ಬರಿಗೈಯಲ್ಲಿ ಸಿಂಹವನ್ನು ಓಡಿಸಿದ Forest Guard; ಇದು ಭಾರತದಲ್ಲಿ ಮಾತ್ರ ಸಾಧ್ಯ ಎಂದ ನೆಟ್ಟಿಗರು

ಗಾಂಧಿನಗರ: ಪ್ರಪಂಚವು ಪ್ರತಿನಿತ್ಯ ಒಂದಿಲ್ಲೊಂದು ವಿಶೇಷ, ವಿಚಿತ್ರ ಘಟನೆಗಳಿಗೆ ಸಾಕ್ಷಿಯಾಗುತ್ತಿರುತ್ತದೆ. ಈ ಘಟನೆಗಳು ಹಲವರು ಅಚ್ಚರಿಘೂ ಕಾರಣವಾಗುತ್ತಿರುತ್ತವೆ. ಇದೀಗ ಫಾರೆಸ್ಟ್​ ಗಾರ್ಡ್ (Forest Guard)​ ಒಬ್ಬರು ಸಿಂಹವೊಂದನ್ನು ಓಡಿಸಿರುವ ಘಟನೆ ಬೆಳಕಿಗೆ ಬಂದಿದ್ದು, ಆತನ ದೈರ್ಯಕ್ಕೆ ವ್ಯಾಪಕ ಮೆಚ್ಚುಗೆ ವ್ಯಕ್ತವಾಗುತ್ತಿದೆ.

ಗುಜರಾತ್​ನ ಭಾವ್​ನಗರ ಜಿಲ್ಲೆಯಲ್ಲಿ ಈ ಘಟನೆ ನಡೆದಿದ್ದು, ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗಿದೆ. ವೈರಲ್​ ಆಗಿರುವ ವಿಡಿಯೋ ನೋಡುವುದಾದರೆ ಲಿಲ್ಯ ರೈಲ್ವೆ ಕ್ರಾಸಿಂಗ್​ ಬಳಿ ಸಿಂಹ ಒಂದು ಇರುವುದನ್ನು ಗಮನಿಸಿದ ಫಾರೆಸ್ಟ್​ ಗಾರ್ಡ್​ (Forest Guard) ಕೂಡಲೇ ಜೋರಾಗಿ ಕೂಗಿಕೊಂಡು ಅದನ್ನು  ಬರಿಗೈಯಲ್ಲಿ ಓಡಿಸಿದ್ದಾರೆ. ಸಿಂಹ ಕೂಡ ತಿರುಗಿಬೀಳದೆ ಅಲ್ಲಿಂದ ಜಾಗ ಖಾಲಿ ಮಾಡಿದ್ದು, ಸದ್ಯ ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್​ ಆಗಿದೆ.

ಫಾರೆಸ್ಟ್​ ಗಾರ್ಡ್​ (Forest Guard) ಹೆಸರು ಶಂಭುಜಿ ಎಂದು ತಿಳಿದು ಬಂದಿದ್ದು, ಲಿಲ್ಯ ರೈಲು ನಿಲ್ದಾಣದ ಗೇಟ್ ಸಂಖ್ಯೆ ಎಲ್ಸಿ -31 ರಲ್ಲಿ ಈ ಘಟನೆ ನಡೆದಿರುವುದಾಗಿ ತಿಳಿಸಿದ್ದಾರೆ. ಗುಜರಾತ್‌ನಲ್ಲಿ ತಾಪಮಾನ ಕಡಿಮೆಯಾಗುತ್ತಿದ್ದಂತೆ, ಅರಣ್ಯ ಇಲಾಖೆ ನೌಕರರು ಗ್ರಾಮೀಣ ಪ್ರದೇಶಗಳಲ್ಲಿ ಸಿಂಹಗಳ ರಕ್ಷಣೆಯ ಬಗ್ಗೆ ಎಚ್ಚರ ವಹಿಸಿರುವುದಾಗಿ ತಿಳಿಸಿದ್ದಾರೆ. 

ಜನವರಿ 06ರಂದು ಈ ಘಟನೆ ನಡೆದಿದ್ದು, ಸದ್ಯ ಈ ವಿಡಿಯೋ ವೈರಲ್​ ಆಗಿದೆ. ಹಲವರು ಇದು ಭಾರತದಲ್ಲಿ ಮಾತ್ರ ಸಾಧ್ಯ ಎಂದು ಕಮೆಂಟ್​ ಮಾಡಿದ್ದು, ಫಾರೆಸ್ಟ್ ಗಾರ್ಡ್​ ಧೈರ್ಯವನ್ನು ಹಾಡಿ ಹೊಗಳುತ್ತಿದ್ದಾರೆ.

https://www.vijayavani.net/i-thought-indira-gandhi-was-powerful-but-my-research-found-her-to-be-weak-kangana-ranaut

https://www.vijayavani.net/uncertain-future-in-test-forces-virat-kohli-to-play-county-cricket-before-england-series-report