಾನು ವಿಜಯ್​ ದೇವರಕೊಂಡ ಜತೆ ನಟಿಸುತ್ತೀನಿ. ಅವರಿಗೆ ಹೀರೋಯಿನ್ ಆಗ್ತೀನಿ ಎಂದು ಹೇಳಿದರು. ಗಂಗವ್ವ ಮಾತಿಗೆ ಫಿದಾ ಆದ ದೇವರಕೊಂಡ ಅಜ್ಜಿಗೆ ಫ್ಲೈಯಿಂಗ್ ಕಿಸ್ ಕೊಟ್ಟರು. ಸದ್ಯ ಈ ವಿಡಿಯೋ ನೋಡುಗರ ಗಮನಸೆಳೆದಿದ್ದು, ವಿಜಯ್ ಅಭಿಮಾನಿಗಳ ಸಂತಸಕ್ಕೆ ಕಾರಣವಾಗಿದೆ.

https://www.vijayavani.net/ravishastri-speaks-about-hardik-captaincy

https://www.vijayavani.net/if-you-visit-this-hotel-they-will-make-you-cry