229 ಕೋಟಿ ರೂಪಾಯಿ ಗಳಿಸಿದ ಸನ್ನಿ ಸಿನಿಮಾ, ಐದೇ ದಿನಕ್ಕೆ ಭರ್ಜರಿ ಕಲೆಕ್ಷನ್​​​

ಯಾವುದೇ ಸಿನಿಮಾ 100 ಕೋಟಿ ರೂಪಾಯಿ ಗಳಿಕೆ ಮಾಡಿತು ಎಂದರೆ ಅದು ನಿಜಕ್ಕೂ ದೊಡ್ಡ ವಿಚಾರವೇ ಸರಿ. ಮೊದಲೆರಡು ದಿನ ಹೌಸ್​​ಫುಲ್​ ಪ್ರದರ್ಶನದ ಬಳಿಕ ಸಿನಿಮಾಗೆ ಹಾಕಿದ ದುಡ್ಡನ್ನೇ ಗಳಿಕೆ ಮಾಡಲು ಒದ್ದಾಡಿದ ಅನೇಕ ಸಿನಿಮಾಗಳಿವೆ. ಆದರೆ, ಸನ್ನಿ ಡಿಯೋಲ್ ನಟನೆಯ ‘ಗದರ್ 2’ ಸಿನಿಮಾ ಹೊರತಾಗಿದೆ.

ಬಿಡುಗಡೆಯಾದ ಐದು ದಿನಗಳಲ್ಲಿ ಈ ಚಿತ್ರ ಬರೋಬ್ಬರಿ 229 ಕೋಟಿ ಕಲೆಕ್ಷನ್​ ಮಾಡಿದೆ. ಸನ್ನಿ ಡಿಯೋಲ್ ವೃತ್ತಿ ಜೀವನದಲ್ಲಿ ಈ ಚಿತ್ರ ಹೊಸ ಮೈಲಿಗಲ್ಲು ಸ್ಥಾಪಿಸಿದೆ.
ಆಗಸ್ಟ್​​ 11 ನೇ ತಾರೀಕಿನಂದು 'ಗದರ್-2' ಸಿನಿಮಾ ರಿಲೀಸ್​​ ಆಗಿದ್ದು, ಶುಕ್ರವಾರದ ಕಲೆಕ್ಷನ್​ 40.10 ಕೋಟಿ. ಶನಿವಾರ 43.08 ಕೋಟಿ ರೂಪಾಯಿ, ಭಾನುವಾರ 51.70 ಕೋಟಿ ರೂಪಾಯಿ, ವಾರದ ದಿನವಾದ ಸೋಮವಾರ 38.70 ಕೋಟಿ ರೂಪಾಯಿ ಗಳಿಸಿತು.

ಆಗಸ್ಟ್ 15ರ ಪ್ರಯುಕ್ತ ಮಂಗಳವಾರ ಈ ಚಿತ್ರ 55.40 ಕೋಟಿ ರೂಪಾಯಿ ಗಳಿಸಿ ಸನ್ನಿ ಡಿಯೋಲ್ ವೃತ್ತಿ ಜೀವನದಲ್ಲಿ ಹೊಸ ಮೈಲಿಗಲ್ಲನ್ನ ಸೃಷ್ಟಿಸಿದೆ.
ರಜಾ ಇರುವುದರಿಂದ ಸಿನಿಮಾಗೆ ಹೆಚ್ಚು ಕಲೆಕ್ಷನ್ ಆಗಿದೆ.

‘ಗದರ್ 2’ ಚಿತ್ರಕ್ಕೆ ಲಾಂಗ್ ವೀಕೆಂಡ್ ಸಹಕಾರಿ ಆಗಿದೆ. ಸಿನಿಮಾ ರಿಲೀಸ್​​ ಆದಾಗಿನಿಂದ 2 ವೀಕೆಂಡ್​​ಗಳ ಬಳಿಕ ಇದೀಗ ಸಿನಿಮಾದ ಗಳಿಕೆ 300 ಕೋಟಿ ರುಪಾಯಿ ದಾಟಿದೆ.

ಭಾರತ ಮತ್ತು ಪಾಕ್​ ನಡುವಿನ ಗಲಾಟೆ ದ್ವೇಷದ ವಿಚಾರವಾಗಿ ‘ಗದರ್ 2’ ಸಿನಿಮಾದಲ್ಲಿ ಹೈಲೈಟ್​​ ಮಾಡಲಾಗಿದೆ. ಸಾಕಷ್ಟು ಆ್ಯಕ್ಷನ್​ ದೃಶ್ಯಗಳು, ಮಾಸ್ ಡೈಲಾಗ್​ ಸಿನಿಮಾದಲ್ಲಿದೆ. ಇದು ಪ್ರೇಕ್ಷಕರಿಗೆ ಇಷ್ಟವಾಗಿದೆ.