ಭಾರತ ಜಗತ್ತಿನ ಅತಿ ದೊಡ್ಡ ಪ್ರಜಾಪ್ರಭುತ್ವ ದೇಶ ಎಂಬುದು ನಮಗೆ ಹೆಮ್ಮೆ. ಇಲ್ಲಿನ ನೂರಾರು ಭಾಷೆಗಳು, ಸಾವಿರಾರು ಜಾತಿ, ಮತ, ಸಂಸ್ಕೃತಿಗಳು, ಅಸಂಖ್ಯ ಆಚರಣೆಗಳು, ವೈವಿಧ್ಯಮಯ ಜನಜೀವನದ ನಡುವೆಯೂ ವಿವಿಧತೆಯಲ್ಲಿ ಏಕತೆ ಕಾಣಸಿಗುವುದು ಭಾರತದಲ್ಲಿ ಮಾತ್ರ. ಭಾರತದಲ್ಲಿ ಅಸ್ಥಿರತೆ ಸೃಷ್ಟಿಸಲು ನಿನ್ನೆ ಮೊನ್ನೆಯಿಂದಲ್ಲ, ನಾಲ್ಕೈದು ವರ್ಷಗಳಿಂದ ಅಂದರೆ 2021ರಿಂದಲೂ ಟೂಲ್ ಕಿಟ್ ಪಿತೂರಿಗಾರರು ಹಾಗೂ ಜಾರ್ಜ್ ಸೋರಸ್ ಪಡೆಯ ಸದಸ್ಯರು ನಿರಂತರವಾಗಿ ಷಡ್ಯಂತ್ರ ನಡೆಸುತ್ತಲೇ ಇದ್ದಾರೆ. ಅದು ಈಗ ಜಗಜ್ಜಾಹೀರಾಗಿದೆ. ಹಾಗೇ ಸುಮ್ಮನೆ ನೆನಪಿಸುವೆ- 2024ರ ಲೋಕಸಭಾ ಚುನಾವಣೆ ಸಂದರ್ಭದಲ್ಲಿ ಪ್ರಧಾನಿ ನರೇಂದ್ರ ಮೋದಿ ಹಾಗೂ ಬಿಜೆಪಿಯನ್ನು ಮಣಿಸಲು ಅಂತಾರಾಷ್ಟ್ರೀಯ ಏಜೆನ್ಸಿಗಳು ತೆರೆಮರೆಯಲ್ಲಿ ಪಿತೂರಿ ನಡೆಸಿದ್ದವು. ಭಾರತದಲ್ಲಿ ಬಾಲ್ಯ ವಿವಾಹ ಅವ್ಯಾಹತ, ಅಲ್ಪಸಂಖ್ಯಾತರ ಮೇಲಿನ ದಾಳಿ ನಿರಂತರ, ಕೋಮುಗಲಭೆ ಮಾಮೂಲು, ಭಯೋತ್ಪಾದನೆ ನಿರಂತರ, ಭಾರತದಲ್ಲಿ ಧರ್ವಂಧತೆ ಮಿತಿಮೀರುತ್ತಿದೆ, ಪ್ರಜಾತಂತ್ರದ ಕಗ್ಗೊಲೆ ಆಗುತ್ತಿದೆ ಎಂದು ಬಿಂಬಿಸುವುದು ಜಾರ್ಜ್ ಸೋರಸ್ ಮತ್ತು ಆತನ ಪಟಾಲಂನ ಯೋಜಿತ ಕಾರ್ಯತಂತ್ರ.
