ಸಂಭಾಲ್​ ಗಲಭೆಯಲ್ಲಿ ನಾಲ್ವರು ಬಲಿ.. ಇದು ದಾಳಿಯಲ್ಲ ಕೊಲೆ; Asaduddin Owaisi

ನವದೆಹಲಿ: ಉತ್ತರ ಪ್ರದೇಶದ ಸಂಭಾಲ್​ನಲ್ಲಿ ಮಸೀದಿ ಸರ್ವೇಗೆ ಸಂಬಂಧಿಸಿದ ಗಲಭೆಯಲ್ಲಿ ಪೊಲೀಸರು ಭಾನುವಾರ ನಡೆಸಿದ ಗುಂಡಿನ ದಾಳಿಯಲ್ಲಿ ನಾಲ್ವರು ಮೃತಪಟ್ಟಿದ್ದಾರೆ. ಇದೇ ವಿಷಯದ ಬಗ್ಗೆ ಮಾತನಾಡಿರುವ ಸಂಸದ ಅಸಾದುದ್ದಿನ್​ ಓವೈಸಿ(Asaduddin Owaisi) ಇದು ದಾಳಿಯಲ್ಲ ಕೊಲೆ ಎಂದು ಹೇಳಿದ್ದಾರೆ.

ಶಾಹಿ ಜಾಮಾ ಮಸೀದಿಯ ಕುರಿತು ಸಮೀಕ್ಷೆಗೆ ಕೋರ್ಟ್​ ನೀಡಿರುವ ಆದೇಶದ ಬಗ್ಗೆ ಮತ್ತು ಪ್ರತಿಭಟನೆಯಲ್ಲಿ ಪೊಲೀಸರ ನಡೆಸಿದ ಗುಂಡಿನ ದಾಳಿ ಬಗ್ಗೆ ಓವೈಸಿ ಕಳವಳ ವ್ಯಕ್ತಪಡಿಸಿದ್ದು, ಸಂತ್ರಸ್ತರು ಪ್ರತಿಭಟನೆ ಮಾಡುತ್ತಿರುವುದು ಸಂವಿಧಾನದ ಆರ್ಟಿಕಲ್​ 19(1) ಅಡಿಯಲ್ಲಿ ಅವರ ಹಕ್ಕು ಎಂದು ಪ್ರತಿಪಾದಿಸಿದ್ದಾರೆ.

ಇದನ್ನೂ ಓದಿ: ನಿಖಿಲ್ ಚುನಾವಣೆಯಲ್ಲಿ ಸೋತಿದ್ದಾನೆ; ಮನುಷ್ಯನಾಗಿ ಸೋತಿಲ್ಲ; ಅನಿತಾ ಕುಮಾರಸ್ವಾಮಿ|Nikhil’s mother made an emotional post

ಸೋಮವಾರ ಸುದ್ದಿಗಾರರ ಜತೆ ಮಾತನಾಡಿರುವ ಅವರು, ''ಸಂಭಾಲ್​ನಲ್ಲಿರುವ ಮಸೀದಿಯು 50-100 ವರ್ಷಗಳು ಹಳೆಯದ್ದು ಅಲ್ಲ. 200-250 ವರ್ಷಗಳು ಹಳೆಯದು. ಕೋರ್ಟ್​ ಮಸೀದಿಯ ಉಸ್ತುವಾರಿಗಳನ್ನು ಕೇಳದೆ, ಸಮೀಕ್ಷೆಗೆ ಆದೇಶ ನೀಡಿದೆ. ಇದು ತಪ್ಪು. ಇಲ್ಲಿ ನಡೆದ ಹಿಂಸಚಾರ ಮತ್ತು ಈ ಘಟನೆಯು ನಾಲ್ವರು ಮುಸ್ಲಿಂ ಯುವಕರನ್ನು ಬಲಿ ತೆದುಕೊಂಡಿದೆ. ಇದು ಬರೀ ದಾಳಿ ಅಲ್ಲ, ಕೊಲೆ ಎಂದು ಹೇಳಿದ್ದಾರೆ.

ಘಟನೆ ಹಿನ್ನೆಲೆ

ಸಂಭಾಲ್​ನ ಜಾಮಾ ಮಸೀದಿ ಈ ಹಿಂದೆ ದೇವಸ್ಥಾನ ಆಗಿತ್ತು. ಇದರ ದೇವಸ್ಥಾನದ ದಾಖಲೆಗಳು ಕೂಡ ಇವೆ, ಹೀಗಾಗಿ, ಸರ್ವೆಗೆ ಆದೇಶ ನೀಡಬೇಕು ಎಂದು ಹಿರಿಯ ವಕೀಲ ವಿಷ್ಣು ಶಂಕರ್ ಜೈನ್ ಜಿಲ್ಲಾ ನ್ಯಾಯಾಲಯದಲ್ಲಿ ಅರ್ಜಿ ಸಲ್ಲಿಸಿದ್ದರು. ಕೋರ್ಟ್​ ಆದೇಶ ನೀಡಿದ ಹಿನ್ನೆಲೆ ಅಧಿಕಾರಿಗಳು ಸಮೀಕ್ಷೆಗೆ ಬಂದಾಗ, ಸರ್ವೇ ಮಾಡಬಾರದು ಎಂದು ಗಲಾಟೆ ಉಂಟಾದ್ದು, ಇದು ತೀವ್ರ ವಿಕೋಪಕ್ಕೆ ತಿರುಗಿದಾಗ ಪೊಲೀಸರು ಗುಂಡಿನ ದಾಳಿ ನಡೆಸಿದ್ದಾರೆ. ಪ್ರಸ್ತುತ ಜಿಲ್ಲಾಡಳಿತ ನಿಷೇಧಾಜ್ಞೆ ಜಾರಿ ಮಾಡಿದೆ, (ಏಜೆನ್ಸೀಸ್​).

https://www.vijayavani.net/bjp-jds-workers-believe-that-only-congress-has-a-future-dk-shivakumar