ಕರೊನಾ ಡೆಲ್ಟಾ ಬಳಿಕ ಈಗ ಗಾಮಾ ಆತಂಕ: ಹರಡಲಾರಂಭಿಸಿದೆ ಹೊಸ ವೇರಿಯಂಟ್​

ನವದೆಹಲಿ: ಸದ್ಯ ಕರೊನಾ ಡೆಲ್ಟಾ ಎಲ್ಲೆಡೆ ಆತಂಕ ಸೃಷ್ಟಿಸಿರುವ ಬೆನ್ನಿಗೆ ಕೋವಿಡ್ ವೈರಸ್​ನ ಮತ್ತೊಂದು ವೇರಿಯಂಟ್ ಈಗ ಕರೊನಾ ಭೀತಿಯನ್ನು ಇನ್ನಷ್ಟು ಹೆಚ್ಚಿಸಿದೆ. ಹೊಸದಾಗಿ ಕಂಡು ಬಂದಿರುವ ಗಾಮಾ ವೇರಿಯಂಟ್ ವ್ಯಾಪಿಸಲಾರಂಭಿಸಿರುವುದೇ ಈ ಭೀತಿಗೆ ಕಾರಣ.

ರಷ್ಯಾದಲ್ಲಿ ಈಗಾಗಲೇ ಡೆಲ್ಟಾ ವ್ಯಾಪಿಸಿದ್ದು, ಈಗ ಅಲ್ಲಲ್ಲಿ ಗಾಮಾ ವೇರಿಯಂಟ್ ಕೂಡ ಕಂಡುಬರಲಾರಂಭಿಸಿದೆ ಎಂಬುದನ್ನು ಸ್ಥಳೀಯ ಮಾಧ್ಯಮವೊಂದು ವರದಿ ಮಾಡಿದೆ. ರಷ್ಯಾದಲ್ಲಿ ಕೋವಿಡ್ ಕೇಸ್​ ಹೆಚ್ಚಾಗುತ್ತಿರುವ ಬೆನ್ನಿಗೇ ಹೊಸ ವೇರಿಯಂಟ್ ಪತ್ತೆ ಆತಂಕ ಮೂಡಿಸಿದೆ.

ಈ ಗಾಮಾ ವೇರಿಯಂಟ್ ಮೊದಲಿಗೆ ಬ್ರೆಜಿಲ್​ನಲ್ಲಿ ಕಾಣಿಸಿಕೊಂಡಿತ್ತು. ಅದು ಈಗ ರಷ್ಯಾದ ಹಲವೆಡೆ ಕಾಣಿಸಿಕೊಂಡು ವ್ಯಾಪಿಸುತ್ತಿದೆ. ಮುಂದೆ ಇದು ಇತರ ದೇಶಗಳಲ್ಲೂ ಕಾಣಿಸಿಕೊಂಡೀತು. ಅಲ್ಲದೆ ಇವರು ಬೇಗ ಹರಡುವ ಜೊತೆಗೆ ಪ್ರತಿಕಾಯಗಳ ಪರಿಣಾಮವನ್ನು ತಗ್ಗಿಸುವ ಸಾಮರ್ಥ್ಯವನ್ನೂ ಹೊಂದಿವೆ ಎನ್ನಲಾಗಿರುವುದರಿಂದ ಆತಂಕ ಕೂಡ ಕಾಡುತ್ತಿದೆ. (ಏಜೆನ್ಸೀಸ್)

https://www.vijayavani.net/man-celebrates-pet-canines-death-anniversary-by-erecting-statue/

https://www.vijayavani.net/after-covid-many-side-effects-by-steroids/

https://www.vijayavani.net/child-marriage-at-kodagu-with-a-30-year-old-person/