''ಅಭಿ ಪಿಕ್ಚರ್​ ಬಾಕಿ ಹೈ'' ಎಂದ ಮಾಜಿ ಸೇನಾ ಮುಖ್ಯಸ್ಥ ನವರನೆ: ಭಯೋತ್ಪಾದಕರಿಗೆ ಮುಂದೈತೆ ಮಾರಿಹಬ್ಬ! | Operation Sindhura

Operation Sindhura: ಆಪರೇಷನ್ ಸಿಂಧೂರ ಹೆಸರಿನಲ್ಲಿ ಭಾರತ ಸೇನಾ ಪಡೆಗಳು ಪಾಕಿಸ್ತಾನ ಮತ್ತು ಪಾಕ್ ಆಕ್ರಮಿತ ಕಾಶ್ಮೀರ (ಪಿಒಕೆ) ದಲ್ಲಿನ ಭಯೋತ್ಪಾದಕ ತಾಣಗಳ ಸುಮಾರು 9 ಉಗ್ರಗಾಮಿಗಳ ನೆಲೆಗಳನ್ನು ನಾಶಗೊಳಿಸಿದೆ. ಈ ಕಾರ್ಯಚರಣೆಯಲ್ಲಿ ಅಂದಾಜು 90ಕ್ಕೂ ಅಧಿಕ ಉಗ್ರರರು ಬಲಿಯಾಗಿದ್ದಾರೆ. ಭಾರತ ಮಿಲಿಟರಿ ದಾಳಿ ನಡೆಸಿದ ಕೆಲವೇ ಗಂಟೆಗಳ ನಂತರ, ಭಾರತದ ಮಾಜಿ ಸೇನಾ ಮುಖ್ಯಸ್ಥ ಮನೋಜ್ ಮುಕುಂದ್ ನರವಣೆ ಅವರು ಎಕ್ಸ್​​​ನಲ್ಲಿ ಹಾಕಿದ ಒಂದು ಪೋಸ್ಟ್ ಸಾಕಷ್ಟು ಕುತೂಹಲ ಕೆರಳಿಸಿದೆ. ಭಾರತದಿಂದ ಇನ್ನೂ ದೊಡ್ಡ ದಾಳಿ ನಡೆಯುವ ಸಾಧ್ಯತೆಯನ್ನು ತೆರೆದಿಟ್ಟಿದೆ.

ಇದನ್ನೂ ಓದಿ:ಐಪಿಎಲ್​ ಮೇಲೆ ಪರಿಣಾಮ ಬೀರುತ್ತಾ ಆಪರೇಷನ್ ಸಿಂಧೂರ? ದೆಹಲಿ-ಪಂಜಾಬ್​ ಪಂದ್ಯ ಏನಾಗುತ್ತೆ? ಬಿಸಿಸಿಐ ಹೇಳಿದ್ದೇನು? IPL 2025

ಅಭಿ ಪಿಕ್ಚರ್​ ಬಾಕಿ ಹೈ...

ದಾಳಿ ನಡೆದ ಕೆಲವೇ ಗಂಟೆಗಳ ಬಳಿಕ ಅಭಿ ಪಿಕ್ಚರ್​ ಬಾಕಿ ಹೈ... ಎಂದು ಅವರು X ನಲ್ಲಿ ಪೋಸ್ಟ್ ಮಾಡಿದ್ದಾರೆ. ಇದರ ಅರ್ಥ ಸಿನಿಮಾ ಇನ್ನೂ ಮುಗಿದಿಲ್ಲ..ಎಂದರ್ಥ. ಈ ಮೂಲಕ ಭಾರತದಿಂದ ಇನ್ನೂ ದೊಡ್ಡ ದಾಳಿ ನಡೆಯುವ ಸಾಧ್ಯತೆಯನ್ನು ಬಹಿರಂಗವಾಗಿ ಹೇಳಿದ್ದಾರೆ ಎಂದು ವರದಿಯಾಗಿದೆ.

ಏಪ್ರಿಲ್ 22 ರಂದು ಕಾಶ್ಮೀರದ ಪಹಲ್ಗಾಮ್‌ನಲ್ಲಿ ನಡೆದ ಭಯೋತ್ಪಾದಕ ದಾಳಿಗೆ ಪ್ರತಿಕ್ರಿಯೆಯಾಗಿ ಈ ದಾಳಿಗಳು ನಡೆದವು, ಅದರಲ್ಲಿ ಹೆಚ್ಚಾಗಿ ಪ್ರವಾಸಿಗರು 26 ಜನರು ಸಾವನ್ನಪ್ಪಿದರು. ಪಹಲ್ಗಾಮ್ ಭಯೋತ್ಪಾದಕ ದಾಳಿಯು ಭಾರತದಲ್ಲಿ ಇತ್ತೀಚಿನ ವರ್ಷಗಳಲ್ಲಿ ನಾಗರಿಕರ ಮೇಲೆ ನಡೆದ ಅತ್ಯಂತ ಮಾರಕ ದಾಳಿಗಳಲ್ಲಿ ಒಂದಾಗಿದೆ.

ಇದನ್ನೂ ಓದಿ:ನೀವು ಮೊಟ್ಟೆಗಳನ್ನು ಬೇಯಿಸಿದ ನೀರನ್ನು ಎಸೆಯಬೇಡಿ! ಉತ್ತಮ ರೀತಿಯಲ್ಲಿ ಬಳಸಬಹುದು ನೋಡಿ.. boiled egg water

ಪಾಕಿಸ್ತಾನದಲ್ಲಿ ಸೇನಾ ದಾಳಿ ದೃಢಪಟ್ಟ ಸ್ವಲ್ಪ ಸಮಯದ ನಂತರ, ಭಾರತೀಯ ಸೇನೆಯು X ನಲ್ಲಿ ಪೋಸ್ಟ್‌ನಲ್ಲಿ "ನ್ಯಾಯ ದೊರಕಿತು. ಜೈ ಹಿಂದ್!" ಎಂದು ಹಂಚಿಕೊಂಡಿದೆ.(ಏಜೆನ್ಸೀಸ್​)

https://www.vijayavani.net/attacks-on-terrorist-training-camps-what-did-china-say-about-operation-sindhura

https://www.vijayavani.net/operation-sindhura-ready-to-de-escalate-tensions-if-india-backs-down-pakistan-defense-minister-asif