8 ವರ್ಷ ಕೆಲಸ ಮಾಡಿ ಕೇವಲ 8 ರೂ. ಸ್ಯಾಲರಿ ಪಡೆದ ವ್ಯಕ್ತಿ!: 1 ರೂ. SBI ಚೆಕ್​ ವೈರಲ್​

ಒಂದು ವರ್ಷಕ್ಕೆ ಕೇವಲ 1 ರೂ. ಸಂಬಳ ಪಡೆದ ಈತ ಒಟ್ಟು 8 ವರ್ಷಗಳಲ್ಲಿ 8 ರೂ. ಸಂಬಳ ಪಡೆಯುವ ಮೂಲಕ ಎಲ್ಲರನ್ನು ಅಚ್ಚರಿಗೊಳಿಸಿದ್ದಾನೆ. ಅಲ್ಲದೆ, ತಾನು ಪಡೆದ 1 ರೂ. SBI ಚೆಕ್​ ಅನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದು, ವೈರಲ್​ ಆಗುತ್ತಿದೆ.

ಇದನ್ನೂ ಓದಿ:ರೆಖ್ಯ ಹೆದ್ದಾರಿ ಕಾಮಗಾರಿ ಕಳಪೆ : ಗ್ರಾಮಸ್ಥರ ಅಸಮಾಧಾನ : ಜು.31ರಂದು ಪ್ರತಿಭಟನೆಗೆ ಸಿದ್ಧತೆ

ಹೌದು, ಉದ್ಯಮಿ ಮತ್ತು ಮೈಂಡ್‌ಟ್ರೀ ಸಹ-ಸಂಸ್ಥಾಪಕ ಸುಬ್ರೋಟೊ ಬಾಗ್ಚಿ ಅವರು ಎಸ್‌ಬಿಐನಿಂದ ಪಡೆದ ಕೊನೆಯ ಸಂಬಳದ ಚೆಕ್ ಅನ್ನು ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೊಂಡಿದ್ದಾರೆ. ಒಡಿಸ್ಸಾ ಸರ್ಕಾರದೊಂದಿಗೆ ಸಂಸ್ಥೆ ಸಾಮರ್ಥ್ಯ ವೃದ್ಧಿಯಲ್ಲಿ ಮುಖ್ಯ ಕೆಲಸಗಾರರಾಗಿ ಕಾರ್ಯ ನಿರ್ವಹಿಸುತ್ತಿರುವಾಗ ಅವರು ವರ್ಷಕ್ಕೆ 1 ರೂ. ಸಂಬಳವನ್ನು ಮಾತ್ರ ಪಡಯುತ್ತಿದ್ದರು. ಒಟ್ಟು 8 ವರ್ಷಗಳಲ್ಲಿ 8 ಚೆಕ್​ಗಳನ್ನು ಪಡೆದಿದ್ದಾರೆ. ಇದೀಗ ಈ ಕೊನೆಯ ಚೆಕ್​ ವಿಶೇಷವಾಗಿದೆ ಎಂದು ಹೇಳಿದ ಬಾಗ್ಚಿ, ನಿಜವಾದ ಸಂಪತ್ತು ಹಣವಲ್ಲ. ಇತರರಿಗೆ ನೀಡುವ ಸೇವೆ ಮತ್ತು ದೇಶಕ್ಕೆ ನೀಡುವ ಕೊಡುಗೆ ಎಂದು ಹೇಳಿದ್ದಾರೆ.

ಇದನ್ನೂ ಓದಿ:ಅಲಂಕಾರಿಕ ಗಿಡಗಳ ತೆರವಿಗೆ ಪಿಡಿಒ ನಿರ್ದೇಶನ : ಅಧಿಕಾರಿ ವಿರುದ್ಧ ತಾರತಮ್ಯ ನೀತಿ ಅನುಸರಣೆ ಆರೋಪ

ಇನ್ನು ಈ ಚೆಕ್​ ಅನ್ನು ಎಕ್ಸ್​ ವೇದಿಕೆಯಲ್ಲಿ ಹಂಚಿಕೊಂಡ ಬಾಗ್ಚಿ, ''ಈ ಒಂದು ಜೀವನದಲ್ಲಿ ನಾನು ಎಂದಿಗೂ ಬಿಟ್ಟುಕೊಡದ ದೊಡ್ಡ ಸಂಪತ್ತು ಯಾವುದು? ಸರಿ, ನಾನು ಸರ್ಕಾರದೊಂದಿಗೆ ಮಾಡಿದ ಪ್ರತಿ ವರ್ಷ ಕೆಲಸಕ್ಕೆ, ಸಂಭಾವನೆ ಪಡೆದಿದ್ದೇನೆ. ನಾನು ಅಲ್ಲಿ ಕಳೆದ 8 ವರ್ಷಗಳ ಕಾಲ, ನನಗೆ 8 ಚೆಕ್‌ಗಳು ಸಿಕ್ಕವು ಮತ್ತು ಇದು ನನ್ನ ಕೊನೆಯ ಸಂಬಳದ ಚೆಕ್ ಆಗಿತ್ತು" ಎಂದು ಹೇಳಿದರು.

ಈ ಪೋಸ್ಟ್ ವೈರಲ್ ಆಗಿದ್ದು, ಹಲವರು ಇದನ್ನು ನಿಜವಾದ ನಾಯಕತ್ವದ ಅಪರೂಪದ ಉದಾಹರಣೆ ಎಂದು ಕರೆದಿದ್ದಾರೆ. ಒಬ್ಬ ಬಳಕೆದಾರರು, "ಒಡಿಶಾಗೆ ನಿಮ್ಮ ಕೊಡುಗೆ ಅದ್ಭುತವಾಗಿದೆ. ಕಾರ್ಪೊರೇಟ್ ಜಗತ್ತಿನಲ್ಲಿ ನೀವು 8 ವರ್ಷಗಳಲ್ಲಿ 8,000 ಕೋಟಿ ರೂ. ಗಳಿಸಬಹುದಿತ್ತು. ಸೆಲ್ಯೂಟ್!!" ಎಂದು ಕಾಮೆಂಟ್ ಮಾಡಿದ್ದಾರೆ.(ಏಜೆನ್ಸೀಸ್​)

https://www.vijayavani.net/nayanthara-documentry-faces-copyrights-issue

https://www.vijayavani.net/cm-post-is-not-vacant-this-is-not-the-right-time-to-discuss-it-dk-shivakumar