ಈಗಾಗಲೇ ನಡೆದಿರುವ ಅಪರೇಷನ್ ಎಲಿಫೆಂಟಾದಿಂದಲೂ ಚಿರತೆ ಪತ್ತೆ ಸಾಧ್ಯವಾಗಿಲ್ಲ. ಸಕ್ರೆಬೈಲ್ನಿಂದ ಬಂದ ಆನೆಗಳು ಸುಸ್ತಾಗಿದ್ದು, ಇಲ್ಲಿನ ವಾತಾವರಣಕ್ಕೂ ಒಗ್ಗಿಕೊಳ್ಳುತ್ತಿಲ್ಲ. ಸಮಾಧಾನಕ್ಕಾಗಿ ಕಾರ್ಯಾಚರಣೆ ಮುಂದುವರಿದಿದೆ. ನಾಲ್ಕು ದಿನವಾದರೂ ಚಿರತೆ ಚಲನವಲನದ ಮಾಹಿತಿ ಸಿಕ್ಕಿಲ್ಲ. ಹೀಗಾಗಿ ಅರಣ್ಯ ಮತ್ತು ಸಾಮಾಜಿಕ ಅರಣ್ಯ ವ್ಯಾಪ್ತಿಯ 20 ಸಿಬ್ಬಂದಿ ಒಳಗೊಂಡ ತಂಡ ಈಟಿ, ಕುಡಗೋಲು, ಕಾರ್ಟೆಜ್ ತುಂಬಿ ಡಬಲ್ಬ್ಯಾರೆಲ್ ಬಂದೂಕಿನೊಂದಿಗೆ ಕಾಡಿನೊಳಗೆ ಸೈನ್ಸರ್ವೇ ಮಾಡುತ್ತಿದೆ. ಚಿರತೆ ಹೆಜ್ಜೆ ಗುರುತು, ಲದ್ದಿ ಪತ್ತೆ ಹಚ್ಚಿರುವ ತಂಡವು ಚಿರತೆ ಇರುವ ಬಗ್ಗೆ ಖಚಿತ ಪಡಿಸಿದೆ. ಚಿರತೆ ಮತ್ತು ಅದರ ಮರಿಯ ಹೆಜ್ಜೆ ಗುರುತು ವಿರುಪಾಪುರ ಗಡ್ಡಿ, ಕರಿಯಮ್ಮನಗಡ್ಡಿ ಬಳಿ ಪತ್ತೆ ಹಚ್ಚಿದೆ. ಸಂಗಾಪುರ, ಬಸವನದುರ್ಗ ನಡುವಿನ ಬೆಟ್ಟದಲ್ಲಿ ಗರ್ಜಿಸುತ್ತಿರುವ ಚಿರತೆ ಮಾಹಿತಿ ಕಲೆ ಹಾಕಿದೆ.
