'ಗದರ್​ 2'ಗೆ ಸಂಕಷ್ಟ!; ಸನ್ನಿ ಡಿಯೋಲ್​ ಚಿತ್ರಕ್ಕೆ​ ಟಕ್ಕರ್​ ಕೊಟ್ಟ 'ಜವಾನ್'

ಮುಂಬೈ: ಆಗಸ್ಟ್ 11 ರಂದು ದೇಶಾದ್ಯಂತ ಬಹುತೇಕ ಚಿತ್ರಮಂದಿರಗಳಲ್ಲಿ ಮಾಸ್, ಆಕ್ಷನ್ ಚಿತ್ರ 'ಗದರ್ 2' ಬಾಕ್ಸ್​ ಆಫೀಸ್​ನಲ್ಲಿ ಭರ್ಜರಿ ಗಳಿಕೆ ಕಾಣುವ ಮೂಲಕ ಸೂಪರ್​ಸ್ಟಾರ್​ ರಜನಿಕಾಂತ್​ ಅಭಿನಯದ 'ಜೈಲರ್'​ ಚಿತ್ರದೊಂದಿಗೆ ಭಾರೀ ಪೈಪೋಟಿ ನೀಡಿತ್ತು.

ಇದನ್ನೂ ಓದಿ: ಕಾಂಗ್ರೆಸ್ ನಿಂದ ಕತ್ತಲೆ ಭಾಗ್ಯ ಆರನೇ ಗ್ಯಾರಂಟಿ – ಗೋವಿಂದ ಕಾರಜೋಳ ಟೀಕೆ -ಇಂದು ರಾಜ್ಯವ್ಯಾಪಿ ಪ್ರತಿಭಟನೆ

ಇದರೊಟ್ಟಿಗೆ ಬಾಲಿವುಡ್​ ಸೇರಿದಂತೆ ಕೆಲ ಸಿನಿಮಾಗಳ ಹಿಂದಿನ ದಾಖಲೆಗಳನ್ನು ಮುರಿದು ಹೊಸ ರೆಕಾರ್ಡ್​ ನಿರ್ಮಿಸಿತ್ತು. ಆದ್ರೆ, ಇದೀಗ 'ಜವಾನ್​' ರಿಲೀಸ್​ನಿಂದ 'ಗದರ್​ 2' ಕಲೆಕ್ಷನ್​ಗೆ ಭಾರೀ ಹೊಡೆತ ಬಿದ್ದಂತಾಗಿದೆ.

ಈ ಹಿಂದೆ ಬಾಲಿವುಡ್​ ಅಂಗಳದಲ್ಲಿ ಕಿಂಗ್ ಖಾನ್‌ ನಟನೆಯ 'ಪಠಾಣ್'​ ಚಿತ್ರವು ಬಾಕ್ಸ್​ ಆಫೀಸ್​ನಲ್ಲಿ 500 ಕೋಟಿ ರೂ. ಮೊತ್ತವನ್ನು ವೇಗವಾಗಿ ಗಳಿಸಿದ ಹಿಂದಿ ಚಲನಚಿತ್ರ ಎಂಬ ಹೆಗ್ಗಳಿಕೆ ಪಾತ್ರವಾಗಿತ್ತು. ಈ ಮೂಲಕ ದಾಖಲೆಯನ್ನು ನಿರ್ಮಿಸಿತ್ತು. ಆದ್ರೆ, ಇತ್ತೀಚೆಗಷ್ಟೇ ಸನ್ನಿ ಡಿಯೋಲ್ ಅಭಿನಯದ 'ಗದರ್​ 2 ಈ ರೆಕಾರ್ಡ್​ ಅನ್ನು ಹಿಂದಿಕ್ಕುವಲ್ಲಿ ಮುಂಚೂಣಿಯಲ್ಲಿದೆ.

ಇದನ್ನೂ ಓದಿ: ವಿಶ್ವಕಪ್​ಗೆ ಮುನ್ನ ವಿಶ್ವ ನಂ. 1 ಪಟ್ಟಕ್ಕೆ ತ್ರಿಕೋನ ಸ್ಪರ್ಧೆ; ರೇಸ್​ನಲ್ಲಿವೆ ಭಾರತ, ಪಾಕ್​, ಆಸೀಸ್​

ಪಠಾಣ್ ಗಳಿಕೆಯನ್ನು ಮುರಿದ 'ಗದರ್ 2' ಇಂದು 510 ಕೋಟಿ ರೂ. ಗಳಿಕೆಯನ್ನು ಕಂಡಿದ್ದು, ಇಂದಿಗೂ ಚಿತ್ರಮಂದಿರಗಳಲ್ಲಿ ಉತ್ತಮ ಪ್ರದರ್ಶನ ನೋಡುತ್ತಿದೆ. ಈ ಚಿತ್ರಕ್ಕೆ ಶಾರೂಖ್​ ನಟನೆಯ 'ಜವಾನ್'​ ಬಿಡುಗಡೆ ಇದೀಗ ಭಾರೀ ಪೈಪೋಟಿ ನೀಡಿದ್ದು, ಮುಂದಿನ ದಿನಗಳಲ್ಲಿ ಜವಾನ್​ ಗಲ್ಲಾಪೆಟ್ಟಿಗೆಯನ್ನು ಸಂಪೂರ್ಣವಾಗಿ ಆವರಿಸಿಕೊಳ್ಳಲಿದೆ ಎಂದು ನಿರೀಕ್ಷಿಸಲಾಗಿದೆ,(ಏಜೆನ್ಸೀಸ್).

https://www.vijayavani.net/bbmp-made-a-new-decision-to-keep-silicon-city-clean