‘ಫ್ರೆಂಚ್ ಬಿರಿಯಾನಿ’ ಬಡಿಸಲು ದಾನಿಶ್​ ಸೇಠ್ ರೆಡಿ

ಬೆಂಗಳೂರು: ಪುನೀತ್​ ರಾಜ್​ಕುಮಾರ್ ಒಡೆತನದ ಪಿಆರ್​ಕೆ ಬ್ಯಾನರ್​ನಲ್ಲಿ ಸಿದ್ಧವಾದ ಫ್ರೆಂಚ್​ ಬಿರಿಯಾನಿ ಸಿನಿಮಾ ಓಟಿಟಿಯಲ್ಲಿ ಬಿಡುಗಡೆ ಆಗಲಿದೆ ಎಂಬ ಬಗ್ಗೆ ಗೊತ್ತಿರುವ ವಿಚಾರ, ಇದೀಗ ಇದೇ ಚಿತ್ರದ ಟ್ರೇಲರ್​ ಬಿಡುಗಡೆಗೆ ದಿನಾಂಕ ನಿಗದಿಯಾಗಿದೆ. ಕಳೆದ ತಿಂಗಳೇ ಜುಲೈನಲ್ಲಿ ಸಿನಿಮಾ ಬಿಡುಗಡೆ ಆಗಲಿದೆ ಎಂದಿದ್ದ ಪುನೀತ್​, ಇದೀಗ ಟ್ರೇಲರ್​ ಬಿಡುಗಡೆ ಬಗ್ಗೆಯೂ ಮಾಹಿತಿ ಹಂಚಿಕೊಂಡಿದ್ದಾರೆ.

ಇದನ್ನೂ ಓದಿ: ಸುಶಾಂತ್​ ಇಲ್ಲದ 30 ದಿನ; ಭಾವುಕ ಪತ್ರ ಬರೆದ ಪ್ರೇಯಸಿ ರಿಯಾ ಚಕ್ರವರ್ತಿ

ದಾನಿಶ್​ ಸೇಠ್​ ಮುಖ್ಯಭೂಮಿಕೆಯಲ್ಲಿ ನಟಿಸಿರುವ ಫ್ರೆಂಚ್​ ಬಿರಿಯಾನಿ ಕಾಮಿಡಿ ಕಥಾಹಂದರವುಳ್ಳ ಸಿನಿಮಾ. ಇದೀಗ ಇದೇ ಚಿತ್ರದ ಟ್ರೇಲರ್​ ಜು. 16ರಂದು ಬಿಡುಗಡೆ ಆಗಲಿದೆ. ಜು. 24ಕ್ಕೆ ಅಮೆಜಾನ್​ ಪ್ರೈಂನಲ್ಲಿ ಸಿನಿಮಾ ರಿಲೀಸ್ ಆಗಲಿದೆ. ಪನ್ನಗಾ ಭರಣ ನಿರ್ದೇಶನದಲ್ಲಿ ಚಿತ್ರ ಸಿದ್ಧವಾಗಿದೆ.

ಇದನ್ನೂ ಓದಿ: ಶೆಹನ್ಶಾ ದೇಗುಲದಲ್ಲಿ ನಡೆಯುತ್ತಿದೆ ಯಜ್ಞ; ಬಚ್ಚನ್​ ಕುಟುಂಬದ ಚೇತರಿಕೆಗಾಗಿ ನಾನ್​ಸ್ಟಾಪ್​ ಹೋಮ

ಗುರುದತ್​ ಎ ತಲ್ವಾರ್ ಎಂಬುವವರು ಚಿತ್ರದ ನಿರ್ಮಾಣದಲ್ಲಿ ಸಾಥ್​ ನೀಡಿದ್ದು, ವಾಸುಕಿ ವೈಭವ್​ ಸಂಗೀತ ನೀಡಿದ್ದಾರೆ. ಅವಿನಾಶ್​ ಬಳೆಕ್ಕಲ್ಲ ಚಿತ್ರಕ್ಕೆ ಕಥೆ ಬರೆದಿದ್ದಾರೆ. ಕಾರ್ತಿಕ್​ ಛಾಯಾಗ್ರಹಣ ನಿಭಾಯಿಸಿದ್ದಾರೆ. ದಿಶಾ ಮದನ್​, ನಾಗಭೂಷಣ್​, ಶ್ರೀನಿವಾಸಮೂರ್ತಿ, ರಂಗಾಯಣ ರಘು ಮುಖ್ಯಭೂಮಿಕೆ ನಿಭಾಯಿಸಿದ್ದಾರೆ.

https://www.vijayavani.net/naya-riveras-body-has-been-found-at-lake-piru/